អភិបាលខេត្តបន្ទាយមានជ័យ សំណេះសំណាល លើកទឹកចិត្តដល់ក្រុមកីឡាបាល់ទាត់ និងសិល្បៈចាប៉ីដងវែង ទទួលពាន់ង្វាន់
ខេត្តបន្ទាយមានជ័យ៖ក្រុមកីឡាបាល់ទាត់ខេត្តបន្ទាយមានជ័យ ដែលទទួលបានចំណាត់ថ្នាក់លេខ៣ ក្នុងកម្មវិធីប្រកួតពានរង្វាន់សម្ដេច ហ៊ុន សែន លើកទី១៥ ឆ្នាំ២០២១ និងក្រុមសិល្បៈចាប៉ីដងវែង នៃមន្ទីរវប្បធម៌ និងវិចិត្តសិល្បៈខេត្តបន្ទាយមានជ័យ ទទួលបានអំណោយ ឧបត្ថម្ភលើកទឹកចិត្ត ពីឯកឧត្តម អ៊ុំ រាត្រី អភិបាលនៃគណ:អភិបាលខេត្តបន្ទាយមានជ័យ នាព្រឹកថ្ងៃទី២៥ ខែតុលា ឆ្នាំ២០២១នេះ។
ក្នុងឱកាសនោះ ឯកឧត្តម អ៊ុំ រាត្រី បានសម្តែងនូវការអបអរសាទរ និងមានមោទណៈភាពចំពោះជ័យលាភីរបស់ក្រុមកីឡាករ និងសិល្បៈករយើងទាំងអស់គ្នា ដែលបានខិខំប្រឹងប្រែងយកអស់ស្មារតី កងកម្លាំងកាយចិត្ត បញ្ញា ក្នុងការប្រកួតដ៍សមត្ថភាពពិត ។ភាពជោគជ័យនេះវាជាមោទនៈភាពមួយរបស់ខេត្តបន្ទាយមានជ័យយើង មានក្រុមកីឡាករឆ្នើម មានសិល្បៈករឆ្នើម បានចូលរួមប្រកួតលើឆាកថ្នាក់ជាតិ បានទទួលចំណាត់ថ្នាក់។
ក្នុងនាមរដ្ឋបាលខេត្ត ឯកឧត្តមអភិបាលខេត្ត សូមជូនពរដល់ក្រុមសិល្បៈ កីឡាករ គ្រូបង្វឹកទាំងអស់ សូមមានសុខភាពល្អ ជោគជ័យនាពេលខាងមុខៗទៀត និងត្រូវបន្តពង្រឹងការហ្វឹកហាត់បំពេញបន្ថែមសមត្ថភាពឲ្យកាន់តែខ្លាំងទៀត ដើម្បីដណ្តើមយកជ័យលាភីជើងឯក។
ជាមួយគ្នានោះ ឯកឧត្តម អ៊ុំ រាត្រី អភិបាលខេត្តផ្តល់ជូនថវិកា ក្រុមការងារបាល់ទាត់ ៦លានរៀល គ្រូបង្វឹក២នាក់ ថវិកា ៨០ ០០០០រៀល ក្លិប៤០ ០០០០រៀល និងគ្រឿងឧបភោគមួយចំនួន ។ជូនក្រុមសិល្បៈចាប៉ីដងវែង ថវិកា ២លានរៀល និងគ្រូបង្ហាត់ ៤០០ ០០០រៀល និងគ្រឿងឧបភោគមួយចំនួនផងដែរ៕
.jpg)
.jpg)
