ទំនិញក្លែងម៉ាក ហួសបរិច្ឆេទប្រើប្រាស់ ខូចគុណភាព សរុបមានចំនួន៣៨.៧គីឡូក្រាម ត្រូវបានកម្លាំងជំនាញ ក.ប.ប ខេត្តបន្ទាយមានជ័យ ដកហូត
ខេត្តបន្ទាយមានជ័យ៖ដើម្បីសុខមាលភាពបងប្អូនប្រជាពលរដ្ឋ ដែលទិញទំនិញយកទៅប្រើប្រាស់ ពិសេសគ្រឿងឧបភោគ បរិភោគ ទិញយកទៅទទួលទានប្រចាំនោះ នៅព្រឹកថ្ងៃទី៥ ខែវិច្ឆិកា ឆ្នាំ២០២១ នេះ កម្លាំងជំនាញ ក.ប.ប ខេត្តបន្ទាយមានជ័យ ដឹកនាំដោយលោក សាន វិជ្ជាសារ៉ាវុធ ប្រធាន សាខាការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ (ក.ប.ប) ខេត្តបន្ទាយមានជ័យ បានចុះត្រួតពិនិត្យទំនិញក្លែងម៉ាក ហួសបរិច្ឆេទប្រើប្រាស់ ខូចគុណភាព នៅតាមផ្ទះនិងតូបមួយចំនួននៅបរិវេណផ្សារត្រី និងផ្សារអគ្គៈថ្មី ស្ថិតនៅក្នុងភូមិប៉ាលេលិយ្យ២ សង្កាត់/ក្រុងប៉ោយប៉ែត ខេត្តបន្ទាយមានជ័យ។
ជាលទ្ធផលកម្លាំងជំនាញដកហូតបានទំនិញក្លែងម៉ាក ហួសបរិច្ឆេទប្រើប្រាស់ ខូចគុណភាព មួយចំនួនរួមមានៈ
-ម្សៅលាបមុខ ថាកលាងឃឹន ចំនួន ១១៨ខ្លង ស្មើ ១.៨គីឡូក្រាម
-ម្សៅលាបមុខខ្លងក្រហម ចំនួន ១.៣គីឡូក្រាម
-ឡេបុប្ផាស្រ្កាប់ ចំនួន ៣១ប្រអប់ ស្មើ ១៥.៥គីឡូក្រាម
-Peach Peeling ចំនួន ៨ប្រអប់ ស្មើ ៤គីឡូក្រាម
-Milky Vitamin Candy ចំនួន ២ប្រអប់ ស្មើ ១គីឡូក្រាម
-Extra White NIVEA ចំនួន ៧ប្រអប់ ស្មើ ៣.៥គីឡូក្រាម
-Christian Bernard ចំនួន ២ប្រអប់ ស្មើ ០.៨គីឡូក្រាម
-Cream Base ចំនួន ១ធុង ស្មើ ៥.២គីឡូក្រាម
-ផលិតផល Crab Stick ចំនួន ១៤កញ្ចប់ ស្មើ ៥.៦គីឡូក្រាម សរុបមានចំនួន ៣៨.៧គីឡូក្រាម
ជាមួយគ្នានោះដែរលោក សាន វិជ្ជាសារ៉ាវុធ បានមានប្រសាសន៍ណែនាំដល់ក្រុមអាជីវករ មុននឹងទិញទំនិញចូលមកដាក់លក់ ត្រូវពិនិត្យឲ្យច្បាស់លាស់នូវគុណភាព ថ្ងៃខែបរិច្ឆេទប្រើប្រាស់ និងស្លាកសញ្ញា ឬបាកូដ(QR) ចេញពីក្រុមហ៊ុន បិតនៅលើទំនិញឲ្យបានត្រឹមត្រូវ ចៀសវាងទិញចំទំនិញហួសកាលបរិច្ឆេទប្រើប្រាស់ ខូចគុណភាព នាំប៉ះពាល់ដល់សុខមាលភាពអ្នកទិញយកទៅប្រើប្រាស់ និងអ្នកទទួលទាន ព្រមទាំងខាតបង់នូវថវិកាជាដើម។
លោក សាន វិជ្ជាសារ៉ាវុធ បញ្ជាក់ថា រាល់មុខទំនិញទាំងអស់ ត្រូវមានបាកូដ(QR) បញ្ជាក់ពីក្រុមហ៊ុនបិតនៅលើមុខទំនិញ ហើយអ្វីដែលពិសេសជាងនេះទៅទៀតនោះគឺអក្ស (ច ប ផ )ដែលបញ្ជាក់អំពីផលិតផលដែលបានទទួលចុះបញ្ជីត្រឹមត្រូវពីគ្រប់ក្រសួងពាក់ព័ន្ធទាំងអស់ បើមិនមានបិតបាកូដ(QR) និងអក្ស (ច ប ផ )ទេចាត់ទុកថា ផលិតផលទាំងនោះខុសច្បាប់។
ទន្ទឹមនោះដែរមន្ត្រីជំនាញក៏បានពន្យល់ណែនាំ និងផ្សព្វផ្សា យប្រកាសលេខៈ១៨៥ របស់ក្រ សួងពាណិជ្ជកម្ម ស្តីពីបទដ្ឋាន ព័ត៌មានស ម្រាប់អ្នកប្រើប្រាស់ ទៅដល់អាជីវករ ដើម្បីឲ្យអាជី វករកាន់ តែយល់ ដឹង និងមានកា រប្រុងប្រយ័ត្នខ្ពស់មុន នឹងសម្រេចចិត្តទិញផលិតផល យកមកដាក់តាំងលក់ ជៀសវាងផលិតផ លដែលបង្ករហានិ ភ័យដល់អ្នកប្រើប្រាស់ ដែលអាចប្រឈ មចំពោះមុខច្បាប់ ផងដែ រ៕