បង្ក្រាបករណីឧក្រិដ្ឋកម្មគ្រឿងញឿន ទ្រង់ទ្រាយធំមួយមិនធ្លាប់មាន រហូតផ្ទុះអាវុធមួយប្រាវ បណ្តាលឲ្យជនជាតិចិនម្នាក់ស្លាប់
ខេត្តព្រះសីហនុ៖កម្លាំងសមត្ថកិច្ចមន្ទីរប្រឆាំងបទល្មើសគ្រឿងញៀន សហការជាមួយស្នងការដ្ឋាននគរបាលខេត្តកំពង់ស្ពឺ ខេត្តកោះកុង ខេត្តព្រះសីហនុនិង រាជធានីភ្នំពេញបើកយុទ្ធនាការ ប្រតិបត្តិការបង្ក្រាបករណីកែច្នៃ គ្រឿងញៀនជាទ្រង់ទ្រាយធំមួយ មិនធ្លាប់មានស្ថិតនៅក្នុងក្រុមហ៊ុន ( ហ្វាមអេស៊ាក ) រោងចក្រផលិត ដំណាប់ស្វាយមួយកន្លែងស្ថិតក្នុងភូមិដំបងវេញ ឃុំសង្កែសាទប ស្រុកឱរ៉ាល់ ខេត្តកំពង់ស្ពឺ កាលពីថ្ងៃទី១២ ខែធ្នូ ឆ្នាំ ២០២១។ការប៉ះទង្គិចគ្នានៅផ្លូវជាតិលេខ៤ ខាងលើនេះគឺកើតឡើង ខណៈឈ្មួញគ្រឿងញៀនកំពុងដឹកគ្រឿងញៀនជាច្រើនឆ្ពោះទៅកាន់ ខេត្តព្រះសីហនុ។
តាមសេចក្តីរាយការណ៍បានឲ្យដឹងទៀតថា ការបង្ក្រាបនោះកម្លាំងសមត្ថកិច្ចមន្ទីរប្រឆាំងបទល្មើស គ្រឿងញឿនជាម្ចាស់ករណីដោយ មានការចូលរួមសហការជាមួយ នគរបាលខេត្ត និងរាជធានីភ្នំពេញ ក្រោមការសម្របសម្រួលពីស្ថាប័ន អយ្យការផងដែរ។
ប្រភពព័ត៌មានមិនទាន់ផ្លូវការមុន នេះបន្តិចបានឲ្យដឹងថា ប្រតិបត្តិការនោះកម្លាំងសមត្ថកិច្ចមន្ទីរ ប្រឆាំងបទល្មើសគ្រឿងញៀន បានផ្ទុះអាវុធដើម្បីទប់ទល់ជាមួយ ការបាញ់ប្រហារពីសំណាក់ឈ្មួញ គ្រឿងញៀនមកលើសមត្ថកិច្ចនៅត្រង់ចំណុចលើផ្លូវជាតិលេខ៤ស្ថិត ក្នុងភូមិសាស្ត្រ ស្រុកកំពង់សិលា ខេត្តព្រះសីហនុ បណ្តាលឲ្យឧក្រិដ្ឋជនដែលគេសង្ស័យថា ជាជនជាតិចិនម្នាក់ត្រូវគ្រាប់ស្លាប់ នៅនឹងកន្លែង និងម្នាក់ត្រូវចាប់ខ្លួនជាមួយរថយន្ត១គ្រឿង ។
ក្នុងនោះសមត្ថកិច្ចបានធ្វើការរឹបអូសថ្នាំញៀនប្រភេទ(កេតាមីន)ជាង១៤០០គីឡូក្រាមដែល ឧក្រិដ្ឋជនបានផលិតនិងកែច្នៃនៅ ក្នុងរោងចក្រផលិតដំណាប់ស្វាយ របស់ក្រុមហ៊ុនចិនមួយនោះ ។ប្រតិបត្តិការបង្ក្រាបបានគ្រឿងញៀនជាង១៤០០គីឡូក្រាម ត្រូវបានធ្វើឡើង ក្រោមការដឹកនាំបញ្ជារពីឯកឧត្ដមនាយឧត្ដមសេនីយ៍សន្តិបណ្ឌិតនេត សាវឿនអគ្គស្នងការនគរបាលជាតិ និងការចុះដឹកនាំផ្ទាល់ដោយនាយឧត្តមសេនីយ៍ម៉ក់ជីតូ អគ្គស្នងការរងនិងឧត្តមសេនីយ៍ឯក ឡឹក វណ្ណៈ នាយមន្ទីរប្រឆាំងបទល្មើសគ្រឿងញៀន ។
ប្រភពព័ត៌មានបញ្ជាក់ថា ការស៊ើបអង្កេតបង្រ្កាបករណីកែច្នៃដឹកជញ្ជូនគ្រឿងញៀន ដោយខុសច្បាប់ចេញពីស្រុកឱរ៉ាល់ ខេត្តកំពង់ស្ពឺ ឆ្ពោះទៅកាន់ខេត្តព្រះសីហនុវេលាម៉ោង១និង៣០នាទី យប់អាធ្រាត ថ្ងៃខែខាងលើកម្លាំងជំនាញ នៃមន្ទីរប្រឆាំងបទល្មើសគ្រឿងញៀន(ក១០) បានបន្តទៅឆែកឆេរទីតាំងកែច្នៃនៅចំណុច ភូមិដំបងវិញ ឃុំសង្កែសាទប ស្រុកឱរ៉ាល់ ខេត្តកំពង់ស្ពឺ។ជាលទ្ធផល គឺបានឃាត់ខ្លួនជនសង្ស័យ០៣នាក់ ក្នុងនោះរួមមាន?
១-ឈ្មោះ LEE TSUNG HAN អាយុ៣២ឆ្នាំ ភេទប្រុស ជនជាតិ ចិន តៃវ៉ាន់ ស្លា ប់។
២-ឈ្មោះ LY POHAN ភេទ ប្រុស អាយុ ៣២ឆ្នាំ ជនជាតិ ចិន តៃវ៉ាន់ {អ្នកបើកបរដឹកគ្រឿងញៀន}និង ៣-ឈ្មោះ LY POHAN ភេទ ៤៧ ប្រុស ជនជាតិ ចិនតៃវ៉ាន់{មេការគ្រប់គ្រងទីតាំងកៃច្នៃគ្រឿងញៀន}។
ជាមួយគ្នានោះសមត្ថកិច្ចក៏រឹបអូសបានវត្ថុតាង ដែលចាប់យកបានរួមមាន៖ -ម្សៅសសង្ស័យ កេតាមីន{KE- TAMIN}ចំនួន ៧៤ការ៉ុង ក្នុង១ការ៉ុង ២០កញ្ចប់ធំ ស្មើប្រមាណ ១៤៨០គីឡូក្រាម ទាំងសំបក។អាវុធខ្លី ម៉ាក់ K៥៤ ១ដើម -រថយន្ត ២គ្រឿង សារធាតុគីមីនិងឧបករណ៍កែច្នៃគ្រឿងញៀនមួយចំនួនធំ៕
.jpg)
.jpg)