អគ្គិភ័យឆេះហាងលក់ម៉ូតូហុងដា លី ប៉េង បណ្តាលឲ្យខូចរថយន្ត០២គ្រឿង និងម៉ូតូ៥៧គ្រឿង បង្កការភ្ញាក់ផ្អើល នៅកំពត
ខេត្តកំពត:ហាងលក់ម៉ូតូ ហុងដា លី ប៉េង ដែលស្ថិតនៅឃុំកំពង់បាយខាងជើង សង្កាត់កំពង់បាយ ក្រុងកំពត ខេត្តកំពត ដែលមានម្ចាស់ឈ្មោះ លី ប៉េង ភេទប្រុស អាយុ៦០ឆ្នាំ ត្រូវអគ្គិភ័យឆាបឆេះនៅថ្ងៃទី០៩ ខែធ្នូ ឆ្នាំ២០២១។
នគរបាលបានឲ្យដឹងថា ករណីខាងលើនេះ បណ្តាលឲ្យខូចខាតរួមមាន៖ ផ្ទះជាន់ក្រោមខូចខាត ៣០% រថយន្តចំនួន០២គ្រឿង ខូចខាតទាំងស្រុង ឡិចស៊ីស ៥៧០ ចំនួន ០១គ្រឿង រថយន្ត ហុងដា CRV 2020 ចំនួន ០១គ្រឿង ម៉ូតូខូចខាតធ្ងន់និងមធ្យម ៥៧ គ្រឿង និងមិនបណ្តាលឲ្យ ប៉ះពាល់ដល់អាយុជីវិតមនុស្សឡើយ។
ក្នុងហេតុការនោះកម្លាំងសមត្ថកិច្ច ចេញរថយន្តស្នងការដ្ឋាន នគរបាលខេត្តចំនួន០៣គ្រឿង ប្រើប្រាស់ ទឹកអស់ចំនួន០៦ រថយន្តស្មើនឹង ៤០ ម៉ែត្រគូបទើប រលត់ទាំងស្រុងនៅវេលាម៉ោង ០៨និង២០ នាទីព្រឹកថ្ងៃខែឆ្នាំដដែល។
ក្នុងគ្រោះអគ្គីភ័យនេះនូវមិនទាន់ដឹងពីមូលហេតុនៅឡើយទេ សមត្ថកិច្ចកំពុងធ្វើការស្រាវជ្រាវ៕
