ឃាត់ខ្លួនជនសង្ស័យ១នាក់ ពាក់ព័ន្ធករណីគ្រឿងញៀន នៅស្រុកក្រគរ
ខេត្តពោធិ៍សាត់៖កម្លាំងនគរបាលប៉ុស្តិ៍រដ្ឋបាលត្នោតជុំ សហការណ៍ជាមួយកម្លាំងផ្នែកនគរបាលប្រឆាំងគ្រឿងញៀន ដឹកនាំដោយលោកវរៈសេនីយ៍ត្រី យិន ឈិនហាក់ នាយប៉ុស្ដិ៍នគរបាល បានចុះប្រតិបត្តិការបង្ក្រាប ករណីជួញដូរ រក្សាទុក និងប្រើប្រាស់ដោយខុសច្បាប់នូវសារធាតុញៀន នឹងឃាត់ខ្លួនបានជនសង្ស័យ១នាក់ កាលពីវេលាម៉ោង១៤និង៣០នាទី ថ្ងៃទី៨ ខែមករា ឆ្នាំ២០២១ នៅចំណុចផ្ទះជនសង្ស័យឈ្មោះជ័យ សំរិទ្ធ ស្ថិតនៅភូមិជ័រម្គាន់ ឃុំត្នោតជុំ ស្រុកក្រគរ ខេត្តពោធិ៍សាត់។
សមត្ថកិច្ចបានឲ្យដឹងថា ជនសង្ស័យមានឈ្មោះ ជ័យ សំរឹទ្ធ ភេទប្រុស អាយុ៤១ឆ្នាំ ជនជាតិខ្មែរ មុខរបរមិនពិតប្រាកដ កំរិតវប្បធម៌ថ្នាក់ទី២ ប្រពន្ធឈ្មោះ សើន រី អាយុ២៥ឆ្នាំ មុខរបរកសិករទីលំនៅបច្ចុប្បន្នភូមិជ័រម្គាន់ ឃុំត្នោតជុំ ស្រុកក្រគរ ខេត្តពោធិ៍សាត់។វត្ថុតាងដកហូតបានរួមមាន៖
ម្សៅក្រាមពរណ៏សថ្លាសង្ស័យថា មានសាធាតុញៀនចំនួន០៥កញ្ចប់ ធំ១កញ្ចប់ទម្ងន់៩.៩៣ក្រាម ២,លុយដុល្លា១០$ ,ទូរស័ព្ទ០៣គ្រឿង,លុយខ្មែរ២៥២៥០០៛,កាំភ្លើងខ្យល់០៣ដើម,កាបូបស្ពាយចំហៀង,កាបូបដៃ១,ថង់ប្លាស្ទិកសំរាមច្រកថ្នាំញៀន១ចំនួន។
បច្ចុប្បន្នជនសង្ស័យត្រូវបានឃាត់ខ្លួន នៅអធិការដ្ឋាននគរបាលស្រុកក្រគរ ដើម្បីចាត់ការទៅតាមនិតិវិធីច្បាប់៕
