ឃាត់ខ្លួនបុរសម្នាក់ ក្រោយពីប៉ុនប៉ង រំលោក្មេងស្រីជាអនីតិជន មិនបានសម្រេច នៅកំពង់ឆ្នំាង
ខេត្តកំពង់ឆ្នាំង៖ជនសង្ស័យឈ្មោះ សេង សាន អាយុ៣១ឆ្នាំ រស់នៅភូមិកោះស្លែង ឃុំកោះថ្កូវ ស្រុកជលគិរី ខេត្តកំពង់ឆ្នាំង ត្រូវបានឪពុកម្តាយក្មេងស្រីរងគ្រោះ ប្តឹងសមត្ថកិច្ចចាប់ឃាត់ខ្លួន បន្ទាប់ពីប៉ុនប៉ងរំលោភកូនស្រីរបស់ខ្លួនដែលជាអនីតិជន អាយុទើបតែ១៣ឆ្នាំ កាលពីយប់ថ្ងៃទី៧ ខែវិច្ឆិកា ឆ្នាំ២០២១ នៅចំណុចខាងលើផ្ទះរបស់ឈ្មោះ សួន សុខ ស្ថិតក្នុងភូមិ ឃុំ ស្រុកខាងលើ។
ប្រភពបានឱ្យដឹងថា កន្លងមកជនសង្ស័យ បានលួចស្រឡាញ់ក្មេងស្រីនេះ តែដោយទ្រាំមិនបាន ហើយលបឡើង ទៅលើផ្ទះកុមារីរងគ្រោះ ខណៈពេលឪពុកម្តាយ ក្មេងស្រីរងគ្រោះបានដេកលក់ ទើបធ្វើឲ្យជនសង្ស័យ ឡើងបើកមុងចូលទៅចាប់ជនរងគ្រោះ តែត្រូវជនរងគ្រោះស្រែកហៅឲ្យឪពុក ម្ដាយជួយ។ពេលនោះឪពុកម្តាយ ឮកូនស្រែក ក៏រត់ទៅជួយហើយចាប់បានជនសង្ស័យ និងបានរាយការណ៍ជូនសម្ថកិច្ចនគបាលមូលដ្ឋានភ្លាមៗ។
ក្រោយពេលទទួល បានដំណឹងនេះភ្លាមកម្លាំងប៉ុស្តិ៍នគរនបាលរដ្ឋបាលកោះថ្កូវ បានសហការជាមួយកម្លាំងប្រជាការពារ ចុះទៅដល់កន្លែងកើតហេតុ ឃាត់ខ្លួនជនសង្ស័យហើយបានកសាងសុំណុំរឿងបញ្ជូនជនសង្ស័យ ទៅកាន់អធិការដ្ឋាននគរបាល ស្រុកជលគីរី កសាងសំណុំរឿង បញ្ជូនបន្តទៅការិយាល័យជំនាញ នៃស្នងការដ្ឋាននគរបាលខេត្ត ដើម្បីចាត់ការបន្តតាមនីតិវិធី៕
