ក្រុមហ៊ុន ប៉ាង ណាគ្រី រៀល អ៊ីស្ទេត ឯ.ក ចែកអំណោយជូនប្រជាពលរដ្ឋ ដែលមានជីវភាពខ្វះខាត រងគ្រោះដោយសារទឹកជំនន់ មកពីឃុំសំរោងចំនួន១៣១គ្រួសារ
ខេត្តបន្ទាយមានជ័យ៖ដោយមើលឃើញពីការលំបាក របស់បងប្អូនប្រជាពលរដ្ឋ ដែលរងគ្រោះដោយសារទឹកជំនន់ និងមានជីវភាពខ្វះខាត មកពីឃុំសំរោង ស្រុកអូរជ្រៅ ខេត្តបន្ទាយមានជ័យ ចំនួន១៣១គ្រួសារ ទទួលអំណោយជា អង្ករ ត្រី ខ ពីក្រុមហ៊ុន ប៉ាង ណាគ្រី រៀល អ៊ីស្ទេត ឯ.ក នៅទីស្នាក់ការក្រុមហ៊ុន ស្ថិតនៅឃុំទួលពង្រ ស្រុកម៉ាឡៃ នារសៀលថ្ងៃទី៣១ ខែតុលា ឆ្នាំ២០២១។
សូមជំរាបដែរថា ប្រជាពលរដ្ឋទាំង១៣១គ្រួសារ ខាងលើនេះ រស់នៅឃុំផ្សេងប៉ុន្តែក្នុងអំឡុងគ្រោះទឹកជំនន់ បានជម្លៀសមកទីទួលសុវត្ថិភាពនៅចំណុចដីក្រុមហ៊ុន ដោយមើលឃើញពីការខ្វះខាតរបស់ពួកគាត់នោះ ក្រុមហ៊ុនក៏បានចែកដីជូនក្នុងមួយគ្រួសារ ១ឡូ និងចេញប្លង់រឹងថែមទៀតផង សម្រាប់សាងសង់លំនៅដ្ឋានស្នាក់នៅ។
នាឱកាសនោះដែរអគ្គនាយិការក្រុមហ៊ុន ប៉ាង ណាគ្រី រៀល អ៊ីស្ទេត ឯ.ក បានមានប្រសាសន៍ សំណេះសំណាល និងសុំណូមពរដល់ប្រជាពលរដ្ឋដែលទទួលបានដីពីក្រុមហ៊ុន ចែកឲ្យត្រូវរក្សាឲ្យបានគង់វង់ និងទុកជាកេរ្តិ៍មរតក ចែកកូនចៅ ហើយបើអាចគួររាប់ជាខែបន្ថែមទៀតទាន់មានឱកាស ក្រុមហ៊ុន ពុះឡូលក់បង់ក្នុងមួយខែត្រឹមតែ១០ម៉ឺនរៀល គិតជាថ្ងៃត្រឹមតែ៣៣០០រៀលតែប៉ុណ្ណោះ នឹងចាប់ផ្តើមលក់នៅថ្ងៃទី៦ ខែវិច្ឆិកា ខាងមុខនេះ ហើយទីតាំងខាងលើនេះមានរោងចក្រដែលមានស្រេច និងកំពុងតែតំឡើងមានចំនួន៦ និងគ្រោងបង្កើតសាលាបច្ចេកទេស រៀបចំប្រពន្ធ័ទឹកចំងាររហូតដល់១២គីឡូម៉ែត មានសួនច្បាសម្រាប់កំសាន្ត ដើម្បីឲ្យប្រជាពលរដ្ឋមានការងារធ្វើមិនចាំបាច់ចំណាក់ស្រុកទៅរកការងារធ្វើនៅប្រទេសក្រៅ។
ជាងនេះទៅទៀត អគ្គនាយិការក្រុមហ៊ុន បានគូសបញ្ជាក់ផងដែរថា ដោយក្រោមការដឹកនាំដ៏ឆ្លៀសវៃរបស់សម្តេចតេជោ ក្រោមនយោបាយឈ្នះឈ្នះ បានប្រែក្លាយតំបន់ព្រៃមីន ទៅជាតំបន់មានការអភិវឌ្ឍន៍លើគ្រប់វិស័យ ជាក់ស្តែងបច្ចុប្បន្នមានក្រុមហ៊ុន ប៉ាង ណាគ្រី រៀល អ៊ីស្ទេត ឯ.ក កំពុងតែខិតខំស្វែងរកអ្នកវិនិយោគគិនពីក្រៅប្រទេសមកវិនិយោគនៅកម្ពុជាឲ្យបានច្រើន ជាការចូលរួមចំណែកជាមួយប្រមុខរាជរដ្ឋាភិបាល ក្នុងការជួយប្រជាពលរដ្ឋឲ្យមានការងារធ្វើមិនចាំបាច់ចំណាក់ស្រុក ដូច្នេះនាពេលខាងមុខនេះ ក្រុមហ៊ុន នឹងត្រូវការកម្មករ កម្មការនី ជាច្រើនាក់ ខណៈដែលរោងចក្រមានចំនួន៦ កំពុងតំឡើងនឹងបើដំណើរការនាពេលខាងមុខនេះ៕
