រថយន្តកូរ៉េ ដឹកឈើប្រភេទគ្រឿងផ្ទះ នឹងរថយន្តសាំយ៉ុង មួយចំនួនទៀតដឹកឈើ ឈ្លីក(ហៅឈើខ្មៅ )ដូចគេហែកឋិន ជំនាញហាក់រក្សាភាពស្ងប់ស្ងាត់
ខេត្តព្រះវិហារ÷វីវរធំហើយ ពេលនេះក្រោយពី អ្នកព័ត៌មាន តាមខេត្ត បានចុះយកព័ត៌មាន នៅក្នុងខេត្តព្រះវិហារ កាលពីថ្ងៃទី6 ខែធ្នូ / 2021 វេលា ម៉ោង8:00នាទីក៏បានប្រទះឃើញ រថយន្តកូរ៉េ មួយគ្រឿង បើកដឹកឈើប្រភេទ គ្រឿងផ្ទះ ចេញពីភូមិ ពោធិ៍ ឃុំ ពោធិ៍ ស្រុក ត្បែងមានជ័យ នឹងរថយន្ត សាំយ៉ុង មួយចំនួនទៀតដឹកឈើ ឈ្លីក (ហៅឈើខ្មៅ )ដូចគេហែ កឋិន។
អ្នកសារព័ត៌មាន ខលរាយការណ៍សមត្ថកិច្ច ធ្វើការឃាត់ បាន រថយន្តកូរ៉េ មួយគ្រឿងតែម្តង។ ពេលនោះជំនាញមេព្រៃ បាននាំយកឡាននោះទៅរក្សារទុកនៅ ផ្នែករដ្ឋបាលព្រៃឈើ ដោយមិនមានអ្នកសារព័ត៌មាន មកតាមជាមួយនោះទេ តែពួកគាត់បានដាក់គ្នាឃ្លាំមើលខាងមុខ ក៏ឃើញ ជំនាញមេព្រៃ នោះ បណ្តើឡានកូរ៉េ ដែលដឹកឈើនោះ ចូលក្នុងរោង ដេប៉ូ ឈ្មោះ អិនស្រីម៉ៅ ទៅវិញ ។
ពួកគាត់ឃើញសភាពបែបនោះ ក៏មានការ ងឿងឆ្ងល់ជាខ្លាំង ក៏បានខលសួរ នាំដល់ជំនាញនោះភ្លាមៗ ហើយជំនាញបានប្រាប់មកវិញថា ចាំ លោក ខលហៅ អោយឡាននោះមកវិញមិនអីនោះទេ។ កន្លះម៉ោងក្រោយឃើញ រថយន្តនោះបើកទៅដោយខ្លួនឯងពិតមែន។
អ្នកសារព័ត៌មាន ឃើញសកម្មភាពដូច្នេះ ក៏មានការសង្ស័យថា ជំនាញ ប្រហែលជាមានការឃុបឃិត គ្នាជាមួយម្ចាស់ដេប៉ូនេះហើយ ទើបយកចូល យកចេញបានដោយស្រួលបែបនេះ។ ស្អែកឡើងក្រុមសារព័ត៌មានទាំងនោះបាននាំគ្នីគ្នា អ្នកសារព័ត៌មាន អង្គភាព ផ្សេងៗទៀត មកដេក រងចាំមើលសកម្មភាព រោងដេប៉ូ របស់អិនស្រីម៉ៅ នេះជាច្រើនអង្គភាព ដេកចាំមើល ទាំងយប់ទាំងថ្ងៃតែម្តង។ រីឯម្ចាស់រោង ដេប៉ូ ឈ្មោះ អិនស្រីម៉ៅ វិញបានបិទទ្វារ នឹងផ្អាកការដឹកជញ្ជូន រួចគេច ខ្លួនបាត់ស្រមោល ពីរោងដេប៉ូដោយ អាថ៌កំបាំងតែម្ដង ។
ការសង្ស័យរបស់អ្នកសារព័ត៌មានជាច្រើនអង្គភាពនេះផងដែរបានធ្វើការស្នើសុំឲ្យ លោក នួនសុខុម នាយខណ្ឌរដ្ឋបាលព្រៃឈើខេត្តព្រះវិហារនិងលោក វង្សវិសិទ្ធ នាយផ្នែករដ្ឋបាលព្រៃឈើត្បែង មេត្តាចុះពិនិត្យលើដេប៉ូ ម្ចាស់ឈ្មោះ អិនស្រីម៉ៅ នេះព្រោះពួកគាត់មិនទាន់បានការបញ្ជាក់ពីម្ចាស់ដេប៉ូនេះនៅឡើយទេ។បើសិនជាជំនាញមេព្រៃនិងសមត្ថកិច្ចពាក់ព័ន្ធក្នុងខេត្តព្រះវិហារ មិនមានចំណាត់ការណាមួយបញ្ជាក់ ដល់ពួកគាត់ពួកគាត់នោះទេ ពួកគាត់ហ្នឹងនៅបន្តរហូត បានទទួលការបំភ្លឺ ពីជំនាញនិង សមត្ថកិច្ចដែលពាក់ព័ន្ធ។
សង្ឃឹមថាសមត្ថកិច្ចដែលពាក់ព័ន្ធនឹងមានចំណាត់ការណាមួយចំពោះការសង្ស័យនេះជាមិនខានឡើយ៕
