ឯកឧត្តម គួច ចំរើន អញ្ជើញសំណេះសំណាលជាមួយសិល្បករ សិល្បការិនី ក្នុងខេត្តព្រះសីហនុ
(ខេត្តព្រះសីហនុ)៖ថ្លែងក្នុងឱកាសអញ្ជើញជួបសំណេះសំណាលជាមួយសិល្បករ សិល្បការិនី ក្នុងខេត្តព្រះសីហនុ នៅព្រឹកថ្ងៃទី១៩ ខែឧសភា ឆ្នាំ២០២២ ឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុ បញ្ជាក់ថា រាជរដ្ឋាភិបាលកម្ពុជា ដឹកនាំដោយសម្តេចអគ្គមហាសេនាបតីតេជោ ហ៊ុន សែន បានសំរេចប្រែក្លាយខេត្តព្រះសីហនុ ជាតំបន់សេដ្ឋកិច្ចពិសេសគំរូពហុបំណង ធ្វើឱ្យខេត្តមានការប្រែប្រួល ពីមុនខេត្តព្រះសីហនុ ជាខេត្តទេសចរណ៍ មកដល់ពេលបច្ចុប្បន្ន ជាខេត្តពាណិជ្ជកម្ម ។ទន្ទឹមនឹងនោះវិស័យសិល្បៈក៏បានដើរតួនាទីយ៉ាងសំខាន់ ក្នុងការលើកកម្ពស់វិស័យសេដ្ឋកិច្ចគ្រួសារ និងសង្គម ។
ជាមួយគ្នានោះដែរឯកឧត្តម ក៏បានណែនាំឱ្យមន្ទីរវប្បធម៌ខេត្ត រៀបចំហ្វឹកហាត់ ធ្វើសិក្ខាសាលាប្រជុំដកបទពិសោធន៌ផ្សេងៗ ស្តីពីសិល្បៈ ចំរៀង របាំ ដើម្បីត្រៀមខ្លួនទៅប្រឡងថ្នាក់ជាតិ និងចូលរួមក្នុងឱកាសផ្សេងៗ ដើម្បីបង្ហាញពីសិល្បៈដែលយើងមានដូចជា របាំជូនពរ របាំព្រះរាជទ្រព្យ ឱ្យមហាជនបានដឹង បានស្គាល់កាន់តែទូលំទូលាយ៕
