លោកឧត្តមសេនីយ៍ទោ សិទ្ធិ ឡោះ អញ្ជើញសំណេះសំណាលជាមួយកម្លាំងនគរបាលថ្មី មុនបញ្ជូនទៅរៀន នៅសាលានគរបាលជាតិ ភូមិភាគ៤
ខេត្តបន្ទាយមានជ័យ៖នៅព្រឹកថ្ងៃទី១៧ ខែមករា ឆ្នាំ២០២២ លោកឧត្តមសេនីយ៍ទោ សិទ្ធិ ឡោះ ស្នងកានៃស្នងការដ្ឋាននគរបាលខេត្តបន្ទាយមានជ័យ បានអញ្ជើញជួបសំណេះសំណាលជាមួយកម្លាំងនគរបាលក្របខណ្ឌថ្មីឆ្នាំ២០២០ ចំនួន៧៩នាក់ មុនបញ្ជូនទៅរៀន នៅសាលានគរបាលជាតិ ភូមិភាគ៤ នៅខេត្តសៀមរាប។
ក្នុងឱកាសនោះ លោកឧត្តមសេនីយ៍ទោ សិទ្ធិ ឡោះ ក៏បានសំណេះសំណាល និងជម្រុញលើកទឹកចិត្តដល់កម្លាំងទាំងអស់ ត្រូវមានស្មារតីទទួលខុសត្រូវ គោរពវិន័យ ត្រូវមានសីលធម៌ មិនត្រូវបង្កបញ្ហានាំឲ្យប៉ះពាល់ដល់កេរ្តិ៍ឈ្មោះនគរបាលជាតិនិងអង្គភាពដាច់ខាត ពិសេសត្រូវចេះជួយគ្នាក្នុងពេលហ្វឹកហាត់ប្រឹងប្រែងរៀនសូត្រ ត្រូវមានសាមគ្គីផ្ទៃក្នុង យកចំណេះ ជំនាញ មកប្រើតាមអង្គភាពវិញប្រកបដោយគុណភាព។
ទន្ទឹមនោះលោកឧត្តមសេនីយ៍ទោស្នងការ ក៏បានផ្តាំផ្ញើរដល់កម្លាំងទាំងអស់ ត្រូវថែទាំសុខភាពឲ្យបានល្អ និងត្រូវបន្តអនុវត្តវិធានការសុខាភិបាល គឺ៣កុំ និង៣ការពារ ឲ្យបានខ្ជាប់ខ្ជួន ដើម្បីគេចផុតពីជម្ងឺឆ្លងអូមីក្រុនបំលែងខ្លួនថ្មីផងដែរ៕
.jpg)
.jpg)
