"អនុសំវចរមហាសន្និបាតមន្រ្តីសង្ឃ ខេត្តបន្ទាយមានជ័យ លើគទី២៩"
ខេត្តបន្ទាយមានជ័យ៖នាព្រឹកថ្ងៃទី១៨ ខែមីនា ឆ្នាំ២០២២ នៅវត្តប្រាសាទស្រះកណ្ដាលខ្ចាស់ ស្ថិតនៅឃុំបុះស្បូវ ស្រុកព្រះនេត្រព្រះ ខេត្តបន្ទាយមានជ័យ មានរៀបចំធ្វើពិធីអបអរសាទរ ពិធីផ្សព្វផ្សាយនៃអនុសំវច្ចរមហាសន្និបាតមន្ត្រីសង្ឃខេត្តបន្ទាយមានជ័យលើកទី២៩ ដែលនឹងប្រព្រឹត្តទៅរយៈពេលបីថ្ងៃចាប់ពីថ្ងៃ១៨,១៩,២០ ខែមីនា ឆ្នាំ២០២២ក្រោមអធិបតីភាពលោកជំទាវអគ្គមហាឧបាសិកា ពុទ្ធិសាស្រ្តនូបបឋម ម៉ៅ ម៉ាល័យ កែ គឹមយ៉ាន ប្រធានកិត្តិយសសមាគមនារី ដើម្បីសន្តិភាពខេត្តបន្ទាយមានជ័យ។
លោក បៀវ ថាន ប្រធានមន្ទីរធម្មការនិងសាសនាខេត្តបានបញ្ជាក់ថា ការប្រារព្ធពិធីនេះ គឺជាជំនួបប្រជុំប្រចាំឆ្នាំរបស់ព្រះសង្ឃព្រះមន្ត្រីសង្ឃ ព្រះរាជាគណៈគ្រប់ឋានានុក្រម ពោលគឺសង្ឃកិច្ចមួយឆ្នាំម្ដង ដែលធ្វើឡើងដើម្បីពង្រឹងវិស័យស្នូលរបស់ព្រះពុទ្ធសាសនា និងកំណត់ធ្វើដំណោះស្រាយនូវរាល់បញ្ហាគន្លឹះៗ ណារាំងតាមបណ្ដាវត្តអារាមនីមួយៗជាដើម។
លោកបានបន្តថា អនុសំវច្ចរសន្និបាតមន្ត្រីសង្ឃទូទាំងខេត្តលើកទី២៩ នេះនឹងពិនិត្យពិចារណាពិភាក្សារិះរកយុទ្ធវិធីថ្មីៗ ដើម្បីធ្វើឲ្យព្រះពុទ្ធសាសនាកាន់តែមានការរីកចម្រើនឡើងបន្ថែមទៀតដូចជាក្នុងការផ្សព្វផ្សាយគោលការណ៍គ្រឹះព្រះធម៌ព្រះពុទ្ធសាសនា សីលសមាធិនិងបញ្ញា ទានសីលភាវនាអប់រំមហាជនឲ្យយល់ដឹងនិងជនជ្រាបពីអ្វីដែលល្អនិងអ្វីដែលអាក្រក់ វៀរចាកនូវអំពើបាយមុខផ្សេងៗស្គាល់គុណ និងទោស។
លោក អោម ចន្ថា អភិបាលរងខេត្តបន្ទាយមានជ័យ បានលើកឡើងផងដែរថា ការពង្រឹងគុណភាពលើអភិបាលកិច្ចគ្រប់លំដាប់ថ្នាក់ក្នុងជួរមន្ត្រីសង្ឃ គ្រប់ព្រះអង្គ តម្រូវផ្សារភ្ជាប់ជាមួយបច្ចេកវិទ្យាទំនើប ដើម្បីកិច្ចការព្រះពុទ្ធ មានសណ្ដាប់ធ្នាប់ល្អធានា បាននូវសាមគ្គីភាពប្រកាន់យកនូវព្រះពុទ្ធឱវាទធ្វើជាប្រទីបបំភ្លឺផ្លូវ សម្រាប់អប់រំចរិយាធម៌ជម្រះចោលនូវគំនុំគុំកួន ច្រណែននិន្ទាឈ្នានីសប្រកបដោយអហិង្សា។ម្យ៉ាងវិញទៀតដើម្បីពង្រឹងនូវរចនាសម្ព័ន្ធដឹកនាំសង្ឃការងារគ្រប់គ្រងវត្ត ការងារពុទ្ធិកសិក្សាការងារផ្សព្វផ្សាយព្រះធម៌មានវិន័យក៏ដូចជាការចូលរួមចំណែកអនុវត្តកម្មវិធីគោលនយោបាយយុទ្ធសាស្ត្រចតុកោណរបស់រាជរដ្ឋាភិបាល ដើម្បីកំណើនការងារសមធម៌ និងប្រសិទ្ធភាពនៅកម្ពុជា ដែលមានសម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ដឹកនាំបានបង្កលក្ខណៈងាយស្រួលគ្រប់បែបយ៉ាងធ្វើឲ្យវិស័យព្រះពុទ្ធសាសនា មានជំនឿជឿជាក់ពីប្រជាពលរដ្ឋគ្រប់ទិសទី៕
.jpg)
