អង្គការស្បៀងអាហារពិភពលោក ផ្តល់ប្រាក់ឧបត្ថម្ភតាមវីង ជូនប្រជាពលរដ្ឋ នៅសង្កាត់ប៉ោយប៉ែត ដែលរងគ្រោះដោយសារទឹកជំនន់ និងមានប័ណ្ណក្រ១ និងក្រ២ រយះពេល៣ខែ
ខេត្តបន្ទាយមានជ័យ៖ប្រជាពលរដ្ឋរស់នៅក្នុងសង្កាត់/ក្រុងប៉ោយប៉ែត ខេត្តបន្ទាយមានជ័យ ដែលមានជីវភាពខ្វះខាត និងរងគ្រោះដោយសារទឹកទំនន់ ព្រមទាំងមានប័ណ្ណប្រភេទក្រ១ និងក្រ២ ទទួលបានប្រាក់ឧបត្ថម្ភពីអង្គការស្បៀងអាហារពិភពលោក រយះពេល៣ខែ។
អាជ្ញាធរមូលដ្ឋានសង្កាត់ប៉ោយប៉ែតបានឲ្យដឹងថា ប្រជាពលរដ្ឋដែលរងគ្រោះដោយសារទឹកទំនន់ និងមានប័ណ្ណប្រភេទក្រ១ និងក្រ២ ទទួលបានប្រាក់ឧបត្ថម្ភពីអង្គការស្បៀងអាហារពិភពលោក មកពី១៣ភូមិ ក្នុងសង្កាត់ប៉ោយប៉ែតសរុបចំនួន១០៥៥នាក់។
បើតាមមន្ត្រីអង្គការស្បៀងអាហារពិភពលោក បានឲ្យដឹងនៅព្រឹកថ្ងៃទី២៦ ខែតុលា ឆ្នាំ២០២១នេះថា អង្គការស្បៀងអាហារពិភពលោក ទទួលបានថវិការពីប្រទេសអាឡឺម៉ង់ សម្រាប់បើកជូនប្រជាពលរដ្ឋ ដែលមានជីវខ្វះខាត រងគ្រោះដោយសារទឹកជំនន់ក្នុងអំឡុងឆ្នាំ២០២១ និងមានប័ណ្ណប្រភេទក្រ១ និងក្រ២តែប៉ុណ្ណោះ ហើយការបើកប្រាក់នេះគឺយើងមិនអាចកាន់ជាសាច់ប្រាក់មកបើកជូនពួកគាត់បានទេ គឺយើងត្រូវផ្ទេសាច់ប្រាក់ជូនពួកគាត់តាមរយះវីង ប៉ុន្តែដើម្បីទទួលសាច់ប្រាប់បានគឺគាត់ត្រូវបង្កើតគណនេយ្យវីងសិន ហើយកាលពីសប្តាហ៏មុនក្រុមការងារបានចុះបង្កើតគណនេយ្យឲ្យរួចហើយ ប៉ុន្តែនិតិវិធីនៅពេលបង្កើតគណនេយ្យរួចហើយខាងក្រុមហ៊ុននឹងផ្ញើលេខកូត៤ខ្ទង់ ដើម្បីឲ្យគាត់ប្តូ ទាល់តែប្តូលេខកូតបណ្តោះអាសន្ន៤ខ្ទង់សិន ទើបបានអង្គការវេលុយជូនពួកគាត់បាន ទើបបានជាថ្ងៃនេះណាត់ពួតគាត់មកប្តូលេខកូតបណ្តោះអាសន្ន ក្រោយពីប្តូរយះពេល១សប្តាហ៏ខាងអង្គការនឹងវេលុយជូនពួកគាត់បានគ្រប់ៗគ្នា។
មន្ត្រីអង្គការខាងលើបន្តថា ចំនួនទឹកលុយដែលត្រូវបានក្នុង១នាក់ចំនួន៣២០០០រៀល(បីម៉ឺនពីពាន់រៀល)ក្នុងមួយខែ និងក្នុង១នាក់ តែបើគ្រួសារពួកគាត់មានប៉ុន្មាននាក់គុណប៉ុណ្ណឹង អញ្ជឹងថវិការដែលពួកគាត់ទទួលបានអាស្រ័យទៅតាមចំនួនសមាជិកនៅក្នុងគ្រួសារ ហើយជួយបានរយះពេល៣ខែ។
មន្ត្រីអង្គការខាងលើបញ្ជាក់ថា មន្ត្រីរបស់ខ្លួនចុះមកក្រុងប៉ោយប៉ែតនៅថ្ងៃនេះមានចំនួន៣ទីតាំង ដោយមានការសហការគ្នាល្អជាមួយអាជ្ញាធរខេត្ត និងមូលដ្ឋាន ហើយរយះកាលកន្លងមកនេះសម្រាប់ខេត្តបន្ទាយមានជ័យ អង្គការបានជួយបានប្រមាណជាង១ម៉ឺនគ្រួសារហើយដែរ៕
.jpg)
.jpg)
.jpg)