អង្គការគ្រួសារកុមារអភិវឌ្ឍន៍ FRA ប្រារព្ធសង្ក្រាន្តឆ្នាំថ្មី ២០២៤ ក្នុងក្រុងប៉ោយប៉ែត
ខេត្តបន្ទាយមានជ័យ៖ ដើម្បីចូលរួមអបអរសាទរ មហាសង្ក្រាន្តចូលឆ្នាំថ្មី ប្រពៃណីជាតិខ្មែរ ដែលនឹងឈានចូលមកដល់នាពេលដ៏ឆាប់ៗនេះ អង្គការគ្រួសារកុមារអភិវឌ្ឍ ហៅកាត់ថា FRA មកពីកោះតៃវ៉ាន់ បានប្រារព្ធពិធីមហាសង្ក្រាន្តឆ្នាំថ្មី ប្រពៃណីជាតិខ្មែរនៅវិទ្យាល័យ FRA ស្ថិតនៅក្នុងក្រុងប៉ោយប៉ែត ខេត្តបន្ទាយមាន ក្នុងនោះផងដែរក៏បាននិមន្តព្រះសង្ឃចម្រើនព្រះបរិត្តប្រោះព្រំសព្វសាធុការពរជ័យ មង្គលដល់សិស្សានុសិស្ស លោកគ្រូ អ្នកគ្រូ លោកស្រីនាយិកា ហើយក៏មានពិធីបុណ្យដាក់បាត្រផងដែរ មុននឹងធ្វើការសម្ដែងលេងល្បែងប្រជាប្រិយប្រពៃណីខ្មែរ របាំត្រុដ រាំកម្សាន្តតាមបែបប្រពៃណីខ្មែរ។ លោកស្រីយុាំង អួយលីន នាយិកា អង្គការគ្រួសារកុមារអភិវឌ្ឍប្រចាំកម្ពុជាមកពីទឹកដីនៃកោះតៃវ៉ាន់បានមានប្រសាសន៍ថា ក្នុងឱកាសបុណ្យចូលឆ្នាំថ្មីប្រពៃណីជាតិខ្មែរ ឆស័ក ពុទ្ធសករាជ ២៥៦៨ ដែលនឹងឈានចូលមកដល់ថ្ងៃទី១៣ ខែមេសា ឆ្នាំ២០២៤ រហូតដល់ថ្ងៃទី១៦ ខែឆ្នាំដដែលក្នុងឱកាស សង្រ្កាន្តបួនថ្ងៃនេះ សូមឲ្យជនានុជន ទាំងប្រុសស្រី លោកគ្រូ អ្នកគ្រូ ប្អូនៗសិស្សានុសិស្សទាំងអស់ ត្រៀមទទួលទេវតាឆ្នាំថ្មីហើយ ខិតខំលះបង់នូវចិត្តអាក្រក់ អាចជាចិត្តប្រកបដោយអភិជ្ឈាព្យាបាទ មិច្ឆាទិដ្ឋិឲ្យជ្រះស្រឡះជម្រះឡើងវិញនូវចិត្តប្រកបដោយបញ្ញា និងព្រហ្មវិហារធម៌ មេត្តាករុណាមុទិតាឧបេក្ខារក្សាសីលតាម ប្រពៃណីឲ្យជាប់ជានិច្ច នោះលោកអ្នកនឹងមានសិរីសួស្តី សុភមង្គល វិបុលសុខគ្រប់ប្រការ។
លោកស្រី យុាំង អួយលីន បានបន្តថា ឆ្នាំនេះមិនថា ឆ្នាំនេះជាការតុបតែង នៅនឹងកន្លែង ឬការសម្ដែងរបាំនោះទេ ត្រូវបានបង្ហាញដល់ជាតិផ្សំ ធម៌ប្រពៃណី ។ សង្ឃឹមថាសិស្សសាលាFRA អាចរៀនចំណេះដឹងទំនើបនៅទីនេះប៉ុន្តែកុំភ្លេចថា នៅពីក្រោយចំណេះដឹងទាំងអស់ គឺបានមកពីប្រាជ្ញាជីវិត ដែលបានបន្សល់ទុក របស់បុព្វបុរស។ចំណេះដឹង តែមនុស្សចេះដឹងគ្រប់បែបយ៉ាង មិនមែនត្រូវតែមានប្រាជ្ញាមួយមុខនោះទេ ប្រាជ្ញាបានមកពីការប្រមូលផ្ដុំចំណេះដឹង ម្ដងបន្ដិចម្ដងទៀតពីចំណេះដឹងទំនើបនិងជីវិតរស់នៅ កន្លងមកពីដូនតា វាជាប្រាជ្ញាដែលរួមបញ្ចូលគ្នារួមមានសីលធម៌ មេត្តាករុណា គុណធម៌ និងការគោរពពីធម្មជាតិ។កុមារដែលមានការអប់រំ និងការយល់អំពីសិល្បៈវាមិនអាក្រក់នោះទេ។ នេះជាអ្វីដែលនេះជាការរំពឹងពី លោកស្រី នាយយកា សាលា FRA ក្នុងពិធីបើកសង្ក្រាន្តឆ្នាំថ្មីក្នុងវិទ្យាល័យ FRA ក្នុងឱកាសនេះផងដែរ ប្អូនៗសិស្សានុសិស្ស បានធ្វើការរាំលេងល្បែងកម្សាន្តសប្បាយតាមបែបប្រពៃណីជាតិខ្មែររួមមានរបាំត្រុដ រាំជាជួរ របាំក្ងោកចង្វាក់ សារ៉ាវាន់ រាំបទម៉ាឌីហ្សុន បង្ហាញម៉ូដ លោតការ៉ុងនិងបូមទឹកដាក់ដបយករង្វាន់៕
