ក្មេងប្រុស ស្រី ២នាក់ ត្រូវជាបងប្អូនជីដូនមួយនឹងគ្នា បានលង់ទឹកស្រះស្លាប់យ៉ាងអាណោចអធម៌ នៅឃុំគោកបល្ល័ង្គ ស្រុកមង្គលបូរី
ខេត្តបន្ទាយមានជ័យ៖នៅវេលាម៉ោង១៤និង៣០នាទីថ្ងៃទី១៧ ខែមករា ឆ្នាំ២០២២ មានការភ្ញាក់ផ្អើលមួយបានកើតឡើយ ដោយមានក្មេងប្រុស ស្រី ២នាក់ ត្រូវជាបងប្អូនជីដូនមួយនឹងគ្នា បានលង់ទឹកស្រះស្លាប់យ៉ាងអាណោចអធម៌ នៅចំណុចទឹកស្រះខាងក្រោយផ្ទះរបស់ឈ្មោះ ទេស វិត ភេទស្រី អាយុ៦១ឆ្នាំ ប្រហែល៣០ម៉ែត្រ ស្ថិតនៅក្នុងភូមិជើងចាប ឃុំគោកបល្ល័ង្គ សុកមង្គលបូរី។
បើតាមសមត្ថកិច្ចមូលដ្ឋានបានឲ្យដឹងថា ក្រោយពីទទួលបានសេចក្តីរាយការពីប្រជាការពារឈ្មោះចិន សារិន ភេទប្រុស អាយ៤៨ឆ្នាំ កម្លាំងប៉ុស្តិ៍ឃុំគោកបល្ល័ង្គ បានចុះពិនិត្យឃើញថាសាកសពដេកផ្ងាមុខបែរក្បាលទៅទិសខាងលិច ជើងបែរទិសខាងកើត សាកសពគ្មានស្លៀកពាក់ទាំងពីរនាក់(ស្រាត)។
សមត្ថកិច្ចបានឲ្យដឹងថា សាកសពមានឈ្មោះ អ៊ីម ហុងអ៊ី ភេទប្រុស អាយុ០៦ឆ្នាំ និងឈ្មោះឡម ស្រីនា ភេទស្រី អាយុ០៦ឆ្នាំ ត្រូវជាបងប្អូនជីដូនមួយនឹងគ្នា អ្នកទាំងពីរស់នៅភូមិជើងចាប ឃុំគោកបល្ល័ង្គ ស្រុកមង្គលបូរី ។
ប្រជាពលរដ្ឋរស់នៅចំណុចកើតហេតុបានឲ្យដឹងថា នៅវេលាកើតហេតុខាងលើមានក្មេងប្រុសម្នាក់បានរត់មកប្រាប់ថាអាអ៊ីនិងមីនាលង់ទឹកស្លាប់ហើយ ហើយគាត់បានរត់ទៅមើលតែក្មេងទាំងពីរនោះបានលិចបាត់ទៅហើយពេលនោះគាត់ក៏បានហៅបងប្អូនជិតខាងចុះរាវរកក្មេងទាំងពីរនោះក៏បានឃើញរួចដឹកបញ្ជូនទៅមន្ទីពេទ្យបង្អែកកម្ពុជាជប៉ុនស្រុកមង្គលបូរី តែក្មេងទាំងពីរនោះបានស្លាប់បាត់ហើយ។
សមត្ថកិច្ចបញ្ជាក់ថា តាមការស្រាវជ្រាវជុំវិញកន្លែងកើតហេតុ របស់ជំនាញកោសល្យវិច្ច័យស្រុក លោកមេប៉ុស្តិ៍ លោកគ្រូពេទ្យឃុំ លោកមេភូមិ និងក្រុមគ្រួសារសពឃើញថា សាកសពពិតជាស្លាប់ដោយសារលង់ទឹកពិតប្រាកដមែន ដោយផ្នែកអាវៈយវៈ ផ្នែកក្បាល និងផ្នែកដង ខ្លួន ពុំមានស្លាកស្នាមអ្វីជាអំពើទារុណកម្មនិងឃាតកម្មឡើយ។រួចប្រគល់សាកសពឱ្យក្រុមគ្រួសារយកទៅធ្វើបុណ្យនៅផ្ទះតាមប្រពៃណី៕
.jpg)