ឯកឧត្តម ម៉ៅ ធនិន អភិបាលខេត្តកំពត អញ្ជើញបើកការដ្ឋានជួសជុលផ្លូវ (ផ្លូវប៉ូតាស៊ុយ) ក្នុងស្រុកបន្ទាយមាស ប្រវែង ១៣គីឡូម៉ែត្រេ
ខេត្តកំពត៖នៅព្រឹកថ្ងៃទី១១ ខែវិច្ឆិកា ឆ្នាំ២០២១ ឯកឧត្តម ម៉ៅ ធនិន អភិបាលខេត្តកំពត អមដំណើរដោយ អភិបាលរងខេត្ត នាយករដ្ឋបាលសាលាខេត្ត ស្នងការខេត្ត មេបញ្ជាការកងកម្លាំងទាំងបីប្រភេទ លោក លោកស្រី ប្រធានមន្ទីរ អង្គភាពជុំវិញខេត្ត អភិបាលស្រុក និងមន្ត្រីរាជការចំណុះសាលាស្រុកបន្ទាយមាស សមាជិកក្រុមប្រឹក្សាឃុំ សហភាពសហព័ន្ធយុវជនកម្ពុជាខេត្តកំពត សម្ពន្ធយុវជនស្រលាញ់សន្តិភាពខេត្ត និងប្រជាពលរដ្ឋ អញ្ជើញបើកការដ្ឋានជួសជុលផ្លូវ (ផ្លូវប៉ូតាស៊ុយ) ក្នុងស្រុកបន្ទាយមាស ប្រវែង១៣គីឡូម៉ែត្រ។
រដ្ឋបាលខេត្តបញ្ជាក់ថា ផ្លូវទូកមាសពោធិ៍-តាស៊ុយប្រវែង១៣គីឡូម៉ែត្របែកចេញពីផ្លូវជាតិលេខ៣១ក្បែរ ចំណុចមុខសាលាស្រុកបន្ទាយមាសឆ្ពោះ ទៅកាន់ព្រំប្រទល់ខេត្តតាកែវ បានធ្លាក់ក្នុងស្ថានភាពខូចខាតជាយូរឆ្នាំមកហើយ។ប្រជាពលរដ្ឋដែលបាន និងកំពុងប្រើប្រាស់ផ្លូវមួយខ្សែនេះមានក្តីលំបាកយ៉ាងខ្លាំងក្នុងការធ្វើដំណើរប្រចាំថ្ងៃ។ផ្តោតលើសំណូមពររបស់ប្រជាពលរដ្ឋដែលសូមឱ្យមានកិច្ចអន្តរាគមន៍ ឯកឧត្តមម៉ៅ ធនិន បានជំរុញដល់មន្ទីរអភិវឌ្ឍន៍ជនបទពន្លឿនក្នុងការបើកការដ្ឋានស្ថាបនាឱ្យបានឆាប់រហ័ស៕
