កិច្ចប្រជុំស្រាវជ្រាវស្វែងយល់បន្ថែមនូវលទ្ធផលការងារកែទម្រង់នៃកងយោធពលខេមរភូមិន្ទ ៥ឆ្នាំ(២០១៥-២០១៩)និងទិសដៅផែនការ ៥ឆ្នាំបន្ទាប់ របស់កងពលតូចថ្មើរជើងលេខ៥១
ខេត្តបន្ទាយមានជ័យ:ឯកឧត្ដម នាយឧត្តមសេនីយ៍ ភួង សុីផាន រដ្ឋលេខាធិការក្រសួងការពារជាតិ និងជាអគ្គលេខាធិការ នៃក្រុមប្រឹក្សាកំណែទម្រង់កងយោធពលខេមរភូមិន្ទនាព្រឹកថ្ងៃទី៨ ខែធ្នូ ឆ្នាំ២០២១ បានអញ្ចើញជាអធិបតីក្នុងកិច្ចប្រជុំស្រាវជ្រាវស្វែងយល់បន្ថែមនូវលទ្ធផលការងារកែទម្រង់នៃកងយោធពលខេមរភូមិន្ទ ៥ឆ្នាំ(២០១៥-២០១៩)និងទិសដៅផែនការ ៥ឆ្នាំបន្ទាប់ របស់កងពលតូចថ្មើរជើងលេខ៥១។
សូមបញ្ជាក់ផងដែរថាបន្ទាប់ពីកិច្ចប្រជុំបានបញ្ចប់ ឯកឧត្តម នាយឧត្តមសេនីយ៍ ភួង សុីផាន បានដឹកនាំប្រតិភូ អញ្ចេីញចុះត្រួតពិនិត្យសកម្មភាពការងារបង្កបង្កេីនផលនឹងចិញ្ចឹមសត្វ តាមបណ្តាកងអនុសេនាធំចំណុះទីបញ្ជាការកងពលតូចថ្មេីរជេីងលេខ៥១ ក្នុងនោះដែរអធិបតី ក៏ដូចជាគណៈប្រតិភូបានថ្លែងការកោតសរសេីរ ចំពោះការងារគ្រប់គ្រងការងារដឹកនាំបញ្ជាក៏ដូចជាការងារបង្កបង្កេីនផលនឹងការងារធានាចិញ្ចឹមទ័ពបានល្អផងដែរ៕