ឃាត់ខ្លួនជនសង្ស័យ៣នាក់ ពាក់ព័ន្ធករណីលួចទ្រព្យសម្បត្តិ ប្រជាពលរដ្ឋនៅក្រុងបានលុង
ខេត្តរតនគិរី៖ជនសង្ស័យចំនួន៣នាក់ ដែលជាប់ពាក់ព័ន្ធករណីលួចទ្រព្យសម្បត្តិប្រជាពលរដ្ឋ ត្រូវបានកម្លាំងនគរបាលក្រុងបានលុង សហការជាមួយកម្លាំងអន្តរាគមន៍ខេត្ត ចាប់ឃាត់ខ្លួនបញ្ជូនទៅអធិការក្រុង កាលពីយប់ថ្ងៃទី៦ ខែឧសភា ឆ្នាំ២០២២ ដើម្បីសាកសួរ។
អធិការនគរបាលក្រុងបានលុងបានឲ្យដឹងថា កាលពីវេលាម៉ោង៤ល្ងាច ថ្ងៃទី៦ ខែឧសភាឆ្នាំ២០២២ មានករណីចោរគាស់ផ្ទះ លួចគ្រឿងអលង្ការប្រជាពលរដ្ឋ នៅភូមិថ្មដា សង្កាត់បឹងកន្សែង ក្រុងបានលុង ខេត្តរតនគិរី ។ក្រោយពីទទួលបានព័ត៌មាននេះភ្លាមកម្លាំងសមត្ថកិច្ចនគរបាល ក៏បានសុំគោលការណ៍ពីស្ថាប័នតុលាការ ឈានដល់ឃាត់ខ្លួនជនសង្ស័យបានចំនួន៣នាក់មកសាកសួរ។
អធិការបន្តថា ជនសង្ស័យដែលត្រូវឃាត់ខ្លួនបាននោះរួមមានៈ
១-ឈ្មោះ ស្នួន មករា ភេទប្រុស អាយុ២២ឆ្នាំ ជនជាតិខ្មែរ មានទីលំនៅភូមិជ័យជំនះ សង្កាត់ឡាបានសៀក ក្រុងបានលុង ខេត្តរតនគិរី មុខរបរលក់ដូរ។
២-ឈ្មោះ សៅ រតនៈ ភេទប្រុស អាយុ៣៦ឆ្នាំ ជនជាតិខ្មែរ មានទីលំនៅភូមិ ថ្មដា សង្កាត់បឹងកន្សែង ក្រុងបានលុង ខេត្តរតនគិរី មុខរបរ កម្មករសំណង់។
៣-ឈ្មោះ ឆែម ឈីន ហៅអួក ភេទប្រុស អាយុ២៨ឆ្នាំ ជនជាតិខ្មែរ មានទីលំនៅភូមិថ្មដា សង្កាត់បឹងកន្សែង ក្រុងបានលុង ខេត្តរតនគិរីមុខរបរ កម្មករសំណង់(មុខសញ្ញាចាស់ធ្លាប់ជាប់ពន្ធនាគារ)។
វត្ថុតាងដែលដកហូតបានរួមមាន៖ខ្សែក ១ខ្សែ និងបន្តោងដាំត្បូង១ខ្សែលោហៈធាតុពណ៌លឿង,ខ្សែជើងចំនួន០២ខ្សែជាលោហៈពណ៌ ស,ខ្សែចង្កេះ ១ខ្សែធ្វើពីលោហៈពណ៌ ស ,កាត ATM ១សន្លឹក ,នាឡិកាដៃ ១គ្រឿង ,ខោអាវយោធា ១កំប្លេរ ,កាបូបពណ៌ខ្មៅចំនួន២ ,ឯកសារសំខាន់ៗក្នុងគ្រួសារមួយចំនួន និងឈើកែឆ្នៃចំនួន ១ដើម។បច្ចុប្បន្នជនសង្ស័យទាំង៣នាក់ សមត្ថកិច្ចជំនាញកំពុងសាកសួរ និងកសាងសុំណុំរឿង ដើម្បីចាត់ការបន្តតាមនិតិវិធី ៕
