គ្រោះថ្នាក់ចរាចរ ដ៏រន្ធត់រវាងរថយន្តនិងរថយន្តបណ្ដាលឲ្យមនុស្ស៥នាក់ស្លាប់ និង១នាក់រងរបួសធ្ងន់ នៅស្រុកមោងឬស្សី
ខេត្តបាត់ដំបង:ឧបទ្ទវហេតុគ្រោះថ្នាក់ចរាចរណ៍ដ៏រន្ធត់ រវាងរថយន្តនិងរថយន្ត បណ្ដាលឲ្យមនុស្សចំនួន៥នាក់ស្លាប់ និង ១នាក់រងរបួសធ្ងន់ ដឹកបញ្ជូនទៅសង្គ្រោះនៅឯមន្ទីរពេទ្យ។
ហេតុការណ៍ដ៏រន្ធត់នេះបានកើតឡើងនៅវេលាម៉ោង៥និង១៥នាទីព្រឹក ថ្ងៃទី២៨ ខែតុលា ឆ្នាំ២០២១ តាមបណ្តោយផ្លូវជាតិលេខ៥ ស្ថិតនៅចំណុចក្រុមទី០៧ ភូមិមោង ឃុំមោង ស្រុកមោងឫស្សី ខេត្តបាត់ដំបង។
នគរបាលចរាចរណ៍ផ្លូវគោកបានឲ្យដឹងថា នៅមុនពេលកើតហេតុគេបានឃើញរថយន្តម៉ាកហ៊ីណូ ធុនដឹកជញ្ជូនធំ១គ្រឿងពាក់ស្លាកលេខ កំពង់ឆ្នាំង 3A.1566 អ្នកបេីបរដោយបុរសមិនស្គាល់អត្តសញ្ញាណ(ដឹកផ្លែស្វាយ)ក្នុងទិសដៅពីកើតទៅលិច (ភ្នំពេញបាត់ដំបង )ក្នុងល្បឿនយ៉ាងលឿន លុះបើកមកដល់ចំណុចកេីតហេតុខាងលេី បានរេចង្កូតទៅបុកជាមួយរថយន្ត១គ្រឿង ម៉ាកនីសាន់ធុនដឹកទំនិញតូច(ដឹកកម្មករបេះក្រូច)ពាក់ស្លាកលេខបាត់ដំបង 2B.2211 ក្នុងទិសដៅច្រាស់ទិសគ្នាបណ្តាលអោយអ្នកបើកបរ និងអ្នករួមដំណើរសរុប៦នាក់ បានស្លាប់៥នាក់ភ្លាមៗនៅកន្លែងកើតហេតុ (ប្រុស)និងម្នាក់ទៀតរងរបួសធ្ងន់(ប្រុស) ត្រូវបានបញ្ជូនទៅសង្គ្រោះនៅមន្ទីរពេទ្យបង្អែកស្រុកមោងឬស្សី ។ចំណែកអ្នកបើកបររថយន្តធុនធំរត់គេចខ្លួនបាត់តែម្តង។
ក្រោយពេលកើតហេតុរួចសមត្ថកិច្ចជំនាញបានចុះទៅវាស់វែងធ្វើកំណត់ហេតុរួចបានប្រគល់សាកសពរងគ្រោះទៅអោយសាច់ញាតិយករៀបចំធ្វើបុណ្យតាមប្រពៃណី ចំណែករថយន្តទាំងពីរគ្រឿងខូចខាតយ៉ាងដំណំត្រូវបានសមត្ថកិច្ចស្ទូចយកទៅរក្សាទុកនៅការិយាល័យជំនាញចរាចរណ៍ផ្លូវគោក ដើម្បីដោះស្រាយតាមផ្លូវច្បាប់នៅពេលក្រោយ៕