ឯកឧត្ដម អ៊ុន ចាន់ដា អញ្ជើញជាអធិបតីក្នុងពិធីបិទមហាព្រឹត្តិការណ៍ប្រកួតដណ្តើមពាន់រង្វាន់,V.I.N.Dសន្តិភាព២០២១
ខេត្តកំពង់ចាម៖ថ្លែងក្នុងពិធីបិទមហាព្រឹត្តិការណ៍ប្រកួតដណ្តើមពាន់រង្វាន់ V.I.N.Dសន្តិភាព២០២១កាលពីរសៀល ថ្ងៃទី១២ ខែធ្នូ ឆ្នាំ២០២១ ដោយមានការចូលរួមពីសំណាក់ថ្នាក់ដឹកនាំមន្ទីរ-អង្គភាពជុំវិញខេត្ត អាជ្ញាធរមូលដ្ឋាន និងបងប្អូនប្រជាពលរដ្ឋមកពីបណ្តាខេត្តនានាដូចជា កំពង់ធំ ត្បូងឃ្មុំ ក្រចេះ ស្ទឹងត្រែ និងខេត្តរតនះគីរីជាដើម រួមនិងបងប្អូនដែលរស់នៅក្នុងនិងជិត ទីលានបាល់ទាត់ ស្ថិតនៅភូមិបឹងដែង ឃុំព្រែកកក់ ស្រុកស្ទឹងត្រង់ផងនោះ ឯកឧត្ដម អ៊ុន ចាន់ដា អភិបាល នៃគណអភិបាលខេត្តកំពង់ចាម បានបញ្ជាក់ថា ក្រោមការដឹកនាំដ៏ឈ្លាសវៃ ប្រកបដោយគតិបណ្ឌិត របស់សម្ដេចតេជោ ហ៊ុន សែន នាយករដ្ឋមន្ត្រី នៃកម្ពុជា តាមរយៈការដាក់ចេញនូវកម្មវិធីនយោបាយ យុទ្ធសាស្ត្រចតុកោណដំណាក់កាលទី៤ ខេត្តកំពង់ចាម បាននឹងកំពុងមានការរីកចំរើន និងប្រែមុខមាត់ជាបន្តបន្ទាប់ ទាំងផ្នែកសន្តិសុខសណ្ដាប់ធ្នាប់សាធារណៈ សេដ្ឋកិច្ច សង្គមកិច្ច បរិស្ថាន និងសមិទ្ធិផលរូបវន្តជាច្រើន ជាពិសេសជីវភាពរស់នៅ របស់ប្រជាពលរដ្ឋកាន់តែលើកកម្ពស់ជាបណ្ដើរៗ។តាមរយៈការទទួលបាននូវសមិទ្ធផលនានា ពីរាជរដ្ឋាភិបាល ក៏ដូចជាការនាំយកវាក់សាំងការពារជំងឺកូវីដ-១៩ ចាក់ជូនដល់បងប្អូនប្រជាពលរដ្ឋស្រោចស្រពពេញផ្ទៃប្រទេស គួរជាទីស្ញប់ស្ញែង ដែលអង្គការសុខភាពពិភពលោកទទួលស្គាល់ និងជាមោទនភាពរបស់ព្រះរាជាណាចក្រកម្ពុជា។
ជាមួយគ្នានោះដែរឯកឧត្ដមអភិបាលខេត្តបានមានប្រសាសន៍ ផ្ដាំផ្ញើទៅកាន់បងប្អូនកីឡាករ គឺចាំបាច់មានការចូលរួមថែរក្សាសាមមគ្គីភាព សន្តិភាពឲ្យបានយូរអង្វែង គ្រប់ភាគីពាក់ព័ន្ធទាំងអស់។ម្យ៉ាងវិញបងប្អូនប្រជាពលរដ្ឋ យុវជន មហាជនទាំងអស់ ត្រូវចូលរួមទប់ស្កាត់ការឆ្លងរីករាលជម្ងឺកូវីដ-១៩ដោយប្រកាន់ខ្ជាប់នូវវិធានការ ការពាររបស់ក្រសួងសុខាភិបាល និងរួបរួមគ្នាគាំទ្រការពារអនុវត្តន៍នូវកម្មវិធីនយោបាយរបស់រាជរដ្ឋាភិបាល ប្រឆាំងដាច់ខាតរាល់សកម្មភាពទាំងឡាយដែលបង្ករអសន្តិសុខដល់សង្គមជាតិរបស់យើង ដើម្បីរក្សាសន្តិភាពឲ្យបានយូរអង្វែង ត្រូវចូលរួមថែរក្សាសន្តិភាពទាំងអស់គ្នា។
សូមបញ្ជាក់ផងដែរថា កីឡាករចំនួន១៦ក្រុម មកពីខេត្តត្បូងឃ្មុំ ក្រចេះ រតនៈគិរី និងខេត្តកំពង់ចាម បានចូលរួមប្រកួតក្នុងមហាព្រឹត្តិការណ៍នេះ ដោយទទួលបានពាន់រង្វាន់មានចំណាត់ថ្នាក់៤ក្រុមទទួលបាន៖
១.ពាន់រង្វាន់ចំណាត់ថ្នាក់លេខ១ ថវិកាចំនួន៥០០០$
២.ពាន់រង្វាន់ចំណាត់ថ្នាក់លេខ២ ថវិកាចំនួន៣០០០$
៣.ពាន់រង្វាន់ចំណាត់ថ្នាក់លេខ៣ ថវិកាចំនួន១៥០០$
៤.ពាន់រង្វាន់ចំណាត់ថ្នាក់លេខ៤ ថវិកាចំនួន៥០០$
ចំពោះពាន់រង្វាន់វ័យចាស់ចំនួន២ក្រុមទទួលបាន៖
១. ពាន់រង្វាន់ចំណាត់ថ្នាក់លេខ១ថវិកាចំនួន១លានរៀន
២. ពាន់រង្វាន់ចំណាត់ថ្នាក់លេខ១ថវិកាចំនួន៥០ម៉ឺនរៀល
ដោយឡែកក្រុមទាំង១៦ក្រុមទទួលបានឯកសណ្ឋានកីឡាមួយឈុត និងបាល់ចំនួន២គ្រាប់ផងដែរ៕
