ក្រុមប្រឹក្សាខេត្តកែប បើកកិច្ចប្រជុំសាមញ្ញលើកទី២៩ អាណត្តិទី៣ ដោយលើកយកនូវរបៀបវារៈចំនួន៦ ដើម្បីដាក់ជូនអង្គប្រជុំ ពិនិត្យ ពិភាក្សា និងអនុម័ត
ខេត្តកែប៖ ឯកឧត្តម សំ សារីន ប្រធានក្រុមប្រឹក្សាខេត្តកែប និងឯកឧត្តម សោម ពិសិដ្ឋ អភិបាល នៃគណៈអភិបាលខេត្តកែប នៅរសៀលថ្ងៃទី០៤ ខែវិច្ឆិកា ឆ្នាំ២០២១ បានដឹកនាំកិច្ចប្រជុំសាមញ្ញលើកទី២៩ របស់ក្រុមប្រឹក្សាខេត្ត អាណត្តិទី៣ ។
ក្នុងកិច្ចប្រជុំឯកឧត្តម សំ សារីន បានលើកយកនូវរបៀបវារៈចំនួន៦ ដើម្បីដាក់ជូនអង្គប្រជុំ ពិនិត្យ ពិភាក្សា និងអនុម័ត៖
១- ពិនិត្យ ពិភាក្សា និងអនុម័តលើសេចក្ដីព្រាងកំណត់ហេតុកិច្ចប្រជុំសាមញ្ញលើកទី២៨ របស់ក្រុមប្រឹក្សាខេត្ត អាណត្តិទី៣ កាលពីថ្ងៃចន្ទ ១៣រោច ខែភទ្របទ ឆ្នាំឆ្លូវ ត្រីស័ក ព.ស.២៥៦៤ ត្រូវនឹងថ្ងៃទី០៤ ខែតុលា ឆ្នាំ២០២១
២- របាយការណ៍វឌ្ឍនភាពរបស់គណ:កម្មការកាតព្វកិច្ចរបស់ក្រុមប្រឹក្សាខេត្ត៖
- គណ:កម្មាធិការសម្របសម្រួលបច្ចេកទេស
- គណ:កម្មាធិការពិគ្រោះយោបល់ស្ត្រី និងកុមារ
- គណ:កម្មាធិការលទ្ធកម្ម
- គណ:កម្មការសុរិយោដីខេត្ត
- គណ:កម្មការរៀបចំគម្រោងខេត្ត
-របាយការណ៍ប្រចាំខែ របស់ការិយាល័យប្រជាពលរដ្ឋរបស់ រដ្ឋបាលខេត្ត
៣- ពិនិត្យ និងអនុម័តលើសេចក្ដីព្រាងសេចក្ដីសម្រេចបង្កើតក្រុមការងាររៀបចំវេទិការក្រុមប្រឹក្សាខេត្ត
៤- សេចក្ដីព្រាងរបាយការណ៍ ស្ដីពី សកម្មភាពសំខាន់ៗ ដែលបានអនុវត្តន៍ដោយ គណៈអភិបាលខេត្ត ក្នុងចន្លោះកិច្ចប្រជុំសាមញ្ញលើកទី២៨ ដល់កិច្ចប្រជុំសាមញ្ញលើកទី២៩ របស់ក្រុមប្រឹក្សាខេត្ត
៥- ពិនិត្យ ពិភាក្សា និងអនុម័តលើសេចក្ដីព្រាងរបាយការណ៍ បូកសរុបលទ្ធផលការងារប្រចាំខែតុលា ឆ្នាំ២០២១ និងលើកទិសដៅអនុវត្តន៍ការងារខែបន្ទាប់ របស់រដ្ឋបាលខេត្ត
៦- បញ្ហាផ្សេងៗផងដែរ៕