ថ្ងៃទី២២ ខែមេសា ឆ្នាំ២០២១
គេហទំព័រកំពុងសាកល្បង
អាជ្ញាធរខេត្តកណ្ដាល នឹងត្រៀមយកអគារ​ចំនួន ២បន្ថែមទៀត នៅក្នុងមន្ទីរពេ​ទ្យបង្អែកជ័យជំនះ ក្រុងតាខ្មៅ សម្រា​ប់ព្យាបាលអ្ន​កដែលបានរក​ឃើញមានវិជ្ជមានមេរោគកូវីដ-១៩
Mon,05 April 2021 (Time 07:09 PM)
ដោយ ៖ ឆន្ទៈកូនខ្មែរ (ចំនួនអ្នកអាន: 9នាក់)


ខេត្តកណ្ដាល៖ក្នុងឱកាសអញ្ជើញ ប្រគល់ ទទួ​លអ​គារ​វះកាត់ ​សុភាវី និងអគា​រសម្ភព សុភាវ័ន្ត នៃ​មន្ទីរ​ពេទ្យជ័យជំនះ ដែល​ជាអំណោយ​របស់ លោក​ជំទាវឧកញ៉ាគតិ្តបណ្ឌិត សៀង ចាន់ហេង អគ្គនា​យិកាក្រុមហ៊ុនហេងអភិវឌ្ឍន៍ នៅរសៀលថ្ងៃទី០៥ ខែមេសា ឆ្នាំ២០២១ ឯកឧត្តម គង់ សោភ័ណ្ឌ អភិបាល​ នៃគណៈអភិបាលខេត្តកណ្ដាល បា​នមានប្រសាសន៍ថា ដោយ​មានការកើនឡើង អ្នក​ដែល​បានផ្ទុកមេ​រោគកូវីដ-១៩ នៅក្នុង​ខេត្តកណ្ដាល និងមានតម្រូវ​ការចាំបាច់ នូវអគារ​សម្រាប់​ព្យាបាលអ្នក​ដែលមានផ្ទុកមេរោគកូវីដ-១៩នោះ រដ្ឋបាលខេត្តកណ្ដាល នឹងត្រៀមយកអគារចំនួន ២បន្ថែម​ទៀត នៅក្នុងមន្ទីរពេ​ទ្យបង្អែកជ័យជំនះ ក្រុងតាខ្មៅ សម្រាប់ព្យាបា​លអ្នកដែល​បានរក​ឃើញ​មានវិជ្ជមានមេរោគកូវីដ-១៩ នៅក្នុងខេត្តកណ្ដាល។

ឯកឧត្តមអភិបាលបញ្ជាក់ថា ព្រឹត្តិការណ៍​សហគមន៍ ២០ កុម្ភៈ គិតត្រឹមថ្ងៃទី០៤ ខែមេសា ឆ្នាំ២០២១ ទូទាំ​ងខេត្តកណ្ដាល មានអ្នកវិជ្ជមា​នមេរោគកូវីដ-១៩ សរុបចំនួន៣៥៤នាក់ និងបានព្យា​បាល​បាន​ជាសះស្បើយ សរុបចំនួន២៩១នាក់ ហើយខេត្តកណ្ដាលមិ​នមានអ្នកស្លាប់​ដោយមេរោគកូវីដ-១៩ឡើយ អ្នកដែលបា​នប៉ះ​ពាល់ដោយផ្ទាល់ និងប្រយោល ​សរុបចំនួន ១៦,៧៣៣នាក់ បានយ​កសំ​ណាកធ្វើតេស្តរកមេរោគកូវីដ-១៩ ចំនួន១៥,៦០៧នាក់។

ដើម្បីឆ្លើយតប​ទៅនឹងចំនួន​អ្នកជំងឺកូវីដ​-១៩ កំពុងបន្តកើនឡើង ហើយអគារ​មន្ទីរពេទ្យជ័​យជំនះ​បច្ចុប្បន្ន ពុំមានកន្លែងគ្រប់គ្រាន់​សម្រាប់បន្តដាក់អ្នកជំងឺកូវីដ-១៩ រដ្ឋបាលខេត្តកណ្ដាល​គ្រោង​យកអគារ ចំនួន២ គឺអគារវះកាត់ សុភាវី និងអគារសម្ភព សុភាវ័ន្ត កំពុងដំណើរ​ការសាងសង់​ជិតបញ្ចប់នេះ សម្រាប់ព្យាបា​លអ្នកជំងឺកូវីដ-១៩ នៅក្នុងខេត្តកណ្ដាល។

