ឯកឧត្តម អភិបាលខេត្តបន្ទាយមានជ័យ ទទួលអំណោយឧបត្ថម្ភរបស់អង្គការ UNICEF តាមរយៈក្រសួងអភិវឌ្ឍន៍ជនបទ
ខេត្តបន្ទាយមានជ័យ៖ឯកឧត្តម អ៊ុំ រាត្រី អភិបាលនៃខេត្តបន្ទាយមានជ័យ នាព្រឹកថ្ងៃទី២៥ ខែតុលា ឆ្នាំ២០២១ អញ្ជើញទទួលអំណោយឧបត្ថម្ភពីអង្គការ UNICEF តាមរយៈលោក ជា យុទ្ធារុណ ប្រធានមន្ទីរអភិវឌ្ឍន៍ជនបទខេត្តបន្ទាយមានជ័យ និងសហការី សម្រាប់យកទៅប្រើប្រាស់ក្នុងការចូលរួមទប់ស្កាត់ការរីករាលដាល នៃជំងឺកូវីដ-១៩ និងគ្រោះទឹកជំនន់ នៅក្នុងភូមិសាស្ត្រខេត្តបន្ទាយមានជ័យ។
នាឱកាសនោះឯកឧត្តម អ៊ុំ រាត្រី អភិបាលខេត្ត បានថ្លែងអំណរគុណចំពោះអង្គការ UNICEF និងឯកឧត្តមបណ្ឌិត អ៊ុក រ៉ាប៊ុន រដ្ឋមន្ត្រីក្រសួងអភិវឌ្ឍន៍ជនបទ ដែលបានចូលរួមឧបត្ថម្ភអំណោយសម្ភារៈអនាម័យ សម្រាប់ខេត្ត យកទៅប្រើប្រាស់ក្នុងការចូលរួមទប់ស្កាត់ការរីករាលដាល នៃជំងឺកូវីដ-១៩ និងគ្រោះទឹកជំនន់ នៅក្នុងខេត្ត ហើយអំណោយទាំងនេះ ពិតជាមានតម្លៃសម្រាប់ជួយឧបត្ថម្ភគាំទ្រ ទៅដល់ប្រជាពលរដ្ឋក្នុងកាលៈទេសៈនៃការរីករាលជំងឺកូវីដ១៩។
អំណោយដែលត្រូវផ្តលជូនរួមមាន:សាប៊ូម្សៅ ២ ៦២៥ កញ្ចប់,ស្បែកជើងវែងកៅស៊ូ ចំនួន ២០០ គូ, ស្រោមដៃកៅស៊ូ ចំនួន៣៧៥ គូរ ,សាប៊ូដុំលាងសម្អាតដៃចំនួន ១២ ៥០០ដុំ ,សំឡីអនាម័យសម្រាប់ស្ត្រីចំនួន ២៨ ២០០ បន្ទះ ,របាំងមុខចំនួន ៧០០ របាំង និងអៀមប្លាស្ទិកចំនួន ៥ ៧៥០ ផងដែរ៕
.jpg)
