មនុស្ស១នាក់រងរបួស និងរថយន្តពីរគ្រឿងរងការខូចខាត ដោយសារអគ្គីភ័យឆេះការាសសាំង នៅក្រុងសេរីសោភ័ណ្ឌ
ខេត្តបន្ទាយមានជ័យ:យ៉ាងហោចណាស់មនុស្សម្នាក់បានរងរបួសបែកក្បាល និងរលាកភ្លើងចំណែករថយន្ត ២គ្រឿងត្រូវបានអគ្គិភ័យលេបត្របាក់ ខណៈពេលដែលម្ចាស់បើក ហើយរថយន្តកិនចំធុងហ្គាសបណ្តាលឲ្យផ្ទុះ បង្កជាអគ្គិភ័យផ្អើលទាំងព្រឹក។
ហេតុការណ៍នេះដែរបានកើតឡើងនៅវេលាម៉ោងម៉ោង ៧និង២០នាទីព្រឹកថ្ងៃទី ២៩ ខែតុលាឆ្នាំ ២០២១នៅចំណុចភូមិអូរអំបិល សង្កាត់អូរអំបិល ក្រុងសេរីសោភ័ណ្ឌ ខេត្តបន្ទាយមានជ័យ។
ក្រោយពីកើតហេតុភ្លាមរថយន្តពន្លត់អគ្គីភ័យ ចំនួន០៣គ្រឿង (រថយន្តស្នងការ ដ្ឋាន០១គ្រឿង,អធិការដ្ឋានមង្គលបូរី ០១គ្រឿង និងរថយន្តអធិការដ្ឋានក្រុងសិរីសោភ័ណ ០១គ្រឿង) បានចេញអន្តរាគមន៍បាញ់ទឹកពន្លត់ដោយ ប្រើប្រាស់ទឹកអស់០៣ រថយន្ត ទើបគ្រប់គ្រងស្ថានការណ៍បាន 100% ។
ក្នុងហេតុការណ៍នេះដែលឃើញមានវត្តមានឯកឧត្តម អ៊ុំ រាត្រីអភិបាលនៃគណៈអភិបាលខេត្តបន្ទាយមានជ័យ លោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្ត លោកឧត្តមសេនីយ៍ត្រី បោនប៊ិន មេបញ្ជាការកងរាជអាវុធហត្ថខេត្ត លោកមេបញ្ជាការតំបន់ប្រតិបត្តិការសឹករងខេត្តបន្ទាយជ័យ រដ្ឋបាលក្រុងសិរីសោភ័ណ បានដឹកនាំកម្លាំងនិងនាំយករថយន្តពន្លត់អគ្គីសភ័យ ជួយពន្លត់បាញ់ទឹកយ៉ាងសរស្រាក់ សស្រាក់ ដោយរលត់ជាស្ថាពរនៅវេលាម៉ោង៨និង១៥នាទីព្រឹកថ្ងៃដដែលមិនបណ្ដាលឱ្យរៀលដាលដល់ផ្ទះអ្នកជិតខាងឡើយ។
បើតាមប្រភពព័ត៌មានពីប្រជាពលរដ្ឋបានឲ្យដឹងថា ម្ចាស់ការ៉ាសដែលរងគ្រោះដោយសារអគ្គីភ័យឆាបឆេះនេះមានឈ្មោះ ជា លី ភេទប្រុស អាយុ៦៨ ឆ្នាំ ប្រពន្ធឈ្មោះ លឹម ប៊ុនលី អាយុ៦៣ ឆ្នាំ មុខរបរបើកការ៉ាសសាំងរស់នៅចំណុចខាងលើ។
ក្នុងហេតុការណ៍នេះដែរគេឃើញមានឈ្មោះ ជា លី ដែលជាម្ចាស់ការ៉ាសរងរបួសបែកក្បាលនិងរលាកភ្លើង ដោមានការខូចខាតរថយន្តចំនួនពីរគ្រឿងរថយន្តដឹកសាំងម៉ាកខេមធើមួយគ្រឿង និងរថយន្តម៉ាកសាយអនមួយគ្រឿងផងដែរ។ទោះជាយ៉ាងណាជុំវិញបញ្ហាករណីអគ្គីភ័យនេះមជ្ឈដ្ឋាននានាបានលើកឡើងថាកន្លែងការ៉ាសសាំងខាងលើនេះមានការធ្វើប្រហែល ទើបបានបណ្តាលឲ្យមានការឆាបឆេះបែបនេះ។
សូមបញ្ជាក់ផងដែរថា រហូតមកដល់ពេលនេះទំហំនៃការខូចខាតគិតជាទឹកប្រាក់នូវមិនទាន់ដឹងនៅឡើយសមត្ថកិច្ចកិច្ចជំនាញកំពុងតែធ្វើកំណត់ហេតុ៕
