វេទិការពិគ្រោះយោបល់ស្តីពី ការកសាងកម្មវិធីវិនិយោគបីឆ្នាំរំកិល(២០២២-២០២៤) នៅថ្នាក់ខេត្ត
ខេត្តកែប៖ក្រុមការងារកសាងផែនការអភិវឌ្ឍន៍ខេត្តកែប ដែលមានមន្ទីរផែនការខេត្តជាមាជិកអចិន្រ្តៃយ៍ និងមានកិច្ចសម្របសម្រួលដោយរដ្ឋបាលខេត្ត នៅព្រឹកថ្ងៃទី១៥ ខែធ្នូ ឆ្នាំ២០២១ បានរៀបចំវេទិការពិគ្រោះយោបល់ស្តីពី ការកសាងកម្មវិធីវិនិយោគបីឆ្នាំរំកិល(២០២២-២០២៤) នៅថ្នាក់ខេត្ត ដើម្បីបង្ហាញអំពីតម្រូវការអភិវឌ្ឍន៍មូលដ្ឋានទូទាំងខេត្ត និងសម្របសម្រួលបន្សីនូវតម្រូវការ អភិវឌ្ឍន៍ទាំងអស់ ជាមួយគម្រោង និងធនធានរបស់ដៃគូអភិវឌ្ឍន៍ និងអ្នកពាក់ព័ន្ធ ដើម្បីឈានដល់ការឆ្លើយតបតម្រូវការជាក់ស្តែងរបស់ប្រជាពលរដ្ឋ នៅមូលដ្ឋានប្រកបដោយប្រសិទ្ធភាព។
លោក គង់ សាវ៉ាត ប្រធានមន្ទីរផែនការខេត្ត និងជាសមាជិកអចិន្ត្រៃយ៍ក្រុមការងារកសាងផែនការអភិវឌ្ឍន៍ខេត្ត បានបញ្ជាក់ថាបន្ទាប់ពីដំណើការនៃវេទិការពិគ្រោះយោបល់នេះរួច យើងនឹងទទួលបាននូវធាតុចូលបន្ថែម ពីដៃគូរអភិវឌ្ឍន៍ និងអ្នកពាក់ព័ន្ធ និងបានដឹងពីទស្សនៈទាន គោលបំណង និងតម្រូវការអភិវឌ្ឍន៍បន្ថែមទៀត ជាពិសេសលទ្ធភាពថវិកា ពីគ្នាទៅវិញទៅមក នឹងឈានដល់ការវនុវត្តគម្រោង ប្រកបដោយតម្លាភាព និងប្រសិទ្ធភាពខ្ពស់ ។
ចំពោះការងារបន្ទាប់ ដែលត្រូវអនុវត្ត បន្ទាប់រៀបចំចងក្រងកម្មវិធីអភិវឌ្ឍនេះរួច គឺត្រូវដាក់ចេញនូវសេចក្រីព្រាងកម្មវិធីវិនិយោគបីឆ្នាំរំកិលនេះ ជូនដល់ក្រុមប្រឹក្សាខេត្តអាណត្តិទី៣ ពិនិត្យ និងអនុម័តិ និងបោះពុម្ពផ្សាយនូវសៀវភៅកម្មវិធីវិនិយោគបីឆ្នាំរំកិលខេត្ត។
ឯកឧត្តម សោម ពិសិដ្ឋ អភិបាលនៃគណៈអភិបាលខេត្ត បានមានប្រសាសន៍បញ្ជាក់ថា ការចូលរួមកសាងកម្មវិធីវិនិយោគបីឆ្នាំរំកិលខេត្ត គឺជាការចូលរួមការអនុវត្តតាមច្បាប់ស្តីពីការគ្រប់គ្រងរាជធានី ខេត្ត ក្រុង ស្រុក ខណ្ឌ និងលិខិតបទដ្ឋាគតិយុត្តនានា ហេតុនេះសូម អ្នកពាក់ព័ន្ធទាំងអស់ យកចិត្តទុកដាក់ ពិនិត្យមើល រាល់គម្រោង សកម្មភាព ជាតម្រូវការអទិភាពជាក់ស្តែងនូវមូលដ្ឋាន ដើម្បីធ្វើការគាំទ្រ និងអនុវត្ត ដោយឈរគោលការតម្លាភាព មានការចូលរួម និងមានសង្គតិភា។
ក្នុងឱកាសបិទវេទិកាពិគ្រោះយោបល់នេះ លោក អ៊ុក ថា អភិបាលរងខេត្ត បានសំណូមពរដល់អង្គការមិនមែនរដ្ឋាភិបាល និងដៃគូរអភិវឌ្ឍន៍ទាំងអស់ ត្រូវចូលរួម គាំទ្រគម្រោង សកម្មភាពអាទិភាពរបស់ក្រុង ស្រុក និងឃុំសង្កាត់បន្តទៀត៕
