អគ្គីភ័យលេបត្របាក់ផ្ទះប្រជាពរដ្ឋចំនួន៦ខ្នង នៅខណ្ឌជ្រោយចង្វារ បង្កការភ្ញាក់ផ្អើលទាំងយប់
រាជធាភ្នំពេញ៖ឆ្លងចរន្តអគ្គីសនី បានបណ្តាលឲ្យឆាបឆេះផ្ទះរបស់ប្រជាពលរដ្ឋ ធ្វើអំពីឈើលើក្រោមថ្មចំនួន៦ខ្នង អស់ទាំងស្រុងបង្ករការភ្ញាក់ផ្អើលកាលវេលាម៉ោង១១និង២០នាទីយប់ ថ្ងៃទី១៨ ខែកម្ភៈ ឆ្នាំ២០២១ ស្ថិតនៅតាមបណ្ដោយផ្លូវបេតុងកែងនិងផ្លូវទន្លេសាប ចំណុចជាប់របងវត្តចាស់ ក្នុងក្រុម២ ភូមិជ្រោយចង្វា សង្កាត់ជ្រោយចង្វា ខណ្ឌជ្រោយចង្វារ រាជធានីភ្នំពេញ។
តាមប្រភពពីប្រជាពលរដ្ឋម្នាក់ដែលផ្ទះជាប់និងផ្ទះឆេះមុនគេបានអោយដឹងថា ផ្ទះដែលត្រូវអគ្គីភ័យឆាបឆេះនោះ ធ្វើអំពីឈើប្រក់សង្ក័សីផ្ទះសិប្បកម្មធ្វើតុកទូរ ខណៈម្ចាស់ផ្ទះមិននៅចាក់សោរចោលបណ្ដាលអោយឆាបឆេះយ៉ាងសន្ធោសន្ធៅ គាត់ឃើញដូចច្នោះប្រញាប់ប្រញាល់នាំប្រពន្ធ និងកូនរត់ចេញយកបានតែម៉ូតូកញ្ចាស់មួយគ្រឿងតែប៉ុណ្ណោះ។ហើយបានរាលដាលផ្ទះដែលជាប់គ្នាជាបន្តបន្ទាប់ផ្អើលដល់សមត្ថកិច្ចចេញរថយន្តអន្តរាគមន៍ជាច្រើនគ្រឿងមកបាញ់ពន្លត់ ទើបរលត់ទៅវិញ។
អ្វីគួរឲ្យសោកស្ដាយផ្ទះប្រជាពរដ្ឋ ត្រូវគ្រោះអគ្គីភ័យលេបត្របាក់ទាំងស្រុងក្នុងហេតុការណ៍គ្រោះអគ្គីភ័យនេះ គឺមិនមានអ្នកណាបាត់បង់ជីវិតនោះទេ។ហើយក្នុងហេតុការករណីអគ្គីភ័យខាងលើនេះ សមត្ថកិច្ចបានប្រើប្រាស់រថយន្តការិយាល័យអគ្គិភ័យ ចំនួន១៦គ្រឿង ប្រើប្រាស់ទឹកអស់១៦ឡាន ស្មើនឹង៧០ម៉ែត្រគូប ក្នុងនោះមានរថយន្តពន្លត់អគ្គិភ័យជួយអន្តរាគមន៍រួមមាន៖
- រថយន្តពន្លត់អគ្គិភ័យរបស់ក្រសួងមហាផ្ទៃ ចំនួន២គ្រឿង ពុំបានប្រើប្រាស់ទឹក
- រថយន្តពន្លត់អគ្គិភ័យរបស់ក្រុមហ៊ុន OCIC ទីក្រុងជ្រោយចង្វារ ចំនួន៣គ្រឿង ប្រើប្រាស់ទឹកអស់ ៣ឡាន ស្មើរនឹង២០ម៉ែត្រគូប
- រថយន្តពន្លត់អគ្គិភ័យរបស់ក្រុមហ៊ុន ស្រាបៀរកម្ពុជា ចំនួន ១គ្រឿង ប្រើប្រាស់ទឹកអស់១ឡាន ស្មើរនឹង៦ម៉ែត្រគូបចំពោះមូលហេតុគ្រោះអគ្គីភ័យ ផ្ដើមមកពីឆ្លងចរន្តអគ្គីសនី បណ្តាលអោយឆេះរាលដាលឆាបឆេះអស់ផ្ទះ៦ខ្នងទាំងស្រុង៕
