អ្នកឧកញ៉ា លី សាម៉េត ដឹកនាំកិច្ចប្រជុំផ្ទៃក្នុងគណបក្សប្រជាជនកម្ពុជា ដើម្បីពង្រឹងផ្ទៃក្នុងបក្ស និងដើម្បីទទួលស្វាគមន៍ សកម្មជនមកពីគណបក្សផ្សេងៗ ដែលចង់រួមរស់ជាមួយនឹងគណបក្សប្រជាជនកម្ពុជា
ខេត្តកំពង់ធំ៖កាលពីព្រឹកថ្ងៃទី១៤ ខែមករា ឆ្នាំ២០២២ អ្នកឧកញ៉ា លី សាម៉េត តំណាងដ៏ខ្ពង់ខ្ពស់ សម្តេចតេជោនាយករដ្ឋមន្ត្រី បានដឹកនាំប្រជុំផ្ទៃក្នុងនៅស្នាក់ការបក្សប្រជាជនកម្ពុជា នៅខេត្តកំពង់ធំ ក្នុងកិច្ចប្រជុំនោះ មានការចូលរួមពីរឯកឧត្ដម ដួង តារា ជំនួយការផ្ទាល់សម្តេចតេជោនាយករដ្ឋមន្ត្រី និងជារដ្ឋលេខាធិការទីស្ដីការគណៈរដ្ឋមន្ត្រី ឯកឧត្តមងួន រតនៈ អភិបាលនៃគណៈអភិបាលខេត្តកំពង់ធំ ឯកឧត្ដម យូ សិរីវុឌ្ឍ ឯកឧត្ដម មួង ឃីម និងអភិបាលក្រុងស្រុក ទាំងអស់នៅក្នុងខេត្តកំពង់ធំ រួមទាំងសមាជិកសមាជិកាជាច្រើនរូបទៀត។
ក្នុងកិច្ចប្រជុំនោះ អ្នកឧកញ៉ា លី សាម៉េត បានសង្កត់ធ្ងន់ថា គណបក្សប្រជាជនកម្ពុជា នៅតែបើកទ្វារចំហ រងចាំ ទទួលសកម្មជនគណបក្សផ្សេងៗដែលចង់រួមរស់មាគ៌ា ជាមួយនឹងគណបក្ស ប្រជាជនកម្ពុជា ដែលមានសម្តេចតេជោនាយករដ្ឋមន្ត្រីជាប្រធានបក្ស ។ ហើយអ្នកឧកញ៉ា លី សាម៉េតក៏បានបញ្ជាក់ទៀតថា គណបក្សប្រជាជននៅតែបើកចិត្តបើកបេះដូងទទួលស្វាគមន៍សកម្មជនទាំងអស់ មិនថាគណបក្សណានោះទេ ឲ្យតែចង់ចូលរួមជាមួយនឹងគណបក្សប្រជាជន គឺគណបក្សប្រជាជន នៅតែទទួលដោយមិនមានការរើសអើងអីនោះទេ៕