ព័ត៌មានជាតិ

(បន្ទាយមានជ័យ ) លោកវរសេនីយ៍ត្រី សុខ ឡេង មេបញ្ជាការមូលដ្ឋានកងរាជអាវុធហត្ថក្រុងសិរីសោភ័ណ បានដឹកនាំកម្លាំងចុះឃាត់ខ្លួនជនសង្ស័យម្នាក់ឈ្មោះ លាង ចាន់ណាត ភេទប្រុស អាយុ៣៩ឆ្នាំ ជនជាតិខ្មែរ បច្ចុប្បន្នរស់នៅភូមិសែសិន សង្កាត់អូរអំបិល ក្រុងសិរីសោភ័ណ ខេត្តបន្ទាយមានជ័យ ពាក់ព័ន្ធករណីហិង្សាដោយចេតនា ស្ថានទម្ងន់ទោស និងប្រើប្រាស់ដោយខុសច្បាប់នូវសារធាតុញៀន ដែលបានប្រព្រឹត្តកាលពីវេលាម៉ោង១២និង៣០នាទី ថ្ងៃទី០៥ ខែកក្កដា ឆ្នាំ២០២៤ នៅចំណុចស្ថានីយ៍រថភ្លើង ស្ថិតក្នុងភូមិសែសិន សង្កាត់អូរអំបិល ក្រុងសិរីសោភ័ណ។ ការចុះឃាត់ខ្លួននេះធ្វេីឡេីងតាមពាក្យបណ្តឹងរបស់ជនរងគ្រោះឈ្មោះ សឿរ សាន ភេទប្រុស អាយុ៣៨ឆ្នាំ បច្ចុប្បន្នស្នាក់នៅភូមិសែសិន សង្កាត់អូរអំបិល ក្រុងសិរីសោភ័ណ។ លោកវរសេនីយ៍ត្រី សុខ ឡេង មេបញ្ជាការមូលដ្ឋានកងរាជអាវុធហត្ថក្រុងបានឱ្យដឹងថា កាលពីវេលាកេីតហេតុជនរងគ្រោះ និងឪពុកក្មេក ព្រមទាំងឈ្មោះប្រុស អាយុប្រហែល៤២ឆ្នាំ បាននាំគ្នាអង្គុយផឹកស្រាថ្នាំ  រហូតដល់វេលាម៉ោង១២និង០០នាទី ថ្ងៃដដែល ជនរងគ្រោះបានសុំមកផ្ទះមុន ក៏បានឮសំឡេងឪពុកក្មេករបស់ខ្លួន ជេរគ្នាជាមួយជនសង្ស័យ នៅផ្ទះរបស់ជនសង្ស័យ ឃើញដូចនោះជនរងគ្រោះ និងប្រពន្ធបានទៅឃាត់កុំឱ្យជេរគ្នា ស្រាប់តែជនសង្ស័យជេរម្តាយ របស់ខ្លួន ឮដូចនោះរូបខ្លួនបានកាន់ដងឆ័ត្រ […]

(បន្ទាយមានជ័យ)៖ កម្លាំងនគរបាលក្រុងប៉ោយប៉ែត ឃាត់ខ្លួនក្មេងទំនើង៣នាក់ បានជាបន្តបន្ទាប់យកមកសួរនាំ កាលពីថ្ងៃទី៨ ខែកក្កដា  ឆ្នាំ២០២៤ វេលាម៉ោង០៨ និង០០នាទី ក្រោយពីមានប្រជាពលរដ្ឋប្តឹងថា ក្មេងទំនើងទាំងនោះ បាននាំគ្នាយកយកដុំថ្មគប់ និងយកកាំបិតដេញកាប់ភ្ញៀវដែលកំពុងពិសារអាហារក្នុងហាងមួយកន្លែង ក្នងភូមិសាមគ្គីមានជ័យ សង្កាត់អូរជ្រៅ ក្រុងប៉ោយប៉ែត ខេត្តបន្ទាយមានជ័យ។ បន្ទាប់ពីទទួលបានបណ្តឹងរបស់ជនរងគ្រោះ លោកឧត្តមសេនីយទោ សិទ្ធិ ឡោះ ស្នងការនៃស្នងការដ្ឋាននគរបាលខេត្តបន្ទាយមានជ័យ បានដាក់ចេញនូវបទបញ្ជាយ៉ាងម៉ឺងម៉ាត់ ដល់លោកវរសេនីយ៍ទោ ព្រហ្ម ពិសិដ្ឋ អធិការដ្ឋានគរបាលក្រុងប៉ោយប៉ែត បានដឹកនាំកម្លាំងនគរបាលប៉ុសិ៍្តរដ្ឋបាលអូរជ្រៅ បានធ្វើការស្រាវជ្រាវរហូតឃាត់ខ្លួនបានជនសង្ស័យចំនួន៣នាក់មានឈ្មោះរើន រស្មី ភេទប្រុស អាយុ២០ឆ្នាំ ,ឈ្មោះយស សុវណ្ណដា ភេទប្រុស អាយុ១៧ឆ្នាំ និងឈ្មោះអេន លីណា ភេទប្រុស អាយុ១៧ឆ្នាំ យកមកសួរនាំ។ នៅចំពោះមុខនគរបាលសួរនាំ ជនសង្ស័យទាំង៣នាក់ បានសារភាពថា ពិតជាបានដេញកាប់មនុស្សម្នាក្នុងហាងផឹកស៊ីមួយកន្លែងមែន រឿងហិង្សានេះកើតឡើង គឺដោយសារឈ្មោះ សៃ សុផាន់ណា ភេទប្រុស អាយុ១៧ឆ្នាំជាបុគ្គលិកហាងខាងលើ មានជម្លោះពាក្យសម្តីជាមួយពួកគេ ដូចនេះហើយពួកគេមករកកាប់បុគ្គលិករូបនោះ តែគាត់បានរត់គេចចូលក្នុងបន្ទប់បាត់ ទើបកកាប់ត្រូវភ្ញៀវទៅវិញ។ […]

(បន្ទាយមានជ័យ) រដ្ឋបាលខេត្តបន្ទាយមានជ័យ បានរៀបចំពិធីផ្សព្វផ្សាយទាញយកកម្មវិធីទូរសព្ទដៃ Nodrug និងបារីអេឡិចត្រូនិច ក្នុងក្រុងប៉ោយប៉ែត ។ពិធីនេះប្រព្រឹត្តទៅក្រោមអធិបតីភាពលោក យឹម សំណាង អភិបាលរងខេត្តបន្ទាយមានជ័យ ដោយមានការអញ្ជើញចូលរួមពីលោក គាត ហ៊ុល អភិបាលក្រុងប៉ោយប៉ែត និងលោក លោកស្រី សមាជិកក្រុមប្រឹក្សាក្រុង អភិបាលរងក្រុង ចៅសង្កាត់ កងកម្លាំង មន្ទីរជំនាញពាក់ព័ន្ធ នៅព្រឹកថ្ងៃចន្ទ ទី៨ ខែកក្តដា ឆ្នាំ២០២៤ ធ្វើនៅសាលប្រជុំភោជនីយដ្ឋានមាតុភូមិ។ បន្ទាប់លោក គាត ហ៊ុល អភិបាលក្រុងប៉ោយប៉ែត បានឡើងមានមតិស្វាគមន៍និងរាយការណ៍អំពីការគ្រប់គ្រងរដ្ឋបាល.ការងារអប់រំយុវជននិងកីឡា.ការងារកសាងហេដ្ឋារចនាសម្ព័ន្ធនានា.ការងាររៀបចំអនាម័យបរិស្ថាន និងសណ្ដាប់ធ្នាប់សាធារណៈ និងអំពីសក្តានុពលសេដ្ឋកិច្ចក្នុងក្រុងប៉ោយប៉ែតរួចមក។ លោក ស្រី សារ៉ុម នាយការិយាល័យគ្រឿងញៀន បានឡើងធ្វើបទបង្ហាញនិងលើកឡើងថា៖ ដោយអនុវត្តន៍សម្រាប់ការទាញយកកម្មវិធីទូរទសព្ទដៃ Nodrug របស់បងប្អូនជាការាយការសម្ងាត់ទើបខាងសមត្ថកិច្ចបានចុះស៊ើបអង្កេត