លោកឧត្តមសេនីយ៍ទោ ឈាង ផាន់ណារ៉ា អញ្ជើញចុះជួបសំណេះសំណាល សាកសួរសុខទុក្ខដល់កងកម្លាំងនគរបាលជាតិ នៃអធិការដ្ឋាននគរបាលស្រុកត្រាំកក់ និងអធិការដ្ឋាននគរបាលក្រុងដូនកែវ
ខេត្តតាកែវ៖នៅព្រឹកថ្ងៃទី១៧ ខែធ្នូ ឆ្នាំ២០២១ លោកឧត្តមសេនីយ៍ទោ ឈាង ផាន់ណារ៉ា ស្នងការ នៃស្នងការដ្ឋាននគរបាលខេត្តតាកែវ រួមដំណើរដោយលោកស្នងការរង បានបន្តអញ្ជើញចុះជួបសំណេះសំណាល សាកសួរសុខទុក្ខដល់កងកម្លាំងនគរបាលជាតិ នៃអធិការដ្ឋាននគរបាលស្រុកត្រាំកក់ និងអធិការដ្ឋាននគរបាលក្រុងដូនកែវ។
មានមតិសំណេះសំណាលនាឱកាសនេះលោកឧត្តមសេនីយ៍ទោ ស្នងការ បានពាំនាំនូវមានប្រសាសន៍ផ្តាំផ្ញើសួរសុខទុក្ខពីសំណាក់សម្តេចក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ និងឯកឧត្តម នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ ព្រមទាំងក្រើនរំលឹកណែនាំបន្ថែមដល់លោកអធិការទាំងពីរស្រុក ក៏ដូចជាមន្ត្រីនគរបាលទាំងអស់ ត្រូវពង្រឹងនូវវិន័យរបស់កងកម្លាំងនគរបាលជាតិ រក្សាសាមគ្គីភាពផ្ទៃក្នុង ត្រូវបង្កើនការចេញល្បាតចល័តជាប្រចាំ ត្រូវផ្តល់សេវាសាធារណៈឲ្យបានទាន់ពេលវេលាជូនប្រជាពលរដ្ឋ ត្រូវពង្រឹងទំនាក់ទំនង និងការទទួលព័ត៌មានពីគ្រប់មជ្ឈដ្ឋាន។
បន្ថែមលើសពីនេះទៀត លោឧត្តមខេនីយ៍ទោស្នងការ បានសង្កត់ធ្ងន់តាមផ្នែកជំនាញ ត្រូវបង្កើនការយកចិត្តទុកដាក់បន្ថែម ចំពោះការស្រាវជ្រាវបង្ក្រាបបទល្មើសលួច ឆក់ បទល្មើសគ្រឿងញៀន ល្បែងស៊ីសងខុសច្បាប់គ្រប់ប្រភេទ មុខសញ្ញាក្មេងទំនើង និងត្រូវបន្តចុះផ្សព្វផ្សាយអំពីច្បាប់ចរាចរណ៍ផ្លូវគោក និងផលប៉ះពាល់ការប្រើប្រាស់គ្រឿងញៀន នៅតាមមូលដ្ឋាន តាមសាលារៀន តាមរយៈវេទិការសាធារណៈ ដល់ប្រជាពលរដ្ឋ សិស្សានុសិស្ស ដើម្បីបង្កើនការយល់ដឹង និងកាត់បន្ថយបទល្មើសនានានៅក្នុងសហគមន៍ និងត្រូវចូលរួមឲ្យបានសកម្មក្នុងការអនុវត្តគោលនយោបាយ ភូមិ ឃុំ សង្កាត់ មានសុវត្ថិភាព ។
ឆ្លៀតក្នុងឱកាសនោះដែរ លោកស្នងការ បានប្រគល់ប័ណ្ណសរសើរ លិខិតសរសើរ ចំណាត់ថ្នាក់ភូមិ ឃុំ មានសុវត្ថិភាព ដល់ប៉ុស្តិ៍នគរបាលរដ្ឋបាលទាំងអស់ នៃស្រុកទាំងពីរសរុប ១៥ប៉ុស្តិ៍ និង០៣សង្កាត់ ព្រមទាំងបានប្រគល់លិខិតសរសើរជូនមន្រ្តីនគរបាលចូលនិវត្តន៍ចំនួន១៧នាក់ (ស្រុកត្រាំកក់១១នាក់ និងក្រុងដូនកែវ ០៦នាក់) ដែលមានស្នាដៃល្អ នាពេលកន្លងមក អមជាមួយនូវថវិកាក្នុងម្នាក់ៗចំនួន៥០,០០០រៀល (ប្រាំម៉ឺនរៀល) និងបានឧបត្ថម្ភថវិកាផ្ទាល់ខ្លួនចំនួន២,០០០,០០០រៀល (ពីលានរៀល) ជូនដល់អធិការដ្ឋាននគរបាលស្រុកត្រាំកក់ និងក្រុងដូនកែវផងដែរ៕
.jpg)
.jpg)
