លោកវរសេនីយ៍ទោ ប៉ែន ចន្ធី បានអញ្ជើញជាអធិបតី ក្នុងកិច្ចប្រជុំបូកសរុបលទ្ធផលការងារធានាជីវភាពប្រចាំខែមករា និងទិសបន្តខែកុម្ភៈ ឆ្នាំ២០២២ នៅទីបញ្ជាការកងពល
ខេត្តបន្ទាយមានជ័យ៖នាព្រឹកថ្ងៃទី២០ ខែមករា ឆ្នាំ២០២២ លោកវរសេនីយ៍ទោ ប៉ែន ចន្ធី នាយសេនាធិការរង កងពលតូចថ្មើរជើងលេខ៥១ បានអញ្ជើញជាអធិបតី ប្រជុំបូកសរុបលទ្ធផលការងារធានាជីវភាពប្រចាំខែមករា និងទិសបន្តខែកុម្ភៈ ឆ្នាំ២០២២ នៅទីបញ្ជាការកងពល។
ក្នុងនោះដែរវរសេនីយ៍ទោ ប៉ែន ចន្ធី នាយសេនាធិការរង បានដាក់ផែនការអោយគ្រប់បណ្តាអង្គភាពទាំងអស់ត្រូវបន្តខិតខំបង្កបង្កើនផល និងចិញ្ចឹមសត្វ ដើម្បីជួយធានាការងារផ្គត់ផ្គង់ទ័ពហូប្រចាំថ្ងៃ និងធានាបាននូវសុវត្ថិភាពសុខភាព ពិសេសចូលរួម ក្នុងផែនការ ការងារយុទ្ធសាស្រ្តលើកស្ទួយវិស័យកសិកម្មក្នុងស្រុករបស់រាជរដ្ឋាភិបាលកម្ពុជា។
ជាមួយគ្នានោះដែរលោកនាយសេនាធិការរង ក៏បានថ្លែងកោតសរសើរដល់គ្រប់បណ្តាអង្គភាពទាំងអស់ ដែលរយះកាលកន្លងមកបានអនុវត្តតាមបទបញ្ជារបស់ថ្នាក់លើបានខិតខំបង្កបង្កើនផលនិងចិញ្ចឹមសត្វ ដើម្បីផ្គត់ផ្គង់កម្លាំងជួរមុខដែលឈរជើងតាមខ្សែបន្ទាត់ព្រំដែនកម្ពុជា-ថៃ ចូលរួមទប់ស្កាត់ពលករឆ្លងដែនខុសច្បាប់ និងការពារការរីករាលដាលនៃឆ្លងជំងឺកូវីដ-១៩ និងមួយផ្នែកទៀតផ្គត់ផ្គង់នៅកម្លាំងត្រៀមអន្តរាគមន៍នៅក្នុងទីតាំង៕