និងប្រតិបត្តិការបានចំនួន ៣ករណី ហើយបន្ទាប់ពីការទទួលបានពីNodrug ក្នុងនោះក្រុងសិរីសោភ័ណ១ករណី និងក្រុងប៉ោយប៉ែតពីករណី។ម្យ៉ាងវិញទៀតលោកក៏បានធ្វើការផ្សព្វផ្សាយពីគុណវិបត្តិរបស់ការប្រើប្រាស់បារីអេឡិចត្រូនិច ក៏ដូចជាស្លឹកកន្ធំដែលជាសាធាតុញៀន តែកំពុងផ្ទុះថ្មីៗនៅក្នុងប៉ោយប៉ែតផងដែរ។ ថ្លែងនៅក្នុងឱកាសនោះលោក យឹម សំណាង អភិបាលរងខេត្ត បានមានប្រសាសន៍លើកឡើងថា៖(Nodrug)ជាកម្មវិធីផ្ដល់ការអប់រំពីផលប៉ះពាល់នៃការប្រើប្រាស់គ្រឿងញៀន លក្ខណៈគ្រឿងញៀនក្លាយជាក្តីបារម្ភរួមរបស់សង្គមជាតិ។ ហើយអាជ្ញាធរជាតិប្រយុទ្ធប្រឆាំងគ្រឿងញៀនទើបប្រកាសឱ្យទាញយកប្រើប្រាស់ជាផ្លូវការកាលពីពេលថ្មីៗនេះ។ […]

បន្ទាយមានជ័យ ៖លោក ឈុន ម៉ៅ ប្រធានក្រុមបេះដូងតែមួយ នាចុងសប្តាហ៍នេះ បានដឹកនាំក្រុមការងារនាំយកអំណោយចែកជូនដល់បងប្អូនប្រជាពលរដ្ឋដែលកំពុងសម្រាកព្យាបាលជំងឺនៅមន្ទីរពេទ្យបង្អែកក្រុងសិរីសោភ័ណ ចំនួន៤៥នាក់។ នាឱកាសនោះលោក ឈុន ម៉ៅ ក៏បានជូនពរទៅដល់បងប្អូនដែលកំពុងសម្រាកព្យាបាលសូមទទួលបាននូវការឆាប់ជាសះស្បើយ និងមានសុខភាពល្អ ។ លោកក៏បានបញ្ជាក់ថា ក្រុមបេះដូងតែមួយ បង្កើតឡើង គឺដើម្បីចូលរួមជាមួយនឹងការងារមនុស្សធម៌ជួយដល់បងប្អូនប្រជាពលរដ្ឋដែលជួបការលំបាកផ្សេង ៗ ។លោកបញ្ជាក់ថា សម្ភាៈ និងអំណោយទាំងអស់នេះ គឺជាទឹកចិត្តនៃការចូលរួមរបស់បងប្អូនក្រុមបេះដូងមួយ សម្រាប់ជួយដល់បងប្អូនប្រជាពលរដ្ឋដែលកំពុងជួបការលំបាក ដេីម្បីបានដោះស្រាយជីវភាពបានមួយគ្រារ។ សូមបញ្ជាក់ផងដែរថា នេះមិនមែនជាលើកទីមួយទេ ដែលក្រុមការងារបេះដូងតែមួយបាននាំយកអំណោយ មកចែកជូនដល់បងប្អូនដែលសម្រាលព្យាបាលនៅមន្ទីរពេទ្យបង្អែកសិរីសោភ័ណពោលកន្លងទៅក្រុមបេះដូងតែមួយក៏បានធ្វើការនាំយកអំណោយមនុស្សធម៌ទៅចែកជូនបងប្អូនប្រជាពលរដ្ឋដែលជួបការលំបាក តាមទីវត្តអារាម នៅតាមតំបន់ដាច់ស្រយាលផងដែរ។ ទាំងនេះបញ្ជាក់ឃើញពីការចូលរួមជាមួយនឹងថ្នាក់ដឹកនាំ ក៏ដូចជារាជរដ្ឋាភិបាលក្នុងការជួយដល់បងប្អូនប្រជាពលរដ្ឋដោះស្រាយ ជីវភាពបានមួយគ្រាផងដែរ។ អំណោយដែលត្រូវចែកជូនបងប្អូនប្រជាពលរដ្ឋ នៅមន្ទីរពេទ្យបង្អែកសិរីសោភ័ណ ទាំង៤៥ ក្នុងមួយនាក់ទទួលបានអង្ករមួយការុងតូច, ទឹកសុទ្ធ១យួរ, ទឹកដោះគោឆៅ១យួ ,ត្រីខ១យួ , សារុង១ , ក្រមា១ ,គ្រឿង ឧបភោគ បរិភោគ រួមនឹងថវិកាមួយចំនួនផងដែរ៕

ប៉ៃលិន៖ នារសៀលថ្ងៃទី០៦ ខែកក្កដា ឆ្នាំ២០២៤ លោ​កជំទាវ បាន ស្រីមុំ អភិបាលខេត្តប៉ៃលិន និង​ជាប្រធានសាខាកាកបាទក្រហមកម្ពុជាខេត្ត ព្រមទាំងក្រុមការងារ បានអញ្ជើញជួប​សំណេះ​សំណា​ល សួរ​សុខទុក្ខ ពិសារអាហារសាមគ្គី និងផ្តល់អំណោយមនុស្សធ៌ម ជូនដល់មេភូមិ អនុភូមិ សមា​ជិកភូមិ និង​ប្រជា​ការពារទូទាំងឃុំស្ទឹងកាច់ ស្រុក​សាលាក្រៅ ខេត្តប៉ៃលិន។ លោកជំទាវ បាន ស្រីមុំ អ​ភិបាល នៃគណៈអភិបាលខេត្តប៉ៃលិន បានមានប្រសា​សន៍ប្រសាសន៍​លើកឡើងថា៖ ប្រជាការពារ គឺមានភារកិច្ចការពារសន្តិសុខ នៅ ក្នុងមូលដ្ឋានរបស់ខ្លួន ធ្វើយ៉ាង​ណាឱ្យប្រជាពលរដ្ឋ ទទួលបានការ រស់នៅប្រកបដោយក្តីសុខ សប្បាយរីករាយ គ្មានប៉ះ ពាល់ ដល់សណ្តាប់ធ្នាប់ ឬការរំខានណាមួយ និងត្រូវទប់ស្កាត់ នូវរាល់ បទ ល្មើសផ្សេងៗ មានដូចជា អំពើចោរកម្ម ក្មេង ទំនើង ការបង្កសំឡេងរំខាន និងបញ្ហាបទល្មើសគ្រឿង ញៀន ផង ដែរ ដែលភា​រកិច្ចទាំងអស់នេះ គឺប្រជាការពារយើង អាចរួម ចំណែក […]

(បន្ទាយមានជ័យ)៖នៅព្រឹកថ្ងៃសៅរ៍ ទី០៦ ខែកក្កដា ឆ្នាំ២០២៤ លោក បោន ប៊ិន សមាជិ​កអចិ​ន្ត្រៃយ៍គណ​បក្សខេត្ត អនុប្រធា​នក្រុមកា​រងារចុះមូលដ្ឋាន​ក្រុងប៉ោយប៉ែត និងជាប្រ​ធានក្រុមកា​រងារបក្សចុះមូលដ្ឋាន​សង្កាត់អូរជ្រៅ បានអញ្ជេីញជា​អធិបតីភាព ក្នុងវគ្គជីវភាពនយោបាយ ស្តីពីខួប​អនុស្សាវរីយ៍លើកទី៧៣ឆ្នាំ ថ្ងៃបង្កើតគណ​បក្សប្រជាជនកម្ពុជា (២៨ មិថុនា ១៩៥១ – ២៨ មិថុនា ២០២៤ ) ។ពិធីនេះបាន​ប្រារព្ធឡេីងនៅទីស្នាក់កា​រគណបក្សប្រជាជនសង្កាត់អូរជ្រៅ ក្រុង​ប៉ោយ​ប៉ែត ខេត្តបន្ទាយមានជ័យ ដោយមានការអញ្ជើញចូលរួមពី​សំណាក់លាក–លោកស្រី