ប្រធានគណបក្សខ្មែរក្រោក និងបក្សពួកជាង១០នាក់ ត្រូវបានកងអាវុធហត្ថចាប់ឃាត់ខ្លូន ពាក់ព័ន្ធករណីប្លន់ផ្ទះ អាន សៀវម៉ី
រាជធានីភ្នំពេញ៖ក្រុមចោរប្លន់ប្រដាប់អាវុធប្រមាណជាង១០នាក់ ក្នុងនោះមានលោក សុខ សុវណ្ណ វឌ្ឍនាសាប៊ុង ហៅ William Guang ដែលត្រូវបានស្គាល់ថា ជាប្រធានគណបក្សខ្មែរក្រោក ត្រូវបានកម្លាំងអាវុធហត្ថរាជធានីភ្នំពេញ ដែលដឹកនាំផ្ទាល់ ដោយឧត្តមសេនីយ៍ឯក រ័ត្ន ស៊្រាង បានចាប់ឃាត់ខ្លួន នៅយប់ថ្ងៃទី២០ ខែធ្នូ ឆ្នាំ ២០២១ ដែលជាប់ពាក់ព័ន្ធករណីប្លន់ ប្រដាប់អាវុធឧកញ៉ា អ៊ាន សៀវម៉ី ដែលជាអ្នកលក់ឡេអនឡាញល្បីឈ្មោះ កក្រើកក្រុងភ្នំពេញ។នេះបើយោងតាមថាចុះផ្សាយរបស់សារព័ត៌មានក្នុងស្រុក។
ប្រភពដ៏ដែលបន្តថា នៅក្នុងការបង្រ្កាបនេះកម្លាំងអាវុធហត្ថរាជធានីភ្នំពេញ ដកហូតបាននៅអាវុធវែងខ្លីចំនួន៥ដើម (វែង១ដើម ខ្លី៤ដើម) និងគ្រឿងអលង្ការមួយចំនួន ស្ថិតនៅទីតាំងបុរី ប៉េងហួត ផ្លូវ៦០ម៉ែត្រ រាជធានីភ្នំពេញ៕