ពិធីប្រកាសព្រះគ្រូចៅអធិការ វត្តកក់ ឃុំជប់វារី ស្រុកព្រះនេត្រព្រះ ខេត្តបន្ទាយមានជ័យ
ខេត្តបន្ទាយមានជ័យ៖ក្រោយពីពិនិត្យមើលឃើញពីអត្តចរិតសុភាពរាបសា មានចំណេះដឹង កម្រិតវប្បធម៌សមរម្យ នឹងមានការពេញចិត្ត ពីប្រជាពុទ្ធបរិស័ទបានផងនោះ នាថ្ងៃទី១៧ ខែមករា ឆ្នាំ២០២២ បានធ្វើពិធីដង្ហែយ៉ាងអធិកអធម រាំលេងយ៉ាងសប្បាយអឺងកងចំពោះព្រះតេជព្រះគុណ វិសារទោ នឹង បូរះ ដែលត្រូវបានមន្ទីរធម្មការ និងសាសនាខេត្តបន្ទាយមានជ័យ សហការជាមួយព្រះមន្ត្រីសង្ឃខេត្ត បានធ្វើពីធីប្រកាសអោយឡើងជាព្រះគ្រូចៅអធិការវត្តគិរីញ្ញាណ្ណៈ ខណ្ធបទ ហៅវត្តកក់ ស្ថិតនៅក្នុងឃុំជប់វារី ស្រុកព្រះនេត្រព្រះ ខេត្តបន្ទាយមានជ័យ។
លោក បៀវ ថាន ប្រធានមន្ទីរធម្មការនិងសាសនាខេត្តបានមានប្រសាសន៍ថា ការប្រកាសតែងតាំងព្រះចៅអធិការវត្តថ្មីនាពេលនេះ គឺមានសារៈសំខាន់ណាស់សម្រាប់ធ្វើជាការដឹកនាំគ្រប់គ្រងព្រះសង្ឃ អាចារ្យគណៈកម្មការវត្ត រម្ងាប់អធិករណ៍គ្រប់គ្រងគរុភណ្ឌ មានដីធ្លី វត្តអារាម និងពុទ្ធបរិស័ទសាសនិកជន អោយរៀនសូត្រធម៌វិន័យមានបិដកជាគោល ។សំខាន់ជាងនេះ ទៀតនោះ ត្រូវតែអនុវត្តឲ្យបានខ្ជាប់ខ្ជួន ដើម្បីប្រែក្លាយទៅជាកម្លាំងចលករដ៏មានសារៈសំខាន់សម្រាប់លើកស្ទួយវិស័យព្រះពុទ្ធសាសនា ហើយកាន់តែល្អរឹងមាំផូរផង និងរួមចំណែកអប់រំសីលធម៌និងដល់សង្គមជាតិ។
ព្រះឧត្តមសីលញ្ញាណ ធុល សុធា ព្រះមេគណខេត្តបានមានសង្ឃដីកាបញ្ជាក់ផងដែរថា ដើម្បីឲ្យវត្តនីមួយនីមួយមានសុខសន្តិភាពនោះ គឺតម្រូវឲ្យមានការសាមគ្គីភាពជាចម្បង ព្រោះថាសាមគ្គីភាពជាចលករដ៏សំខាន់នៃសន្តិសហវិជ្ជមានសន្តិភាព រួមទាំងអស់គ្នាម្យ៉ាងវិញទៀតពាក្យថា សាមគ្គីអាចនិយាយបានថាជីកគ្រឹះដ៏រឹងមាំជួយជ្រោមជ្រែង នូវជន្ទល់នៃអហិង្សា ការមិនមានវិវាទ កាលបើសង្គមណាមានភាពសាមគ្គីល្អដើរលើវិថីទូលំទូលាយ សង្គមក៏ទទួលបានផលល្អ ប្រសើតាមនោះដែរ។
ជាចុងក្រោយនៃកម្មវិធីគណៈអធិបតីព្រះមន្ត្រីសង្ឃបាននិមន្ត និងអញ្ជើញស្រោចស្រពសុគន្ធវារីដល់ព្រះចៅអធិការវត្តថ្មីផងដែរ៕
.jpg)