អនុប្រធា​នក្រុមការងារចុះមូល​ដ្ឋានសង្កាត់ និងភូមិ ព្រមទាំង​មានការចូលរួមពី​សមាជិក–សមាជិការ យុវជន​បក្សសង្កាត់ សរុប​ចំនួន២៣០នាក់។ តំណាងយុវជនគណបក្សសង្កាត់ ក៏​បានធ្វើការប្តេជ្ញាចិត្ត ដោ​យបន្តគាំទ្រ ការពារ និងលើកកម្ពស់ តួ​នាទីដឹកនាំរបស់គណបក្សប្រជាជនកម្ពុ​ជាឱ្យកាន់តែរឹងមាំ នៅគ្រប់ដំ​ណា​ក់កាល, ប្តេជ្ញ ! បន្តអនុវត្ត កម្មវិធីន​យោបាយ និងយុទ្ធសាស្ត្រ បញ្ចកោណ​ ដំណាក់កាលទី១ ក្រោមការដឹ​កនាំរបស់​សម្តេចមហា​បវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ឱ្យសម្រេចបាន​ជោគជ័យ, ប្តេជ្ញា! ប្រែក្លា​យលទ្ធផល​ នៃការបោះឆ្នោតជ្រើស​តាំងសមាជិកព្រឹទ្ធសភា នីតិកាលទី៥ […]

ប៉ៃលិន៖ នាថ្ងៃទី០៦ ខែកក្កដា ឆ្នាំ២០២៤ លោកជំទាវ​បណ្ឌិត បាន ស្រីមុំ អភិបាល នៃគណៈអភិ​បាល​ខេត្តប៉ៃលិន បានអញ្ជើញដឹកនាំមន្ត្រីជំនាញ និងក្រុមការងារ ចុះពិនិត្យមើល និងលើកទឹកចិត្ត​ដល់ប្រជាក​សិករដាំដុះបន្លែសរីរាង្គ នៅឃុំសាលា​ក្រៅ និងឃុំស្ទឹងត្រង់ ស្រុកសាលាក្រៅ ខេត្តប៉ៃ​លិន ដើម្បីផ្គត់ផ្គង់ទីផ្សារក្នុងស្រុក និងនាំចេញ និងពិនិត្យមើលដំ​ណើរការសាង​សង់ប្រព័ន្ធទំន​ប់ធារា​សាស្ត្រ។ លោកជំទាវ បាន ស្រីមុំ អភិបាលខេត្តប៉ៃលិន បានមានប្រសាសន៍លើកឡើងថា៖ បច្ចុប្បន្នរាជ​រដ្ឋាភិ​បាល ដែលមានសម្តេច​មហាបវរធិបតី ហ៊ុន ម៉ាណែត ជានាយករដ្ឋមន្ត្រី បានជំរុញក្រសួងកសិកម្ម រុក្ខាប្រមា​ញ់ និងនេសាទ ធ្វើការបណ្តុះ​បណ្តាលដល់សហគមន៍ ឬបណ្តុំកសិករ ដោយផ្តល់​អ្នកជំនា​ញទៅ​បណ្តុះបណ្តាលដល់មូលដ្ឋានផ្ទាល់តែម្តង គឺធ្វើយ៉ាងណាឱ្យកា​រដាំដុះរបស់បង​ប្អូនប្រជាកសិក​រទទួលបានទិន្នផលច្រើន ចំណាយលើការផលិតតិច និងមានសុវត្ថិភា​ពដល់អ្នកប្រើប្រាស់​ក៏ដូចជា​អ្នក​ដាំផ្ទាល់ ជាពិសេស​ផលិតកសិផលទៅតាមតម្រូវការទីផ្សារក្នុងស្រុក និងនាំចេញ​ទៅក្រៅប្រទេស ។ ​ លោកជំទាវអភិបាលខេត្ត បានមានប្រសាសន៍រំលឹកថា៖ កន្លងមកក្នុងដំណាក់កា​លការទប់ស្កាត់​ការឆ្លងរីករាល​ដាល នៃជម្ងឺកូវីដ–១៩ រាជរដ្ឋាភិបាលកម្ពុជា ដែលមានសម្តេចតេជោ ហ៊ុន សែន ជាអតីតនាយក​រដ្ឋមន្ត្រី បានផ្តល់ថវិកាឧបត្ថម្ភ និងជម្រុញឱ្យបងប្អូនប្រជាពលរដ្ឋ ខិតខំចិញ្ចឹមសត្វ […]

