អ្នករងគ្រោះដោយគ្រាប់យុទ្ធភ័ណ្ឌមិនទាន់ផ្ទុះ៨.៨៦៦នាក់ស្មើ១៤% ទូរទាំងប្រទេសកម្ពុជា
ខេត្តបន្ទាយមានជ័យ:រយៈពេល៥ឆ្នាំចុងក្រោយមានប្រជាបលរដ្ឋរងគ្រោះដោយគ្រាប់មីន និងកាកសំណល់មិនទាន់ផ្ទុះមានចំនួន២០ករណី មានប្រជាពលរដ្ឋរងរបួសចំនួន២១នាក់ស្រី០៤នាក់ក្នុងនោះស្លាប់៦នាក់របួសធ្ងន់ស្រាលចំនួន១៥នាក់ ខូចខាតគ្រឿងចក្រ២គ្រឿងស្លាប់គោ២ក្បាលមានស្រុកអូរជ្រៅ៦ករណី ស្រុកថ្មពួក៤ករណី ស្រុកស្វាយចេក៤ករណី ក្រុងប៉ោយប៉ែត២ករណី ស្រុកព្រៈនេត្រព្រៈ១ករណី ស្រុកម៉ាឡៃ២ករណី ស្រុកភ្នំស្រុក១ករណី។
នេះបើតាមការបញ្ជាក់ពីលោក លី សារី អភិបាលរងខេត្ត ខណ:ដែលលោកនិងក្រុមការងារ អាជ្ញាធរមូលដ្ឋានអមដំណើរឯកឧត្តមទេសរដ្ឋមន្រ្តី លី ធុជ ទេសរដ្ឋមន្ត្រី ទទួលបន្ទុកបេសកម្មពិសេសនិងជាអនុប្រធានទី១ អាជ្ញាធរមីនកម្ពុជាតម្លើងផ្ទាំងប៉ាណូអប់រំយល់ដឹងអំពីគ្រោះថ្នាក់ ដោយសារយុទ្ធភណ្ឌគ្រឿងផ្ទុះនៅរង្វង់មូលចូលច្រកតំបន់បឹងត្រកួន ស្ថិតនៅឃុំគោករមៀត ស្រុកថ្មពួក នៅថ្ងៃពុធ ទី៣ ខែវិច្ឆិកា ឆ្នាំ២០២១។
លោក លី សារី បញ្ជាក់ទៀតថា ខេត្តន្ទាយមានជ័យ បានបន្សល់ទុកកាកសំណល់គ្រឿងផ្ទុះពីសម័យសង្គ្រាមជាស្តែងតាមការស្រាវជ្រាវទិន្នន័យចំការមីនមូលដ្ឋាន(Baseline Surver)របស់ថ្នាក់ជាតិ ដែលបានបង្ហាញអោយឃើញថាខេត្តបន្ទាយមានជ័យ មានផ្ទៃដីប្រមាណជាង២៥,០០០ហិកតា ត្រូវបានសង្ស័យមានគ្រាប់មីន និងកាកសំណល់ជាតិផ្ទុះពីសង្គ្រាមដែលជាបន្ទុកមួយដ៏ធំបណ្តាលប្រជាពលរដ្ឋស្លាប់និងរបួសនិងពិការដៃជើងរហូតបច្ចុប្បន្ននេះ។
ឯកឧត្តម លី ធុជ បញ្ជាក់ថា៖អ្នករងគ្រោះដោយគ្រាប់មីននិងយុទ្ធភ័ណមិនទាន់ផ្ទុះមានចំនួន៨,៨៦៦នាក់ស្មើ១៤%ទូរទាំងប្រទេសកម្ពុជាហើយមានអ្នករងគ្រោះដោយគ្រាប់មីន និងយុទ្ធភ័ណ្ឌមិនទាន់ផ្ទុះនៅឃុំគោករមៀត ស្រុកថ្មពួកចំនួន៣៩៦នាក់ទើបអាជ្ញាធរមីនកម្ពុជា បានតម្លើងផ្ទាំងប៉ាណូអប់រំយល់ដឹងអំពីគ្រោះថ្នាក់ដោយសារយុទ្ធភ័ណ្ឌគ្រឿងផ្ទុះនៅរង្វង់មូលផ្លូវចូលច្រកតំបន់ព្រំដែនបឹងត្រកួនស្ថិតភូមិ.ឃុំគោករមៀត ស្រុកថ្មពួក។
ក្នុងនោះឯកឧត្តទេសរដ្ឋមន្ត្រី បានណែនាំដល់ប្រជាពលរដ្ឋ ដែលបានចូលរួមលើកប៉ាណូដែលខ្លឹមសារអប់រំណែនាំអោយយល់ដឹងអំពីគ្រោះថ្នាក់ដោយយុទ្ធគ្រឿងផ្ទុះ អោយប្រជាពលរដ្ឋបានដឹងចូលរួមការពារ ហើយឃើញគ្រាប់យុទ្ធភ័ណមិនទាន់ផ្ទុះត្រូវរាយជូនអង្គភាពស៊ីម៉ាក់ ហាឡូត្រាស់ និងអាជ្ញាធរ សមត្តកិច្ចនៅក្បែរទៅទទួលយកមកកំទិចចោល៕
