ឯកឧត្តម ម៉ៅ ធនិន ដឹកនាំកិច្ចប្រជុំប្រចាំខែកញ្ញា របស់គណៈបញ្ជាការឯកភាពរដ្ឋបាលខេត្តកំពត
ខេត្តកំពត:នៅព្រឹកថៃ្ងទី០៤ ខែវិច្ឆិកា ឆ្នាំ២០២១ ឯកឧត្តម ម៉ៅ ធនិន អភិបាល នៃគណៈអភិបាលខេត្តកំពត និងជាប្រធានគណៈបញ្ជាការឯកភាពរដ្ឋបាលខេត្ត បានដឹកនាំកិច្ចប្រជុំប្រចាំខែកញ្ញា របស់គណៈបញ្ជាការឯកភាពរដ្ឋបាលខេត្ត។
កិច្ចប្រជុំនាព្រឹកនេះ បានធ្វើឡើងនៅសាលសន្និសីទបូកគោ ដោយមានការអញ្ជើញចូលរួមពីអភិបាលរងខេត្តប្រធានសាលាដំបូងខេត្ត ប្រធានព្រះរាជអាជ្ញានៃអយ្យការអមសាលាដំបូងខេត្ត ស្នងការ មេបញ្ជាការកងកម្លាំងទាំងបីប្រភេទ នាយករដ្ឋបាលខេត្ត លោក លោកស្រីប្រធានមន្ទីរ អង្គភាពជុំវិញខេត្ត លោក លោកស្រីអភិបាលក្រុង ស្រុក លោក លោកស្រីនាយកទីចាត់ការ ប្រធានអង្គភាពចំណុះសាលាខេត្ត ប្រធានទីស្នាក់ការត្រួតពិនិត្យច្រកទ្វារព្រំដែន ច្រកទ្វារកំពង់ផែសមុទ្រចំណុះសាលាខេត្ត។
កិច្ចប្រជុំដើម្បីពិនិត្យ និងពិភាក្សាលើ៖
១-របាយការណ៍គណៈបញ្ជាការឯកភាពរដ្ឋបាលខេត្ត ប្រចាំខែកញ្ញា ឆ្នាំ២០២១
២-របាយការណ៍គណៈបញ្ជាការឯកភាពរដ្ឋបាលខេត្ត ៩ខែដើមឆ្នាំ២០២១
៣-កែសម្រួលសេចក្ដីសម្រេច ស្តីពីការកែសម្រួលសមាសភាពគណៈបញ្ជាការឯកភាពរដ្ឋបាលខេត្ត
៤-សេចក្តីរាយការណ៍របស់លោកស្នងការនគរបាលខេត្ត
៥-សេចក្តីរាយការណ៍របស់លោក លោកស្រីអភិបាល នៃគណៈអភិបាល ក្រុង ស្រុក៕
