ស្នងការងខេត្តបន្ទាយមានជ័យ ដឹកនាំក្រុមការងា នាំយកថវិការចំនួន១៣.២៧០.០០០ រៀល ប្រគល់ជូនគ្រួសារសព លោក អនុសេនីយ៍ឯក ឌឹម រស្មី មន្ត្រីប៉ុស្តិ៍នគរបាលរដ្ឋបាលភ្នំលៀប ដែលទទួលមរណ:ភាព ដោយឆ្លងចរន្តអគ្គីឆក់ស្លាប់
ខេត្តបន្ទាយមានជ័យ៖លោកឧត្តមសេនីយត្រី រ៉ែម វីរៈ ស្នងការងផែនការងារសេនាធិការ តំណាងឱ្យ លោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ និងជាប្រធានសមាគមមិត្តនគរបាលជាតិកម្ពុជាថ្នាក់មូលដ្ឋាន នៃស្នងការដ្ធាននគរបាលខេត្តបន្ទាយមានជ័យ និងមន្ត្រីក្រោមឱវាទ កាលពីសៀលថ្ងៃទី០៦ ខែធ្នូ ឆ្នាំ២០២១នេះ បានអញ្ជើញបំពាក់ឋានន្តរសក្តិ និងនាំយកថវិកាសមាគមមិត្តនគរបាលជាតិកម្ពុជា ចំនួន៦.០០០.០០០រៀល ថវិការបស់លោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ ចំនួន៤.០០០.០០០រៀល ថវិការបស់អធិការ ដ្ឋាននគរបាលស្រុកព្រះនេត្រព្រះចំនួន ៩០០.០០០រៀល ថវិកាមិត្តរួមជំនាន់វគ្គទី១២ ចំនួន២.០៤០.០០០រៀល រួមថវិកាកងកម្លាំង ចំនួន៣៣០.០០០រៀល ទៅប្រគល់ជូនគ្រួសារសពមន្ត្រីនគរបាលប៉ុស្តិ៍ភ្នំលៀបហើយធ្វើបុណ្យនៅស្រុកកំណើត ស្ថិតនៅភូមិផ្សារលើ សង្កាត់លលកស ក្រុងពោធិ៍សាត់ ខេត្តពោធិ៍សាត់ ។
មន្ត្រីនគរបាលដែលទទួលមរណភាព ឈ្មោះ លោក អនុសេនីយ៍ឯក ឌឹម រស្មី អត្តលេខ ៨៣៨៩២ មន្រីប៉ុស្តិ៍នគរបាលរដ្ធបាលភ្នំលៀប នៃអធិការដ្ធាននគរបាលស្រុកព្រះនេត្រព្រះ ។ បានទទួលមរណ:ភាពនៅថ្ងៃទី ០៥ ខែធ្នូ ឆ្នាំ២០២១ វេលាម៉ោង៥:៣០នាទីល្ងាច ដោយឆ្លងចរន្តអគ្គីឆក់ស្លាប់ ។ ពិធីគោរពវិញ្ញាណក្ខន្ធនេះ ធ្វើឡើងនៅគេហដ្ឋាននៃសព លោកអនុសេនីយ៍ឯក ឌឹម រស្មី គឹមហ៊ុន ស្ថិតនៅភូមិផ្សារលើ សង្កាត់ លលកស ក្រុងពោធិ័សាត់ ខេត្តពោធិ៍សាត់ ។
ក្នុងឱកាស ដ៏ក្រៀមក្រំនេះ លោកឧត្តមសេនីយ៍ត្រី រ៉ែម វីរៈ និងក្រុម គ្រួសារ នគរបាលទូទាំងខេត្តបន្ទាយមានជ័យ ចូលរួមរំលែកទុក្ខ ដោយមាន សេចក្ដី ក្ដុកក្ដួល និងសោកស្ដាយជាអនេក ចំពោះការបាត់បង់ លោកអនុសេនីយ៍ឯក ឌឹម រស្មី គឺជាការបាត់បង់ធនធានមនុស្សដ៏កម្រ ដែលលោកបានបំពេញតួនាទី បម្រើជាតិមាតុភូមិ ការពាររក្សាសន្តិសុខសណ្តាប់ធ្នាប់ជូនសង្គមកន្លងមក វរ:ភាពទាំងនេះយើងខ្ញុំទាំងគ្នានឹងចងចាំទុកក្នុងបេះដូងជានិច្ច។សូមវិញ្ញាណ ក្ខន្ធលោកឆាប់ចាប់បដិសន្ធិ ក្នុង សុគតិភព កុំបី ឃ្លៀងឃ្លាតឡើយ។
ជាមួយគ្នានោះដែរក្រុមគ្រួសារនៃសព ក៏សូមគោរពថ្លែងអំណរអរគុណយ៉ាងជ្រាវជ្រៅទឹកចិត្ត មិនអាចកាត់ថ្លៃបាននូវការយកចិត្តទុក្ខមកលើសព និងក្រុមគ្រួសារនៃសព និងសូមគោរពជូនពរ ពុទ្ធពរ៤ ប្រការ គឺ អាយុវណ្ណៈ សុខៈ ពៈលៈ កុំបីឃ្លៀងឃ្លាតឡើយ៕