(បន្ទាយមានជ័យ) លោក យឹម សំណាង អភិបាលរងខេត្តបន្ទាយមានជ័យ បានអញ្ជើញចូ​លរួមដាំ​កូនឈើចំនួន៥៦៧ដើម ដែលជាអំ​ណោយរប​ស់ឯកឧត្តម​ កែ​ គឹមយ៉ាន​ អ្នកតំណាងរាស្ត្រ មណ្ឌល ខេត្តបន្ទាយ​មានជ័យ និងជា​ឧត្តមប្រឹក្សាផ្ទាល់ព្រះមហាក្សត្រ និងលោកជំទាវ នៅបរិវេណវិទ្យាល័​យភ្នំធំ ឃុំអូរប្រា​សាទ ស្រុកមង្គលបូរី ដោ​យមានការួមពីឯកឧត្តម ហ៊ូ ប៊ុនហេង ជំនួយការឯកឧត្តម កែ គឹមយ៉ាន និងជាប្រធានក្រុមបណ្ដា​ញអង្គការគាំទ្រវិស័​យអប់រំខេត្ត ឯ​កឧត្តម ម៉ាតាំង ឆាលម៉ាំ​ងឌីយោ ទីប្រឹក្សាអាជ្ញា​ធរជាតិប្រយុទ្ធប្រឆាំងនឹងគ្រឿងញៀន និងនាយកអង្គការកុមារមេគង្គ លោក អុឹម សិរីវុទ្ធិន នាយផ្នែករដ្ឋបា​លព្រៃឈើព្រះនេត​ព្រះ លោក ឈូ ប៊ុនរឿង ប្រធានមន្ទីរ អប់រំយុវជន និងកីឡាខេត្តបន្ទាយ​មានជ័យ លោក រ័ត្ន ដាសុីណង់ អភិបាលស្រុកមង្គលបូរី ព្រមទាំងលោក លោក​ស្រី មេបញ្ជាការ មេបញ្ជាការងគ្រប់កង ឯកភាពពាក់ព័ន្ធ លោកគ្រូ អ្នកគ្រូសិស្សានុសិស្ស អាជ្ញាធរ​មូលដ្ឋាន​ នៅព្រឹកថ្ងៃទី៦ ខែកក្កដា ឆ្នាំ២០២៤។ ថ្លែងក្នុងឱកាសនោះលោក […]

(ភ្នំពេញ)៖ឯកឧត្តម​អភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានមាន​ប្រសាស​ន៍កោតសរសើរចំ​ពោះភាពលេចធ្លោរនៃការវិនិយោគផ្នែកហេដ្ឋារចនាសម្ព័ន្ធនៅកម្ពុជា របស់ក្រុម​ CRBC ពិសេសចុងក្រោយនេះ គឺការអភិវឌ្ឍផ្លូវល្បឿនលឿនភ្នំពេញ–ព្រះសីហនុ ដែលជា​គម្រោងទី១ និងជាប្រវត្តិ​សាស្ត្រនៅកម្ពុជា។ ប្រមុខក្រសួងមហាផ្ទៃកម្ពុជា ក៏បានមានប្រសា​សន៍​លើក​ទឹកចិត្តក្រុមហ៊ុន CRBC ពិនិត្យសក្ដានុពលថ្មីៗ ដើម្បីពង្រីកការវិ​និយោគបន្ថែម​ទៀតនៅ​កម្ពុជា។ ក្នុងឱកាសអនុញ្ញា​តជូនលោក យ៉ាង ជៀ អគ្គនាយកក្រុមហ៊ុនសាជីវកម្មថ្នល់ និងស្ពានចិន (CRBC) ប្រចាំកម្ពុជា