ឯកឧត្តម ម៉ៅ ធនិន អញ្ជើញជួបសំណេះសំណាល ជាមួយកម្មករ កម្មការិនី នៅរោងចក្រឃីមីហ្គាមេន
ខេត្តកំពត៖នៅព្រឹកថ្ងៃទី១០ ខែវិច្ឆិកា ឆ្នាំ២០២១ ឯកឧត្តម ម៉ៅ ធនិន អភិបាលនៃគណៈអ ភិបាល ខេត្តកំពត បានអញ្ជើញសំណេះសំណាលជាមួយកម្មករ កម្មការិនី នៅរោងចក្រឃីមីហ្គាមេន ដែលមានកម្មករ និយោជិតចំនួន២.២៥៤នាក់ ស្រី១.៨៨៦នាក់ ក្នុងនោះអ្នកមានផ្ទៃពោះ៦៤នាក់ និងរោងចក្រជី អាយ អេ ដែលមានកម្មករសរុបចំនួន៤១៨នាក់ ស្រីចំនួន ៣២៧នាក់ និងអ្នកមានផ្ទៃពោះចំនួន១០នាក់ផងដែរ។
ក្នុងឱកាសនោះ ឯកឧត្តម បានផ្តល់នូវសម្ភារៈ និងថវិកាមួយចំនួនដល់កម្មការិនីដែលមានផ្ទៃពោះចំនួន៧៤នាក់ ដោយម្នាក់ៗទទួលបានសារ៉ុងចំនួន០៣ និងថវិកា១០ម៉ឺនរៀល។
រដ្ឋបាលខេត្តបញ្ជាក់ថា រោងចក្រឃីមីហ្គាមេន មានផ្ទៃដីសរុបចំនួន ១៦.០០០ម៉ែត្រការ៉េ អគារផលិតកម្មមានចំនួន០៤អគារ សកម្មភាពផលិត លីអូរ មានទីតាំងស្ថិតនៅភូមិរលួស សង្កាត់បឹងទូក ក្រុងបូកគោ សកម្មភាពនាំចេញទៅប្រទេសអូស្ត្រាលី បារាំង អេស្ប៉ាញ និងចក្រភពអង់គ្លេស។ចំពោះរោងចក្រ ជី អាយ អេ មានផ្ទៃដីសរុប៤.៧០០ម៉ែត្រការ៉េ អគារផលិតកម្មមានចំនួន០២អគារ សកម្មភាពផលិត ផុងអាវយឺត មានទីតាំងស្ថិតនៅភូមិរលួស សង្កាត់បឹងទូក ក្រុងបូកគោ សកម្មភាពនាំចេញទៅរាជធានីភ្នំពេញ៕