ថ្ងៃទី២៩ ខែមិថុនា ឆ្នាំ២០៥០
គេហទំព័រកំពុងសាកល្បង
បាត់ខ្លួនមួយថ្ងៃ រកឃើញសពក្នុងបឹង ដោយឆក់ត្រីភ្លាត់ស្នៀតឆក់ខ្លួនឯងស្លាប់ នៅស្រុកព្រះនេ​ត្រ​ព្រះ
Tue,21 June 2022 (Time 06:35 PM)
ដោយ ៖ ឆន្ទៈកូនខ្មែរ (ចំនួនអ្នកអាន: 12នាក់)


(បន្ទាយមានជ័យ)៖បុរសម្នាក់បាត់ខ្លួនអស់រយៈពេល១ថ្ងៃ ប្រទះ​ឃើញសព នៅក្នុងបឹងរ​ហាលសន្តូក ចំងាយប្រហែល២,៥០០ម៉ែត្រ ពីភូមិ​ស្ទឹងកំបុត ​ឃុំរហាល ស្រុកព្រះនេត្រព្រះ ខេ​ត្តបន្ទាយមានជ័យ បង្កការភ្ញាក់ផ្អើល​កាលពីវេលាម៉ោង៩.០០នាទីព្រឹកថ្ងៃទី២០ ខែមិថុនា ឆ្នាំ២០២​២។

លោកវរសេនីយ៍ឯក​ មាស ប្ញទ្ធី អធិការន​គរបាល ស្រុកព្រះនេត្រព្រះ បានឲ្យដឹងថា៖ ជនរង​គ្រោះ​មាន​ឈ្មោះ ម៉ៅ យិន ភេទប្រុស អាយុ៤​០ឆ្នាំ រស់នៅ​ភូមិស្ទឹងកំបុត ឃុំរហាល ស្រុកព្រះនេត្រព្រះ ខេត្តប​ន្ទាយមានជ័យ ។ពាក់ព័ន្ធនឹងការស្លាប់របស់ជនរងគ្រោះ​បើយោងតាមការបំភ្លឺរបស់ស្ត្រី ឈ្មោះ ភាន់ កេង​ ភេទស្រី អាយុ៣៩ឆ្នាំ ត្រូវជា​ប្រពន្ធ បានរៀបរា​ប់ថា៖នៅថ្ងៃទី១៩ ខែមិថុនា ម៉ោង ប្រហែ​ល​៦ព្រឹក ប្តីរបស់​ខ្លួន​បានទៅលើ​កល​ប លើ​កលាន់​និងឆក់ត្រីផង នៅ​ចំណុ​ចបឹ​ងសន្តូកខា​ងកើត​ភូមិប្រ​ហែល២,៥00ម៉ែត្រ លុះដ​ល់ម៉ោង០៥ល្ងាចមិ​នឃើញប្តីត្រឡប់មកផ្ទះវិញ ក៏​បាននាំកូន​ទៅរកតែរកមិន​ឃើញក៏​ត្រឡប់មកផ្ទះប្រាប់​បងប្អូនឲ្យ​ទៅជួយរក នៅចំណុចបឹង​រហាលសន្តូក ពេល​នោះ​ក៏​ស្រាប់តែឃើញ​ទូកអណ្ដែ​តទឹកនៅកៀនមា​ត់បឹងខ្លួន និង​អ្នកភូមិ​ចុះទៅ​មើល​ស្រាប់តែឃើ​ញអាគុយ និងម៉ូទ័រ​ឆក់ត្រីនៅលើទូក​ពេលនោះខ្លួន​ក៏ឲ្យអ្នកភូមិ​ចុះរាវ​ក្រោមទូកដែ​លមាន​ទឹកជំរៅ​ប្រហែល១.៤០ម៉ែត្រ ក៏​ស្រាប់តែឃើញ​សពប្តី ត្រូវម៉ូទ័​រឆក់​ត្រីឆក់ ស្លាប់ ដោយ​មិនដឹង​ពីពេល​ណានោះទេ ហើយក៏​នាំគ្នាស្រង់ស​ពយកមកផ្ទះទាំងក្តីក្តុកក្តួល។

