ឯកឧត្តម ស្វាយ សំអ៊ាង អញ្ជើញជាអធិបតីក្នុងពិធីសម្ពោធជាផ្លូវការរបស់ហាងលក់គ្រឿងអេឡិចត្រូនិចទំនើប LG BRANDSHOP សាខាក្រុងស្ទឹងត្រែង
ខេត្តស្ទឹងត្រែង៖ឯកឧត្តម ស្វាយ សំអ៊ាង អភិបាលនៃគណៈអភិបាលខេត្តស្ទឹងត្រែងនៅព្រឹកថ្ងៃទី២៩ ខែតុលា ឆ្នាំ២០២១ បានអញ្ជើញជាអធិបតីក្នុងពិធីបើកសម្ពោធជាផ្លូវការ LG BRANDSHOP សាខាក្រុងស្ទឹងត្រែង។ពិធីនេះក៏មានការអញ្ជើញចូលរួមពីសមាជិកក្រុមប្រឹក្សាខេត្ត អភិបាលរងខេត្ត អភិបាលក្រុងស្ទឹងត្រែង អគ្គនាយក អគ្គនាយករងក្រុមហ៊ុន LG នាយករងរដ្ឋបាលសាលាខេត្ត មន្ទីរអង្គភាពមួយចំនួន តំណាងមីក្រូហិរញ្ញវត្ថុក្នុងខេត្ត និងលោក លោកស្រីពាក់ព័ន្ធមួយចំនួនទៀតផងដែរ។
នាឱកាសនោះក្រុមហ៊ុន GGEAR GROUP Co.,Ltd ក៏បានឧបត្ថម្ភនូវ ម៉ាស៊ីនសម្លាប់មេរោគចំនួន ០២គ្រឿង ទឹកថ្នាំសម្លាប់មេរោគ ចំនួន ១០ធុង ម៉ាស់ចំនួន ១០.០០០បន្ទះ ម៉ាស៊ីនបន្សុទ្ធខ្យល់ធុនធំចំនួន ០១គ្រឿង និងធុនតូចចំនួន ០៣គ្រឿង ដើម្បីប្រើប្រាស់ក្នុងសាលាខេត្ត និងចូលរួមចំណែកយុទ្ធនាការនឹងការឆ្លងរាលដាលនៃជំងឺកូវីដ-១៩ ក្នុងខេត្តស្ទឹងត្រែង ជូនរដ្ឋបាលខេត្តផងដែរ៕