និងសហការី សម្របសម្រួលដោយឯកឧត្តម ខាន់ ម៉ាណេរ រដ្ឋលេខាធិ​ការក្រសួង​សាធារណការ និងដឹកជញ្ជូន ចូលជួបសម្ដែងការគួរសម នារសៀលថ្ងៃទី៥ ខែកក្កដា ឆ្នាំ២០២៤ ឯកឧត្តមអភិសន្តបណ្ឌិត ស សុខា បានចូលរួមអបអរសាទរចំ​ពោះសមិទ្ធផលផ្លូវ​និងស្ពានសរុប​រាប់ពាន់​គីឡូម៉ែត្រ ដែលក្រុមហ៊ុន បានចូលរួមអភិវឌ្ឍន៍ជាមួយរាជរដ្ឋាភិបាលកម្ពុជា ចាប់តាំងពីឆ្នាំ​២០០១ មក។ ក្នុងនាមសម្ដេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា ឯកឧត្តមអភិសន្តិបណ្ឌិត ក៏បានថ្លែងអំ​ណ​រគុណក្រុមហ៊ុន CRBC ដែលបានផ្ដល់អំណោយមនុស្សធម៌ប្រយុទ្ធនឹងជំងឺកូវីដ–១៩ ដោយបរិ​ចាគ​ប្រាក់ ចំនួន ១លាន ៣សែនដុល្លារ ដល់រាជរដ្ឋាភិបាល […]

(បន្ទាយមានជ័យ)៖ កម្លាំងមូលដ្ឋានកងរាជអាវុធហត្ថក្រុងប៉ោយប៉ែត ដឹកនាំដោ​យលោកវរ​សេនីយ៍​ត្រី នួន នីណារ៉ូ មេបញ្ជាការមូលដ្ឋានកងរាជអាវុធហត្ថក្រុង នៅវេលាម៉ោង១៣ និង៤០នាទី  ថ្ងៃទី០៤ ខែកក្កដា ឆ្នាំ២០២៤ បានឃាត់ខ្លួនជនសង្ស័យចំនួន០២នាក់ ១.ឈ្មោះ រឿន ទូច ភេទប្រុស អាយុ២៨​ឆ្នាំ ជនជាតិខ្មែរ បច្ចុប្បន្នស្នាក់នៅភូមិគីឡូលេខ៤ សង្កាត់ផ្សារកណ្ដាល ក្រុងប៉ោយ​ប៉ែត។២.ឈ្មោះ ឆូត ឈុន ភេទប្រុស អាយុ៣១ឆ្នាំ ជនជាតិខ្មែរ ទីលំ​នៅបច្ចុប្បន្នភូមិបាលិលេយ្យ២ សង្កាត់ប៉ោយ​ប៉ែត ក្រុងប៉ោយប៉ែត ពាក់ព័ន្ធករណីលួច(លួចកាត់ខ្សែភ្លេីង) និងប្រើប្រាស់ដោ​យខុសច្បាប់នូវ​សារធាតុញៀន ដែលប្រព្រឹត្តកា​លពីវេលាម៉ោង១៦និង៣០នាទី ថ្ងៃទី០៣ ខែកក្កដា ឆ្នាំ២០២៤ នៅចំ​ណុចឃ្លាំងមួយកន្លែងក្បែរវត្តស្ទឹងបត់ ស្ថិតនៅភូមិស្ទឹងបត់ សង្កាត់ផ្សារកណ្ដាល ក្រុងប៉ោយប៉ែត ព្រមទាំងដ​កហូតវត្ថុតាងខ្សែភ្លេីងមួយចំនួន។ ការ​ឃាត់ខ្លួននេះធ្វេីឡេីង​តាមពាក្យបណ្តឹងរ​បស់ជនរង​គ្រោះឈ្មោះ សុខ  ជាតិ ភេទស្រី អាយុ៣៧ឆ្នាំ ជនជាតិខ្មែរ បច្ចុប្បន្នស្នាក់នៅភូមិព្រៃព្រិច សង្កាត់​អូរជ្រៅ ក្រុងប៉ោយប៉ែត ។ លោកវរសេនីយ៍ត្រី នួន នីណារ៉ូ បានឱ្យដឹងថា កាលពីថ្ងៃកេីតហេតុ […]