BMC

ថ្ងៃទី០៦ ខែឧសភា ឆ្នាំ២០៥០

គេហទំព័រកំពុងសាកល្បង

ទំព័រដើម ព័ត៌មានជាតិ ព័ត៌មានអន្តរជាតិ ព័ត៌មានស៊ើបអង្កេត ព័ត៌មានសិល្បះ ព័ត៌មានគ្រោះថ្នាក់ចរាចរណ៍ ព័ត៌មានសេដ្ឋកិច្ច ព័ត៌មានសុខភាពនិងកីឡា

ព័ត៌មានថ្មីបំផុត

ជនជាតិថៃម្នាក់ ពាក់ព័ន្ធករណីរក្សាទុក ចែកចាយ និងប្រើប្រាស់ដោយខុសច្បាប់នូវសារធាតុញៀន នៅក្រុងប៉ោយប៉ែត ត្រូវអាវុធហត្ថចាប់ឃាត់ខ្លួនបញ្ជូនទៅតុលាការ **|**

ជនជាតិថៃម្នាក់ ពាក់ព័ន្ធករណីរក្សាទុក ចែកចាយ និងប្រើប្រាស់ដោយខុសច្បាប់នូវសារធាតុញៀន នៅក្រុងប៉ោយប៉ែត ត្រូវអាវុធហត្ថចាប់ឃាត់ខ្លួនបញ្ជូនទៅតុលាការ

(បន្ទាយមានជ័យ)៖កម្លាំងមូលដ្ឋានកងរាជអាវុធហត្ថក្រុងប៉ោយប៉ែត ដឹកនាំដោយលោកវរសេនីយ៍ត្រី នួន នីណារ៉ូ មេបញ្ជាការមូលដ្ឋានកងរាជអាវុធហត្ថក្រុង ចុះឃាត់ខ្លួនជនជាតិថៃម្នាក់ ឈ្មោះសូរ៉ាថាន់ អ៊ីនថាឈូត(SORATHON INTACHOT) ភេទប្រុស អាយុ ២២ឆ្នាំ រួមនឹងដកហូតវត្ថុតាងគ្រឿងញៀនប្រភេទគ្រាប់ថ្នាំពណ៌ក្រហម និងពណ៌ផ្កាឈូកចំនួន១២១គ្រាប់ ស្មើនឹងទម្ងន់១២,៣៦ក្រាម គ្រឿងញៀនប្រភេទម្សៅពណ៌សថ្លាចំនួន០៤កូនថង់តូច ស្មើនឹងទម្ងន់៣,៩ក្រាម និងថង់សម្រាប់វេចខ្ចប់មួយចំនួន ហើយនាំមកមូលដ្ឋានកងរាជអាវុធហត្ថក្រុង ដើម្បីសួរនាំ។ ក្រោយពីទទួលបានព័ត៌មានពីសន្តិសុខ ស្ដីពីករណី រក្សាទុក ចែកចាយ និងប្រើប្រាស់ដោយខុសច្បាប់នូវសារធាតុញៀន នៅចំណុចផ្សាររាត្រីទឹកពុះ ស្ថិតក្នុងភូមិក្បាលស្ពាន១ សង្កាត់អូរជ្រៅ ក្រុងប៉ោយប៉ែត ខេត្តបន្ទាយមានជ័យនៅវេលាម៉ោង០២និង០០នាទី ថ្ងៃទី២១ ខែមករា ឆ្នាំ២០២៤ ។

លោកវរសេនីយ៍ត្រី នួន នីណារ៉ូ បានប្រាប់ឱ្យដឹងថា ជនសង្ស័យខាងលើក្រោយពីកម្លាំងជំនាញសួរនាំរួចបានរៀបរាប់ថា កាលពី៦ថ្ងៃមុន រូបគេបានកម្មង់ទិញគ្រឿងញៀនតាមគ្រុបLINE ដោយកម្មង់ទិញគ្រឿងញៀនភេទថ្នាំគ្រាប់ ពណ៌លឿងលាយក្រហមចំនួន១៣០គ្រាប់ ក្នុងតម្លៃ៦៥០០បាត(លុយថៃ) និងថ្នាំប្រភេទម្សៅក្រាមពណ៌សថ្លាចំនួន០៤កូនថង់ ក្នុងតម្លៃ២០០០បាត ក្រោយពីរូបគេផ្ញើប្រាក់តាមធនាគារកសិករថៃរួចមក រូបគេបានទៅយកគ្រឿងញៀនទាំងនោះនៅម្ដុំស្រះស្ទូចត្រី ដែលគេផ្លុងទុកនៅក្បែរគល់ឈើ។ បន្ទាប់មកនៅថ្ងៃទី១៩ ខែមករា ឆ្នាំ២០២៤ រូបគេបានយកគ្រឿងញៀនទៅលក់បន្តចំនួន៩គ្រាប់ បានតម្លៃ៥០០បាត បន្ទាប់មកទៀតនៅថ្ងៃទី២២ ខែមករា ឆ្នាំ២០២៤ វេលាម៉ោង២និង០០នាទី រូបគេបានយកគ្រឿងញៀនប្រភេទម្សៅក្រាមពណ៌សថ្លា១កូនថង់ទៅលក់ក្នុងផ្សាររាត្រីទឹកពុះតាមការកម្មង់ទិញ តែពុំទាន់បានលក់ផងស្រាប់តែសមត្ថកិច្ចអាវុធហត្ថឃាត់ខ្លួនតែម្ដង។

