អភិបាលខេត្តបាត់ដំបង អនុញ្ញាតឱ្យអង្គភាពជំរុញផលិតកម្មស្រូវ និងការនាំចេញអង្ករខេត្តបាត់ដំបង (Rice-SDP)
ខេត្តបាត់ដំបង:ឯកឧត្តម សុខ លូ អភិបាល នៃគណៈអភិបាលខេត្តបាត់ដំបង នៅព្រឹកថ្ងៃទី២៥ ខែតុលា ឆ្នាំ២០២១ អនុញ្ញាតឱ្យអង្គភាពជំរុញផលិតកម្មស្រូវ និងការនាំចេញអង្ករខេត្តបាត់ដំបង (Rice-SDP) និងសហការី ចូលជួបសម្តែងការគួរសម និងរាយការណ៍អំពីវឌ្ឍនភាពនៃការអនុវត្តគម្រោងកន្លងមក។
ពិធីផ្ដោតទៅលើយុទ្ធសាស្រ្ដក្នុងការបង្កើត និងពង្រឹងផ្នែកច្បាប់ពាណិជ្ជកម្ម ដើម្បីធ្វើឲ្យប្រសើរឡើងនូវគោលនយោបាយសន្ដិសុខស្បៀង និងការនាំចេញអង្ករតាមរយៈ៖
១-ការបង្កើត និងពង្រឹងផ្នែកច្បាប់ គោលនយោបាយ ការធ្វើពាណិជ្ជកម្មស្រូវ និងការនាំចេញអង្ករ
២-ការធ្វើឲ្យប្រសើរឡើងនូវផលិតកម្មស្រូវ និងគុណភាពអង្ករ
៣-ការលើកកម្ពស់សេវាគាំទ្រខ្សែសង្វាក់ផលិតកម្មស្រូវអង្ករ
៤-ការដោះស្រាយបញ្ហាផលិតកម្មស្រូវតាមរយៈការស្ដារប្រព័ន្ធធារាសាស្រ្ដ ការផ្ដល់បច្ចេកទេសការផ្ដល់ពូជ និងការបន្សាំដំណាំស្រូវធននឹងការប្រែប្រួលអាកាសធាតុ៕