ពិធីបុណ្យលេីកជហ្វា និងផ្កាប្រាក់សាមគ្គី នាវត្ត ខេមរាសីមារាម ទំនប់ក៥
ខេត្តបន្ទាយមានជ័យ៖លោក គាត ហ៊ុល អភិបាលក្រុងប៉ោយប៉ែត ព្រះសង្ឃអាចារ្យគណៈកម្មការ រួមនឹងពុទ្ធបរិស័ទចំណុះជើងវត្ត ទាំង១៥វេណ ព្រមទាំងប្រជាពលរដ្ឋ ដែលរស់នៅសហរដ្ឋអាមេរិក និង អាជីវករក្រុងប៉ោយប៉ែត បានស្រុះស្រួលមួយ គ្នាធ្វើបុណ្យលេីកជហ្វាព្រះវិហារ នៅបុណ្យផ្កាប្រាក់សាមគ្គី នៅវត្ត ខេមរាសីមារាម ទំនប់ក៥ស្ថិតនៅក្នុងភូមិទំនប់កប្រាំ សង្កាត់ប៉ោយប៉ែត ខេត្តបន្ទាយមានជ័យ នាថ្ងៃទី៥ ខែឧសភា ឆ្នាំ២០២៤ ដោយព្រះវិហារថ្មីបានកសាងដល់ដំណាក់កាលត្រូវបានបំពាក់ក្បាច់ និងប្រក់ក្បឿង ដូច្នេះហើយត្រូវលើកយកទៅបំពាក់ឲ្យបានរួចរាល់ ។
ព្រះតេជគុណ វ៉ែន វន់ ព្រះចៅអធិការវត្តទំនប់ក៥ ព្រះអង្គបានមានសង្ឃដីកាថា ព្រះវិហារថ្មីដែលកំពុងសាងសង់នេះគឺត្រូវលើការបំពាក់ជហ្វាចំនួន ៤៤ជហ្វា និងភ្ជាប់នឹង កណ្តឹង១ផងដែរ ដែលសរុបថវិកាក្នុងមួយហ្វា ចំនួន១៦០សហរដ្ឋអាមេរិក ដែលក្នុងនោះអស់លោកលោកស្រីដែលជាម្ចាស់ សទ្ធានៃប្រទេសសហរដ្ឋអាមេរិកបានធ្វើការជាវអស់មួយចំនួនធំហើយ ព្រះគ្រូចៅអធិការបានបន្តថា គ្រប់ព្រះវិហារទាំងអស់ ត្រូវបំពាក់ជហ្វាដើម្បីជាគ្រឿងលម្អតាមក្បូរក្បាច់រចនាបទខ្មែរយើង ពីយូរលង់ណាស់មកហើយ។ លោក គាត ហ៊ុល អភិបាលក្រុងប៉ោយប៉ែតបានមានប្រសាសន៍ថ្លែង នូវអំណរគុណយ៉ាងជ្រាលជ្រៅ ចំពោះបងប្អូនប្រជាពលរដ្ឋពុទ្ធបរិស័ទជិតឆ្ងាយក្នុង និង ក្រៅប្រទេស ដែលបានរួបរួមសាមគ្គីគ្នាមាន សទ្ធាកសាងសមិទ្ធផលនានាក្នុងវត្តនេះ ឲ្យមានការរីកចម្រេីន ហេីយ វត្តនេះក៏ជាប់ព្រំដែននៃប្រទេសថៃផងដែរ។
លោកបន្តថា ការជួបជុំធ្វើពិធីបុណ្យផ្សេងៗ មានភាពសប្បាយរីករាយ គ្មានការភ័យខ្លាច អាស្រ័យដោយប្រទេសជាតិយើងមានសុខសន្តិភាពពេញលេញ ជាសង្គមមួយប្រកបដោយភាពសុខដុមរមនា រួបរួមសាមគ្គីគ្នាជាធ្លុងមួយ គ្មានការកើតឡើងជាថ្មីនូវសង្គ្រាមអំពើប្រល័យពូជសាសន៍ជាតិឯង និងការបែកបាក់សាមគ្គីផ្ទៃក្នុងការអភិវឌ្ឍដ៏រស់រវើកប្រជាពលរដ្ឋមានជីវភាពកាន់តែល្អប្រសើរ។ចុងក្រោយ អស់លោក លោកស្រី ដែលជាពុទ្ធបរិស័ទបានធ្វើការដង្ហែជហ្វា ជុំវិញព្រះវិហារចំនួន៣ជុំរួចលើក ជហ្វាដាក់លើកំពូលព្រះវិហារ វេអង្គផ្កាប្រាក់សាមគ្គីនិងពិធីរាប់បាត្រដល់ព្រះសង្ឃចំនួន ១០០អង្គផងដែរ៕
![]()
![]()
![]()