ឯកឧត្តម គង់ សោភ័ណ្ឌ អញ្ជើញជាអធិបតីក្នុងពិធីបិទវគ្គបណ្តុះបណ្តាល អប់រំផ្សព្វផ្សាយ ការយល់ដឹង អំពីសំណល់ជាតិផ្ទុះពីសង្គ្រាម
ខេត្តកណ្ដាល៖ក្នុងពិធីបិទវគ្គបណ្តុះបណ្តាល អប់រំផ្សព្វផ្សាយ ការយល់ដឹង អំពីសំណល់ជាតិផ្ទុះពីសង្គ្រាម នៅស្នងការនគរបាលខេត្តកណ្ដាល កាលពីរសៀលថ្ងៃទី២៨ ខែមករា ឆ្នាំ២០២២ឯកឧត្តម គង់ សោភ័ណ្ឌ អភិបាល នៃគណៈអភិបាលខេត្តកណ្ដាល បានលើកឡើងថា រាជរដ្ឋាភិបាលកម្ពុជា ដែលដឹកនាំដោយសម្តេចអគ្គមហាសនាបតីតេជោ ហ៊ុន សែន នាយក រដ្ឋមន្ត្រី នៃព្រះរាជាណាចក្រកម្ពុជា ធ្វើឱ្យប្រទេសជាតិទាំងមូល មានសន្តិភាព ឯកភាពជាតិ ព្រមទាំងមានការវិវត្តន៍រីកចម្រើន និងសម្រេចបានការងារធំៗជាច្រើនលើគ្រប់វិស័យ ជាពិសេសការងារប្រយុទ្ធប្រឆាំងនឹងជំងឺកូវីដ-១៩ ដោយបានដាក់ចេញនូវបទបញ្ជានានា និងគោលនយោបាយគាំទ្រដល់ប្រជាពលរដ្ឋ ដែលរងទទួលផលប៉ះពាល់ពីជំងឺកូវីដ-១៩ ព្រមទាំងបានដាក់ចេញនូវវិធានការ“ពាការពារ និង ៣កុំ” ជាយ័ន្តដ៏ ស័ក្ដិសិទ្ធិ ក្នុងការទប់ស្កាត់ ការឆ្លងរាលដាលនៃជំងឺកូវីដ-១៩។
លោកឧត្តមសេនីយ៍ទោ ជា សណ្តាប់ ប្រធាននាយកដ្ឋានគ្រប់គ្រងជាតិផ្ទុះ បានឲ្យដឹងថា ដើម្បីដោះស្រាយ និងកិច្ចអន្តរាគមន៍ឱ្យបានទាន់ពេលវេលា ដើម្បីបញ្ចៀសនូវគ្រោះថ្នាក់ជាយថាហេតុ ដោយសារសំណល់ជាតិផ្ទុះគ្រប់ប្រភេទ កងកម្លាំងនគរបាល និងប្រជាពលរដ្ឋ ត្រូវធ្វើការទំនាក់ទំនងដល់ប្រតិបត្តិករសំអាតមីន កំចាត់មីនជាបន្ទាន់ សូមកុំប៉ះពាល់ឬព្យាយាមយកចំណេះដឹង របស់យើងទៅសាកល្បងគ្រឿងផ្ទុះទាំងនោះជាដាច់ខាត ខណៈពេលដែលយើងមិនទាន់មានអ្នកជំនាញ ។
ក្នុងនោះលោកឧត្តមសេនីយ៍ទោ បានលើកទឹកចិត្ត និងសំណូមពរដល់សិក្ខាកាមទាំងអស់ ដែលបានក្រេបយកចំណេះដឹង និងចំណេះធ្វើ នៅក្នុងវគ្គបណ្ដុះបណ្ដាលនេះ យកទៅអនុវត្តការងារឱ្យមានប្រសិទ្ធភាព ត្រូវស្ម័គ្រចិត្តធ្វើជាមន្ត្រីបង្គោលក្នុងការផ្សព្វផ្សាយ និងចែករំលែកបន្តនូវចំណេះដឹង ព្រមទាំងការអនុវត្ត ដែលទទួលបានពីវគ្គបណ្ដុះបណ្ដាលនេះ ជូនដល់មន្ត្រីជំនាញជំនាន់ក្រោយៗ ឬអ្នកដែលមិនទាន់បានឆ្លងកាត់វគ្គសិក្សា សូមជួយពន្យល់ និងផ្សព្វផ្សាយដល់បងប្អូនប្រជាពលរដ្ឋ ក្នុងមូលដ្ឋាន សំដៅយល់ដឹងអំពីសំណល់ជាតិផ្ទុះសល់ពីសង្គ្រាម បន្តចូលរួមអនុវត្តការងារសំណល់ជាតិផ្ទុះអំពីសង្គ្រាម ឱ្យកាន់តែល្អប្រសើរ ឡើង៕
.jpg)
