ឯកឧត្តម ម៉េង សុភ័ណ្ឌ និងសប្បុរសធម៌ នាំយកអំណោយផ្តល់ជូនប្រជាពលរដ្ឋ ដែលមានជីវភាពខ្វះខាតនៅក្នុងតំបន់បិទខ្ទប់ ក្នុងភូមិសាស្ត្រសង្កាត់ប៉ោយប៉ែត
ខេត្តបន្ទាយមានជ័យ៖នៅព្រឹកថ្ងៃទី២៧ ខែមេសា ឆ្នាំ២០២១ ឯកឧត្តម ម៉េង សុភ័ណ្ឌ ទីប្រឹក្សាសម្តេចក្រឡាហោម ស ខេង និងលោក ច័ន្ទ ប៊ុនសួគ៌ និងភរិយា បាននាំយកអង្ករចំនួន១តោនផ្តល់ជូនដល់សាលាសង្កាត់ប៉ោយប៉ែត សម្រាប់ដោះស្រាយដល់កងកម្លាំងដែលកំពុងតែបំពេញការងារយ៉ាងសកម្មជូនប្រជាពលរដ្ឋនៅក្នុងមូលដ្ឋាន រួមនិងផ្តល់ជូនប្រជាការពារដែលមានជីវភាពខ្វះខាតចំនួន៥នាក់ក្នុងម្នាក់ៗទទួលបានអង្ករ ១ការ៉ុង ស្មើ១០គីឡូក្រាម និងត្រីខ ១យួរស្មើ១០កំប៉ុងផងដែរ។
ជាមួយគ្នានោះដែរ ឯកឧត្តម ម៉េង សុភ័ណ្ឌ និងលោក ច័ន្ទ ប៊ុនសួគ៌ រួមនិងភរិយា បាននាំយកអង្ករចំនួន ៣តោននិងត្រីខ ចំនួន៣០០០ (បីពាន់កំប៉ុង)បន្ថែមទៀត សហការជាមួយអាជ្ញាធរមូលដ្ឋានដែលដឹកនាំដោយលោក ភោគ លន ចៅសង្កាត់ប៉ោយប៉ែត ចុះចែកជូនដល់ប្រជាពលរដ្ឋ ដែលមានជីវភាពខ្វះខាត់ចំនួន៣០០គ្រួសារ កំពុងជាប់ធ្វើចត្តាឡីស័ក១៤ថ្ងៃ ដែលអាជ្ញាធរកំពុងបិតខ្ទប់ក្នុងភូមិសាស្ត្រសង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យនោះ។នេះជាទឹកចិត្តដ៏សប្បុរសដែលបានចូលរួមជំណែកជាមួយប្រមុខរាជរដ្ឋាភិបាលកម្ពុជា និងជ្ញាធរមូលដ្ឋាន ដើម្បីកាត់បន្ថយការខ្វះខាតរបស់ប្រជាពលរដ្ឋមួយគ្រាផងដែរ។
អំណោយដែលត្រូវផ្តល់ជូនប្រជាពលរដ្ឋ ដែលមានជីវភាពខ្វះខាត ចំនួន៣០០គ្រួសារ ដែលកំពុងឋិតនៅក្នុងការបិតខ្ទប់របស់អាជ្ញាធរ ដើម្បីទប់ស្កាត់កុំឲ្យឆ្លងរីរាលដាលនៃជំងឺកូវីដ១៩ ទៅកាន់តំបន់ផ្សេងទៀតនោះ ក្នុងមួយគ្រួសារទទួលបាន អង្ករ ១ការ៉ុង ស្មើ១០គីឡូក្រាម និងត្រីខ ១យួរស្មើ១០កំប៉ុង ដោយសប្បុរសជន រួមនឹងអាជ្ញាធរ បានដឹកយកទៅចែកដល់មូលដ្ឋានផ្ទាល់របស់ពួកគាត់ តែការចែកនោះទៀតសោធបានអនុវត្តតាមការណែនាំរបស់ក្រសួងសុខាភិបាល និងប្រមុខរាជរដ្ឋាភិបាលយ៉ាងខ្ជាប់ខ្ជួនបំផុត ដោយមិនអនុញ្ញាតជួបជុំគ្នា បាញ់អាកុលញឹកញាប់ ព្រមទាំងរៀបចំជាជួរឲ្យពួកគាត់មកទទួលយកម្នាក់ម្តងៗផងដែរ។
ក្នុងនោះ ឯកឧត្តម ម៉េង សុភ័ណ្ឌ បានណែនាំដល់ប្រជាពលរដ្ឋ ត្រូវរក្សាអនាម័យ រក្សាកម្លាត កុំព្យាយាមជួបជុំគ្នា ត្រូវពាក់ម៉ាស បាញ់អាកុលឲ្យបានញឹកញាប់ ពិសេសត្រូវអនុវត្តតាមការណែនាំរបស់ក្រសួងសុខាភិបាល និងប្រមុខរាជរដ្ឋាភិបាលកម្ពុជា គឺ«៣ការពារ និង៣កុំ»ឲ្យបានខ្ជាប់ខ្ជួន។
ទន្ទឹមនោះដែលលោក ភោគ លន ចៅសង្កាត់ប៉ោយប៉ែត បានថ្លែងអគុណនិងកោតសសើរចំពោះ ឯកឧត្តម ម៉េង សុភ័ណ្ឌ និងលោកច័ន្ទ ប៊ុនសួគ៌ និងភរិយា ដែលបានចូលរួមចំណែកជាមួយរដ្ឋបាលសង្កាត់សម្រាប់ការងារមនុស្សធម៌ជូនប្រជាពលរដ្ឋដែលកំពុងមានការខ្វះខាតក្នុងអំឡុងបិតខ្ទប់ជំងឺឆ្លងកូវីដ១៩នេះ៕
