អភិបាលខេត្តបន្ទាយមានជ័យ ស្នើឲ្យអភិបាលស្រុក/ក្រុងទាំងអស់ រួមសហការជាមួយមន្ទីរពាក់ព័ន្ធ និងកងកម្លាំងប្រដាប់អាវុធ ក្នុងការអនុវត្តលើការរំលោភដីចំណីផ្លូវ ទប់ស្កាត់ការឆ្លងដែនខុសច្បាប់ និងការស្តាហេដ្ឋារចនាសម្ព័ន្ធឡើងវិញ
ខេត្តបន្ទាយមានជ័យ៖ក្នុងកិច្ចប្រជុំគណៈបញ្ជាការឯកភាពខេត្តបន្ទាយមានជ័យ នៅព្រឹកថ្ងៃទី០៣ ខែ វិច្ឆិកា ឆ្នាំ២០២១ ដោយមានការអញ្ជើញចូលរួមពីគ្រប់មន្ទីរ ស្ថាប័នពាក់ព័ន្ធទាំងអស់ ឯកឧត្តម អ៊ុំ រាត្រី អភិបាលនៃគណៈអភិបាលខេត្ត និងជាប្រធានគណៈបញ្ជាការឯកភាពខេត្ត បានស្នើឲ្យអភិបាលស្រុក/ក្រុងទាំង៩ និងអាជ្ញាធរមូលដ្ឋាន រួមគ្នាសហការជាមួយមន្ទីរ មន្ត្រីពាក់ព័ន្ធនៅក្នុងមូលដ្ឋាន និងកងកម្លាំងប្រដាប់អាវុធទាំងអស់ រួមសហការគ្នាឲ្យបានល្អក្នុងការដោះស្រាយនូវបញ្ហាផ្សេងៗ ដែលនៅសេសសល់ និងកំពុងកើតមានឡើងបច្ចុប្បន្នដូចជា ការចែកពូជស្រូវជូនប្រជាពលរដ្ឋ, ការស្តាហេដ្ឋារចនាសម្ព័ន្ធ(ផ្លូវ)ឡើងវិញ ដែលរងការខូចខាតដោយសារគ្រោះទឹកជំនន់ឲ្យបានទាន់ពេលវេលា ,ធ្វើអត្តសញ្ញាណប័ណ្ណសញ្ជាតិខ្មែរ ជូនប្រជាពលរដ្ឋឲ្យបានទូលាយ ,ទប់ស្កាត់ការឆ្លងដែនខុសច្បាប់របស់ពលករ ដែលមានមេខ្យស់ជាអ្នកបំផុសបំផលជាថ្នូទឹកប្រាក់ ពិសេសអនុវត្តការរំលោភបំពានលើដីចំណីផ្លូវ ដែលអ្នកមួយចំនួនបានធ្វើសំណង់រឹងចាក់ដីលុបលើប្រព័ន្ធលូ ជាហេតុធ្វើឲ្យស្ទះ នៅពេលភ្លៀងធ្លាក់ម្តងៗបង្កជាទឹកជំនន់ជាដើម។
ឯកឧត្តមអភិបាលខេត្តស្នើឲ្យមានការសហការគ្នាបែបនេះ បន្ទាប់ពីគ្រប់មន្ទីរអង្គភាព អភិបាលស្រុក /ក្រុងទាំង៩ អាជ្ញាធរពាក់ព័ន្ធ និងកងកម្លាំងប្រដាប់អាវុធទាំងអស់ បានរាយការនិងអាននូវរបាយការសង្ខេប ជុំវិញអង្គភាពរបស់ខ្លួនធ្វើបានរយះការកន្លងមក ក៏ដូចជាគ្រោងដោះស្រាយបន្ត។
ជាមួយគ្នានោះដែរឯកឧត្តមអភិបាលខេត្ត បញ្ជាក់ថា គ្រប់បុគ្គលទាំងអស់ ដែលចេញចូលក្នុងបរិវេណរដ្ឋបាលខេត្ត មន្ទីរអង្គភាពជុំវិញខេត្ត ក្រុង ស្រុក ឃុំ សង្កាត់ ត្រូវមានកាតព្វកិច្ចបង្ហាញប័ណ្ណចាក់វ៉ាក់សាំងបង្កាជំងឺកូវីដ១៩ ចេញដោយក្រសួងសុខាភិបាលឬក្រសួងការពារជាតិ។
ទន្ទឹមនោះដែរឯកឧត្តមអភិបាលខេត្ត បានសម្តែងការកោតសសើចំពោះមន្ទីរពាក់ព័ន្ធ កងកម្លាំងប្រដាប់អាវុធគ្រប់ស្ថាប័ន អភិបាលស្រុង/ក្រុង និងអាជ្ញាធមូលដ្ឋានទាំងអស់ ដែលបានរួមសហការគ្នាទប់ស្កាត់ការឆ្លងរីករាលដាលជំងឺកូវី១៩ ,គ្រោះទឹកជំនន់ ,ការឆ្លងដែនខុសច្បាប់ និងបង្ក្រាប់បាននូវបទល្មើសផ្សេងៗ បានល្អប្រសើរគួរឲ្យគត់សម្គាលផងដែរ៕
.jpg)
