ក្រុមហ៊ុន(វីស៊ីធីរៀលអ៊ីស្ទេកឯក) ផ្តល់អំណោយជាគ្រឿងឧបភោគបរិភោគ ជូនពលរដ្ឋដែលមានជីវិភាពខ្វៈខាត ចំនួន២០០គ្រួសារ នៅសង្កាត់និមិត្ត ក្រុងប៉ោយប៉ែត
(បន្ទាយមានជ័យ)៖ក្រុមហ៊ុន(វីស៊ីធីរៀលអ៊ីស្ទេកឯក)នៅថ្ងៃទី១៣ ខែមេសា ឆ្នាំ២០២២ បាននាំយក អំណោយជាគ្រឿងឧបភោគបរិភោគ ផ្តល់ជូនប្រជាពលរដ្ឋ ដែលមានជីវិភាពខ្វៈខាតចំនួន២០០គ្រួសារ នៅភូមិសូរិយ៉ា សង្កាត់និមិត្ត ក្រុងប៉ោយប៉ែត ខេត្តបន្ទាយមានជ័យ។
លោក គាត ហ៊ុល អភិបាលក្រុងប៉ោយប៉ែតបានមានប្រសាសន៍ថា៖ក្នុងរយៈពេល២ឆ្នាំចុងក្រោយនេះ ប្រជាពលរដ្ឋក្រុងប៉ោយប៉ែតទាំងមូល បានរងផលប៉ៈពាល់ដោយសារការីករាលដាលនៃកូវីដ១៩ បានធ្វើឲ្យរោងចក្រ សហគ្រាស កាស៊ីណូ ភោជនីយ៍ដ្ឋាន សណ្ឋាគារ និងក្រុមហ៊ុនផ្សេងជាច្រើនត្រូវបានបិតទ្វារ ជាពិសេសទៀតនោះ គឺការបិតច្រកទ្វារព្រំដែនអន្តរជាតិប៉ោយប៉ែត បានធ្វើឲ្យប៉ៈពាល់យ៉ាងខ្លាំងដល់បងប្អូនជាកម្មករអូសរទេះ និងបងប្អូនប្រជាពលរដ្ឋស៊ីតាមព្រំដែនថៃ ចេញព្រឹកវិលល្ងាច ត្រូវបានសម្រាកការងារ និងកម្មករសំណង់មួយចំនួនមិនមានការងារធ្វើ ដោយសារម្ចាស់សំណង់ត្រូវបានផ្អាកការសាងសង់។
លោកបានបញ្ជាក់ថា៖ឆ្នាំ២០២១ខេត្តបន្ទាយមានជ័យរងគ្រោះដោយធម្មជាតិទឹកជំនន់ ក្នុងនោះមានក្រុងប៉ោយប៉ែត ជាប់ព្រំដែនថៃ បានរងគ្រោះដោយធម្មជាតិមានគ្រោះជំនន់ទឹកភ្លៀង និងទឹកធ្លាក់ពីថៃ បណ្តាលលិចលង់លំនៅដ្ឋាន និងប៉ៈពាល់ហេដ្ឋារេចនាសម្ព័ន និងផលដំណាំកសិកម្មរបស់ប្រជាពលរដ្ឋ។
នាឱឱកាសនោះលោក ង៉ោ ម៉េងជ្រួន អភិបាលរងខេត្តបន្ទាយមានជ័យ ក៏បានថ្លែង កោតសសើរដល់រដ្ឋបាលក្រុងប៉ោយប៉ែត បានធ្វើការកៀងគរស្បៀង គ្រឿងឧបភោគបរិភោគ សម្ភារៈប្រើប្រាស់ផ្សេងៗពីសប្បុរសជន អង្គការសង្គមស៊ីវិលនានា ហើយថ្ងៃនេះដោយសារតែមានការជួយឧបត្ថម្ភពីលោកនាយកក្រុមហ៊ុន វី ស៊ី ធី រៀល អ៊ីស្ទេក ឯក បានផ្តល់ជាគ្រឿងឧបភោគ បរិភោគដល់រដ្ឋបាលក្រុង ធ្វើការចែកជូនប្រជាពលរដ្ឋដែលមានជីវិភាពខ្វៈខាតទាំងនេះ បានចំនួន២០០គ្រួសារ ដោយក្នុងមួយគ្រួសារៗទទួលបាន អង្ករ ១០គីឡូក្រាម ,មី ១កេះតូច ,ទឹកស៊ីអ៊ីវ ២ដប ,ត្រីខ ២ដប និងត្រីខ ៤កំប៉ុង ផងដែរ៕
.jpg)