លោកវរសេនីយ៍ត្រី នួន នីណារ៉ូ បានបញ្ជាក់ទៀតថា ដោយផ្អែកលើចម្លើយ និងមានវត្ថុតាងជាក់ស្ដែង កម្លាំងជំនាញមូលដ្ឋានកងរាជអាវុធហត្ថក្រុង កសាងសំណុំរឿងបញ្ជូនមកបញ្ជាការដ្ឋានកងរាជអាវុធហត្ថខេត្តចាត់ការបន្តតាមនីតិវិធី។

លោកវរសេនីយ៍ឯក ជា តារា មេបញ្ជាការរងកងរាជអាវុធហត្ថខេត្ត ទទួលការងារប្រឆាំងគ្រឿងញៀន បានឱ្យដឹងថា បច្ចុប្បន្ន ជនសង្ស័យ រួមនឹងវត្ថុតាង ត្រូវបានកម្លាំងការិយាល័យប្រឆាំងគ្រឿងញៀន កងរាជអាវុធហត្ថខេត្ត បញ្ជូនទៅសាលាដំបូងខេត្ត ហើយនៅថ្ងៃទី២៣ ខែមករា ឆ្នាំ ២០២៣៤នេះ ដើម្បីអនុវត្តតាមនីតិវិធី៕

ព័ត៌មានគួរចាប់អារម្មណ៍

បញ្ជូនខ្លួនជនសង្ស័យម្នាក់ ទៅតុលាការ ពាក់ព័ន្ធករណីគ្រឿងញៀន នៅក្រុងប៉ោយប៉ែត (ឆន្ទៈកូនខ្មែរ)

ព័ត៌មានគួរចាប់អារម្មណ៍

បិទសន្និបាតបូកសរុបលទ្ធផលការងារអប់រំ យុវជន និងកីឡា ខេត្តកណ្តាល ឆ្នាំ២០២២-២០២៣ និងលើកទិសដៅការងារឆ្នាំ២០២៣-២០២៤ (ឆន្ទៈកូនខ្មែរ)

ព័ត៌មានគួរចាប់អារម្មណ៍

លោកឧកញ៉ា ហង្ស សុីផា និងលោកជំទាវ ឧបត្ថម្ភដោយគូសគំនូសសញ្ញាចរាចរណ៍ និងជួសជុលផ្លូវសរុប៥០០ម៉ែត្រ នៅក្នុងក្រុងសិរីសោភ័ណ (ឆន្ទៈកូនខ្មែរ)

ព័ត៌មានគួរចាប់អារម្មណ៍

លោក នុត ពុធដារ៉ា ជំរុញឲ្យអាជ្ញាធរក្រុងតាខ្មៅ ត្រូវចុះពិនិត្យនៅតាមខ្នងផ្ទះរបស់ប្រជាពលរដ្ឋ សាលាក្រុង មណ្ឌលសុខភាព សាលារៀន វត្តអារ៉ាម ការ៉ាសសាំង អាហារដ្ឋាន ប៉ុស្តិ៍នគរបាលរដ្ឋបាលសង្កាត់ និងសាលាសង្កាត់ ជាដើម ត្រូវមានបង្គន់អនាម័យប្រើប្រាស់បានត្រឹមត្រូវ (ឆន្ទៈកូនខ្មែរ)

ព័ត៌មានគួរចាប់អារម្មណ៍

ពិធីបិទមហាសន្និបាត មន្រ្ដីសង្ឃប្រចាំឆ្នាំលើកទី៣១ ក្រោមអធិបតីភាពដ៏ខ្ពង់ខ្ពស់ សម្តេចអភិសិរីសុគន្ធាមហាសង្ឃរាជាធិបតីកិត្តិឧទ្ទេសបណ្ឌិត បួរ គ្រី សម្តេចព្រះមហាសង្ឃរាជ នៃគណៈធម្មយុត្តិកនិកាយ នៃព្រះរាជាណាចក្រកម្ពុជា និងជាព្រះប្រធានអគ្គនាយកនៃគណៈធម្មយុត្តិកនិកាយ (ឆន្ទៈកូនខ្មែរ)