យាយតាបានយកចៅមកលេង ដាក់ឲ្យចៅដេកអង្រឹងយាយតាដេកលក់មួយភាំង ងើបពីដេកបាត់ចៅស្រីដើររកឃើញចៅស្រីលង់ទឹកស្លាប់
ខេត្តបន្ទាយមានជ័យ៖ដោយសារតែការធ្វេសប្រហែស បានធ្វើឲ្យក្មេងស្រីអាយុ១ឆ្នាំ ១ខែ លង់ទឹកស្លាប់យ៉ាងអាណោចអធ័ម បន្ទាប់ពីយាយនិងតា បានយកចៅមកលេងនៅផ្ទះ ដាក់ឲ្យចៅដេកអង្រឹង ហើយយាយនិងតាបានសំរានលុងលក់មួយភាំង នៅពេលងើបពីសំរានក៏ស្រាប់តែបាត់ចៅស្រី ដើររកឃើញលុងទឹកស្លាប់ បង្កការភ្ញាក់ផ្អើលកាលពីរសៀលថ្ងៃទី២២ ខែកុម្ភៈ ឆ្នាំ២០២១ នៅចំណុចវាលស្រែតាអន ស្ថិតក្នុងភូមិទឹកថ្លា សង្កាត់ទឹកថ្លា ក្រុងសិរីសោភ័ណ ខេត្តបន្ទាយមានជ័យ។
បើតាមការបញ្ជាក់ពីសមត្ថកិច្ចបានឲ្យដឹងថា មូលហេតុដែលក្មេងស្លាប់នោះមកពី យាយ ឈ្មោះ លិញ ចំណាន អាយុ៤៣ឆ្នាំ និងតាឈ្មោះ ហ៊ាង លួត អាយុ៤៤ឆ្នាំ រស់នៅភូមិទឹកថ្លា សង្កាត់ទឹកថ្លា ក្រុងសិរីសោភ័ណ បានយកចៅស្រីម្នាក់ឈ្មោះសុភា លក្ខិណា អាយុ១ឆ្នាំ ១ខែយកមក លេងនៅជាមួយពួកគាត់ អ្នកទាំងពីរបានដាក់ឲ្យចៅ រងគ្រោះខាងលើនោះដេកក្នុងអង្រឹង ហើយពួកគាត់ក៏សំរានលុងលក់ នៅពេលភ្ញាក់ឡើងក៏ស្រាប់តែបាត់ចៅ មិនឃើញពួកគាត់សង្ស័យថា ចៅរបស់គាត់ប្រហែលជាលុងទឹក នៅស្រះមុខផ្ទះ ពេលពួកគាត់ទៅដល់ស្រាប់តែឃើញចៅអណ្តែតទឹកបាត់ទៅហើយ ពេលនោះពួកគាត់យកចៅមកសង្គ្រោះដែរ តែជួយមិនបាន ព្រោះក្មេងរងគ្រោះនោះ បានស្លាប់បាត់បង់ជីវិតទៅហើយ។
ក្រោយមកសពក្មេងស្រី ត្រូវបានឪពុក ម្តាយ យាយ តា យកទៅធ្វើបុណតាមប្រពៃណី៕