ព្រះសង្ឃចំនួន ៩វត្ត នៅក្នុងខេត្តស្វាយរៀង បានទទួលទៀនព្រះវស្សាពីលោកជំទាវកិត្តិសង្គហបណ្ឌិត ម៉ែន សំអន
(ខេត្តស្វាយរៀង)៖លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្រ្តី រដ្ឋមន្ត្រីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច រួមជាមួយ ឯកឧត្តម លោកជំទាវ លោក លោកស្រី និងមន្ត្រីរាជការ បានមូលមតិគ្នា នាំយកទៀនព្រះវស្សាប្រគេនព្រះសង្ឃគង់ចាំព្រះវស្សាអស់ត្រីមាស នៅចំនួន ៩វត្ត នៅខេត្តស្វាយរៀង ។ពិធីនេះបានធ្វើឡើងនៅនៅព្រឹកថ្ងៃពុធ ១៥កើត ខែអាសាឍ ឆ្នាំខាល ចត្វាស័ក ព.ស. ២៥៦៦ ត្រូវនឹងថ្ងៃទី១៣ ខែកក្កដា ឆ្នាំ២០២២នេះ នៅក្នុងវត្តព្រៃឆ្លាក់ ស្ថិតនៅសង្កាត់ព្រៃឆ្លាក់ ក្រុងស្វាយរៀង ខេត្តស្វាយរៀង ។
លោកជំទាវកិត្តិសង្គហបណ្ឌិត បានមានប្រសាសន៍ថា ៖ តាមទំនៀមទម្លាប់រៀងដរាបមក ការចូលព្រះវស្សាមាននៅគ្រប់សម័យកាលនៃព្រះពុទ្ធអង្គទាំងអស់។ដូច្នេះ ទំនៀមចូលព្រះវស្សានេះ មានជាប់រហូតមកដល់បច្ចុប្បន្ន ក្នុងមួយឆ្នាំធ្វើតែម្ដង តាមពុទ្ធបញ្ញត្តិ ។កាលណាព្រះភិក្ខុសង្ឃ បានគង់ចាំវស្សាគ្រប់ ៣ខែ ហើយមានសិទ្ធទទួលកឋិនអំពីពុទ្ធបរិស័ទដែលបាននាំយកមកប្រគេនពីគ្រប់ទិសទី។ ហេតុនេះ ការចូលព្រះស្សានៃភិក្នុសង្ឃ ក្នុងន័យការពារទប់ស្កាត់ ការនិមន្តទៅកាន់ទីផ្សេងៗ នាំឱ្យមានការពោលតិះដៀលពីជនដទៃ ក្នុងរដូវខែមានភ្លៀងធ្លាក់ជោកជាំ ។ ការហាមប្រាមនេះ ព្រោះថា សម័យបុរាណ ព្រះសង្ឃពុំមានវត្តអារាមដូចបច្ចុប្បន្នកាលនេះទេ ច្រើនតែទៅ គង់ក្នុងព្រៃជ្រៅធ្វើសំណាក់ធម៌។
លោកជំទាវបានបន្តទៀតថា ពិធីនេះអាចប្រព្រឹត្តទៅបាន ដោយសារតែប្រទេសជាតិមានសុខសន្តិភាពពេញលេញ ក្រោមការដឹកនាំប្រកបដោយកិត្តិបណ្ឌិតរបស់ សម្តេចអគ្គមហាសេនាបតីតេជោ ហ៊ុន សែន បានដឹកនាំប្រទេសឲ្យមានការអភិវឌ្ឍ និងមានការរីកចម្រើនលើគ្រប់វិស័យ ក្នុងនោះវិស័យព្រះពុទ្ធសាសនាក៏មានការរីកចម្រើនគួរឲ្យកត់សម្គាល់ផងដែរ។
ទេយ្យទានដែលបានវេរ និងប្រគេនដល់ព្រះសង្ឃដល់ទាំង ៩វត្ត ក្នុងថ្ងៃនេះ រួមមាន៖បច្ច័យ ២លានរៀល ,ទៀនធំ ១គូរ ,ស្លាដក់១ ,អង្គរ ៧៥គីឡូក្រាម ,ទឹកក្រូច ៥កេស, ទឹកសុទ្ធ ៥កេស, ទឹកត្រី ២យួរ ,ទឹកស៊ីអីវ ២យួរ, ត្រីខកំប៉ុង ១កេសធំ ,ទឹកដោះគោ ១០កំប៉ុង ,ស្ករស ៥គីឡូក្រាម ,ប៊ីចេង ២គីឡូក្រាម ,ទៀនតូច ២គីឡូក្រាម ,ធូប ២ដុំ ,ខ្ទឹមស ២គីឡូក្រាម ,តែ ៦កញ្ចប់ ,អំបិល ២គីឡូក្រាម ,សៀង ២គីឡូក្រាម ,ឆៃប៉ូវ ២គីឡូក្រាម ,ម៉ាស់ ១កេស ,ជែល ១កេស ,នំអន្សម ៥ ,ផ្លែឈើ ១កន្ត្រក ,បច្ច័យ ២លានរៀល ,ព្រះសង្ឃ ៤៤អង្គ ក្នុង ១អង្គ បច្ច័យ ៤ម៉ឺនរៀល ផងដែរ៕
.jpg)
.jpg)