សង្ស័យករណីរំលោភសម្លាប់ ដោយគេប្រទះឃើញក្មេងស្រីម្នាក់ដេកស្លាប់ នៅក្នុងស្រែម្នាក់ឯង យ៉ាងអាណោចអាធ័ម
ខេត្តព្រៃវែង៖ក្មេងស្រីម្នាក់ត្រូវបានគេប្រទះឃើញដេកស្លាប់ នៅក្នុងស្រែម្នាក់ឯង យ៉ាងអាណោចអាធ័ម បង្កការភ្ញាក់ផ្អើលកាលពីល្ងាចថ្ងៃទី៧ ខែវិច្ឆិកា ឆ្នាំ២០២១ ស្ថិតនៅភូមិទួលជៃ ឃុំព្រះស្ដេច ស្រុកព្រះស្ដេច ខេត្តព្រៃវែង។
ក្រោយទទួលបានពាក្យបណ្តឹងពីឈ្មោះ សួន ម៉ៃ ភេទស្រី អាយុ៣៦ឆ្នាំ រស់នៅភូមិឃុំកើតហេតុខាងលើថា គាត់បានប្រទះឃើញសាកសពកូនស្រីរបស់គាត់ឈ្មោះ ផល ផានិត ភេទស្រី អាយុ១២ឆ្នាំ នៅចំណុចក្នុងទឹកជំរៅ០,៧m ខាងកើតចំងា៣០០m ពីប៉ុស្តិ៍កាដូង នៅភូមិទួលជៃ ឃុំព្រះស្ដេច ដែលបានបាត់ខ្លួននៅវេលាម៉ោង២២.៣០នាទីយប់ ថ្ងៃទី៦ ខែវិច្ឆិកា ឆ្នាំ២០២១។នគរបាលនិងក្រុមគ្រូពេទ្យ បានចុះដល់កន្លែងកើតហេតុពិនិត្យលើសាកសព បាក់ឆ្អឹងក ដាច់រលាត់ស្បែកកំភួន ដៃស្តាំមួយកន្លែង ដាច់រលាត់ស្បែកលើក្បាលជង្គង់ឆ្វេងមួយកន្លែង និងមានស្នាមដាច់រយះប្រដាប់ភេទ។
ក្រោយពីពិនិត្យរួចសមត្ថកិច្ចបានធ្វើការសន្និដ្ឋានថា ជនរងគ្រោះស្លាប់ដោយសារ រំលោភសម្លាប់។សាកសពក្រោយពីធ្វើកោសល្យវិច្ឆ័យរួច បានប្រគល់ជូនក្រុមគ្រួសារយកធ្វើបុណ្យតាមប្រពៃណី។ពាក់ព័ន្ធករណីខាងលើនេះដែរ កម្លាំងសមត្ថកិច្ចកំពុងចុះស្រាវជ្រាវរកជនដៃដល់ ដើម្បីចាប់ឃាត់ខ្លួនយកមកផ្តន្ទាទោសតាមច្បប់៕