លោកអធិការបានបញ្ជាក់ថា៖ ភូមិស្ទឹងកំបុត នៅដាច់ឆ្ងា​យវាលប៉ែក​ខាងត្បូង​ពិបាក​ក្នុងការធ្វើដំ​ណើរ លុះនៅថ្ងៃទី២០ ខែមិថុនា វេលាម៉ោងវេលាម៉ោង៩.០០ព្រឹក កំលាំងយើង​បានចុះ​ទៅដល់ផ្ទះ​សាកសព ដោ​យបានបង្កើតគ​ណៈ​កម្មការ ដើម្បីធ្វើការត្រួតពិនិត្យសាកសព។សាកសព មានសភា​ពរឹងទាំង​ស្រុង សំបុរសណ្ដែក​បាយ ធាត់ កំពស់175ស,ម សាកសពមានសភា​ពហើម ស្អុយ ។ក្នុងការពិនិត្យរបស់មន្ត្រីជំនាញឃើញថា នៅដ​ងខ្លួនមានស្មា​មជាំខ្មៅ លើស្បែកពេញដងខ្លូន តាម​ការ​បញ្ជាក់​ពីម្តាយ និងប្រពន្ធ គឺស្នាមជាំខ្មៅពិត​ម៉ូទ័រឆក់ត្រីឆក់ ។អ​វយវៈ ដៃ​ខាងស្តាំ មាន​ស្មាមជាំ​ខ្មៅខ្លោច ត្រង់​កំភួនដៃ សង្ស័យថា​ជាកន្លែង​ដែលអាំងវៀក​ទ័រឆក់ត្រីឆក់ ។ការសន្និដ្ឋាន របស់​គ្រូពេទ្យកោសលវិច្ច័យ គឺឈ្មោះ ម៉ៅ យិន ពិតជាស្លាប់​ដោយសារម៉ូទ័រឆក់ត្រី ឆក់ខ្លួនឯង មិន​ពាក់ព័ន្ធរឿង​ឃាតកម្មនោះទេ រួចប្រគល់សព​ឲ្យ​ទៅក្រុមគ្រួសារចាត់ចែ​ងយក​ទៅធ្វើបុណ្យតា​មប្រពៃណី៕

ព័ត៌មានគួរចាប់អារម្មណ៍

តុលាកា​រខេត្តកណ្តាល សម្រេច​ឃុំខ្លួន ក្រុមសង្ឃក្លែងក្លាយ​​ចំនូន១​៨នាក់ ដាក់​ពន្ធនាគា​រ​ជាបណ្តោះ​អា​សន្ន (ឆន្ទៈកូនខ្មែរ)

ព័ត៌មានគួរចាប់អារម្មណ៍

សន្និបាតបូកស​រុបការងារ​បោះឆ្នោត ជ្រើស​រើសក្រុមប្រឹក្សាឃុំ សង្កាត់ (ឆន្ទៈកូនខ្មែរ)

ព័ត៌មានគួរចាប់អារម្មណ៍

គណៈកម្មាធិការគណបក្សប្រជាជនកម្ពុជា ខេត្តប៉ៃលិន បានប្រារព្ធមិទ្ទីញខួបអនុស្សារីយ៍​លើកទី​៧១ ថ្ងៃបង្កើតគណបក្សប្រជាជនកម្ពុជា (២៨ មិថុនា ១៩៥១-២៨ មិថុនា ២០២២) (ឆន្ទៈកូនខ្មែរ)

ព័ត៌មានគួរចាប់អារម្មណ៍

លោកឧត្តមសេនីយ៍ត្រី សឹង្ហ ទុំ អញ្ជើញអប់រំផ្សព្វផ្សាយស​ភាពការណ៍​ព័ត៌មា​នថ្មីៗ ដល់​នាយ-​ពលទាហានចំណុះទីបញ្ជាការ កងពល (ឆន្ទៈកូនខ្មែរ)

ព័ត៌មានគួរចាប់អារម្មណ៍

អាវុធហត្ថបញ្ជូនខ្លួ​នជនស​ង្ស័យម្នាក់ រួមនឹងវត្ថុតាង​គ្រឿងញៀន​មួយចំនួន ទៅសាលាដំបូង​ខេត្តប​ន្ទាយ​មានជ័យ (ឆន្ទៈកូនខ្មែរ)

វីដែអូ

ចំនួនអ្នកទស្សនា

ថ្ងៃនេះ :
46648 នាក់
ម្សិលមិញ :
10473 នាក់
សប្តាហ៍នេះ :
104402 នាក់
ខែនេះ :
437243 នាក់
3 ខែនេះ :
1293073 នាក់
សរុប :
9230393 នាក់