ជនជាតិថៃប្រុសស្រីចំនួន២៥នាក់ ត្រូវសមត្ថកិច្ចចាប់បញ្ជូនទៅប្រទេសកំណើតវិញ ពាក់ពន្ធ័លួចឆ្លងដែនមកធ្វើការខុសច្បាប់នៅកម្ពុជា
ខេត្តបន្ទាយមានជ័យ៖ជនជាតិថៃប្រុសស្រី ចំនួន២៥នាក់ ដែលលួចឆ្លងដែន និងស្នាក់នៅក្នុងប្រទេសកម្ពុជាដោយខុសច្បាប់ ត្រូវសមត្ថកិច្ចចាប់ឃាត់ខ្លួន រួចបញ្ជូនទៅប្រទេសកំណើតវិញ កាលរសៀលថ្ងៃទី២១ ខែធ្នូ ឆ្នាំ២០២១ តាមច្រកទ្វាព្រំដែនអន្តរជាតិប៉ោយប៉ែត។
ការប្រគល់ជនជាតិថៃទាំង២៥នាក់ខាងលើឲ្យទៅភាគីថៃនេះ ក្រោមការដឹកនាំដោយឯកឧត្តម ឧត្តមសេនីយ៍ឯក សម វណ្ណវីរ: ប្រធាននាយកដ្ឋានសន្តិសុខផ្ទៃក្នុង និងលោកឧត្តមសេនីយ៍ត្រី អេង លីហួរ ស្នងការរង ផែនការងារអន្តោប្រវេសន៍ តំណាងលោកឧត្តមសេនីយ៍ទោ សិទ្ធិ ឡោះ ស្នងការនៃស្នងការដ្ឋាននគរបាលខេត្តបន្ទាយមានជ័យ ក្នុងនោះក៏មានការចូលរួមពីកម្លាំងនគរបាលការិយាល័យ សើបអង្កេត និងអនុវត្តន៍នីតិវិធី កម្លាំងអធិការដ្ឋានក្រុងប៉ោយប៉ែត និងកម្លាំងវរ:សេនាតូចនគរបាលការពារព្រំដែនគោក៩១១ផងដែរ។
នាឱកាសនោះលោកឧត្តមសេនីយ៍ត្រី អេង លីហួរ បានមានប្រសាសន៍ថា ជនជាតិថៃប្រុសស្រីទាំង២៥នាក់ ក្នុងនោះមានស្រី១១នាក់ ត្រូវបានសមត្ថកិច្ចឃាត់ខ្លួននៅក្នុងអាគារជួលមួយកន្លែង ខាងកើតជាប់បុរីសានហូរ ស្ថិតនៅក្នុងភូមិគីឡូលេខ៤ សង្កាត់ផ្សារកណ្តាល ក្រុងប៉ោយប៉ែត ក្រោយសមត្ថកិច្ចរកឃើញថា ពួកគេលួចឆ្លងដែនមកស្នាក់នៅនិងធ្វើការដោយខុសច្បាប់ នៅក្នុងប្រទេសកម្ពុជា៕
.jpg)
.jpg)