ក្នុងឱកាសនោះ​ដែរ ឯកឧត្តមអភិបាលខេត្តកណ្ដាល បានថ្លែង​អគុណចំពោះ លោកជំទាវឧក​ញ៉ាគតិ្តបណ្ឌិត​ សៀង ចាន់ហេង អគ្គនាយិកាក្រុមហ៊ុនហេងអភិវឌ្ឍន៍ ដែលមានចិត្តសប្បុរសធម៌ បានសាង​សង់​នូវអគារវះកាត់ សុភាវី និងអគារសម្ភព សុភាវ័ន្ត ជូនដល់រដ្ឋ​បាលខេត្ត​កណ្ដាលនា​ពេលនេះ។

លោកជំទាវ​ឧកញ៉ាគតិ្តបណ្ឌិត សៀង ចាន់ហេង អគ្គនាយិកាក្រុមហ៊ុ​នហេងអភិវឌ្ឍន៍ បានឱ្យដឹងថា អគារវះ​កាត់ សុភាវី មានទំហំធំ១៣គុណនិង៤០ម៉ែត្រ កម្ពស់៥ជាន់ ដំបូលប្រក់ក្បឿង សង់អំពីបេ​តុងដែក បានសាងសង់សម្រេចបាន៨៥% ស្មើនឹង៩៥១.៤០៥ដុល្លា។អគារសម្ភព សុភាវ័ន្ត មាន​ទំហំធំ១៣គុណនិង៣៥ម៉ែត្រ កម្ពស់៤ជាន់ ដំបូលប្រក់ក្បឿង សង់អំពីបេតុងដែក បានសាងសង់ស​ម្រេច​បាន ៧០% ស្មើនឹង៥៥៥.០៧២ដុល្លា៕

ព័ត៌មានគួរចាប់អារម្មណ៍

អាជ្ញាធរ​ក្រុងប៉ោយ​ប៉ែត បន្តចុះ​ណែនាំ​ដល់​អាជីវករ​លក់ដូរនៅតាមផ្សារ ក្នុង​ភូមិ​សាស្ត្រ​ក្រុងប៉ោយប៉ែត​ឲ្យអនុវត្ត​តាមវិធាន​កា​ររបស់ប្រមុខរាជរដ្ឋាភិបាល (ឆន្ទៈកូនខ្មែរ)

ព័ត៌មានគួរចាប់អារម្មណ៍

អភិបាលខេត្តបន្ទាយមានជ័យ ចុះណែនាំដល់ប្រ​ជាពលរដ្ឋ និង​អាជីវករលក់ដូរនៅ​ក្នុងផ្សារ​មង្គលបូរី ​ឲ្យ​អនុវត្តតាមវិធាការ​របស់ក្រសួងសុខា​ភិបាល និង​ប្រមុខរាជរដ្ឋាភិបាលកម្ពុជា ​ឲ្យបានខ្ជាប់ខ្ជួន (ឆន្ទៈកូនខ្មែរ)

ព័ត៌មានគួរចាប់អារម្មណ៍

ក្រសួងសុខាភិបាល ប្រកាស​ពីករណីស្លាប់ស្ត្រីជនជាតិខ្មែរចំនួន០២នាក់ អាយុ៥៤ឆ្នាំ និងអាយុ៥៤​ឆ្នាំ ដោយសារជំងឺកូវីដ-១៩ (ឆន្ទៈកូនខ្មែរ)

ព័ត៌មានគួរចាប់អារម្មណ៍

ឃាត់ខ្លួនជនសង្ស័យ២នាក់ បន្ទាប់ពីឆក់ទូរស័ព្ទពីជនរងគ្រោះបានសម្រេច រួចជិះម៉ូតូរត់គេចខ្លួន​បុក​បារាស់ជ្រុលទៅមកបុកកម្លាំងសមត្ថកិច្ច ដែលកំពុងឈរជើងនៅគោលដៅ បណ្តាលរងរបួសធ្ងន់ (ឆន្ទៈកូនខ្មែរ)

ព័ត៌មានគួរចាប់អារម្មណ៍

ជនសង្ស័យ​ម្នាក់ ត្រូវ​កម្លាំងអាវុធហត្ថ​ចាប់ឃាត់ខ្លួន បញ្ជូនទៅតុលាការខេត្តបន្ទាយមានជ័យ ពាក់ព័ន្ធ​ទៅនឹង​ករណី​លួច​ខោ​អាវ​កីឡា (ឆន្ទៈកូនខ្មែរ)

វីដែអូ

ចំនួនអ្នកទស្សនា

ថ្ងៃនេះ :
3165 នាក់
ម្សិលមិញ :
6257 នាក់
សប្តាហ៍នេះ :
46968 នាក់
ខែនេះ :
238713 នាក់
3 ខែនេះ :
792838 នាក់
សរុប :
4532451 នាក់