គិតត្រឹម ថ្ងៃទី២០ ខែតុលា ឆ្នាំ២០២១ អ្នកស្លាប់ដោយសារជម្ងឺកូវីដ.១៩ សម្រាប់ខេត្តបន្ទាយមានជ័យអ្នកស្លាប់ដោយសារជម្ងឺកូវីដ.១៩ មានចំនួន ២៩០នាក់ ក្នុងនោះមានស្រី១៦១នាក់ជនជាតិបរទេស៦នាក់
ខេត្តបន្ទាយមានជ័យ:បើយោងតាម លោក អោម ចន្ថា អភិបាលរងខេត្តបន្ទាយមានជ័យ និងជាប្រធាន អនុកម្មកាបូជាសពកូវីដ .១៩ បានឲ្យដឹងថា ក្នុងខេត្តបន្ទាយមានជ័យ អ្នកកើតជម្ងឺកូវីដ.១៩ គិតមកដល់ត្រឹមថ្ងៃទី២០ ខែ តុលា ឆ្នាំ២០២១ មានអ្នកស្លាប់កើនដល់ចំនួន ២៩០នាក់ហើយ ក្នុងនោះមានស្រី១៦១នាក់ ជនជាតិឥណ្ឌូនេស៊ី ៣នាក់/ស្រី១នាក់ ជនជាតិថៃ៣នាក់/ស្រី២នាក់។
លោក អោម ចន្ថា បញ្ចាក់ថា ខេត្តបន្ទាយមានជ័យមានកន្លែង មណ្ឌលចត្តាឡីស័កមានចំនួនច្រើនកន្លែង សំរាប់ព្យាអ្នកកើតជម្ងឺ.១៩ ក្នុងព្រឹត្តិការណ៍ ២០ កុម្ភះ និងពលករដែលបានវិលមកពីស្រុកថៃវិញ កំពុងសំរាកព្យាបាលនៅក្នុងមណ្ឌលទាំងអស់នេះ។ប៉ុន្តែអភិបាលខេត្តបង្រួមឲ្យមានតែមណ្ឌលសំរាប់ព្យាបាលអ្នកកើតជម្ងឺកូវីដ.១៩ ធំតែ៣កន្លែងតែប៉ុណ្ណោះ
ទី១ ទីតាំងនៅក្នុងភូមិខ្លាកូនថ្មី សង្កាត់កំពង់ស្វាយ ក្រុងសិរីសោភ័ណ ដែលជាអតីតគម្រោងរោងចក្រមួយមានផ្ទៃដី២ហិចតាក្នុងនោះផ្ទៃ អគារ១,២ហិចតា ដែលអាចដាក់ចំណុះអ្នកជម្ងឺបានចំនួន៣.០០០នាក់។
ទី២ នៅគម្រោងផ្សារអ៉ឹង វណ្ណម៉ៅ ចម្ការតាដោក ស្ថិតនៅភូមិចម្ការតាដោក ឃុំឬស្សីក្រោក ស្រុកមង្គលបូរី ដែលអាចដាក់ចំណុះអ្នកជម្ងឺបានចំនួន៣.០០០នាក់ដែរ។
និងទី៣ កំពុងតែធ្វើជិតរួចហើយ មណ្ឌលចត្តាឡីស័កសម្រាប់ដាក់បងប្អូនពលករ ៣.០០០នាក់ នៅទីតាំងភូមិកូបធំ សង្កាត់និមិត្ត ក្រុងប៉ោយប៉ែត ខេត្តបន្ទាយមានជ័យ។
រដ្ឋបាលខេត្តបានឲ្យដឹងថា មណ្ឌលសំរាប់ព្យាបាលអ្នកកើតជម្ងឺកូវីដ.១៩ ធំទាំង៣កន្លែងនេះនៅពេលខាងមុខ និងប្រមូលអ្នកកើតជម្ងឺកូវីដ.ទាំងអស់ដាក់ក្នុងមណ្ឌលទាំង៣នេះសំរាប់មើលថែទាំស្រួល ពិសេស យកសាលាប្រគល់ទៅឲ្យប្រធានមន្ទីរអប់វិញសំរាប់ឲ្យសិស្សានុសិស្សចូលរៀននៅពេលខាងមុខពិសេសក្នុងក្រុងសិរីសោភ័ណ និងស្រុកមង្គលបូរីតែម្តង។
លោក អោម ចន្ថា បានបញ្ជាក់ឲ្យដឹងបន្តទៀតថា អ្នកស្លាប់ដោយសារជម្ងឺកូវីដ.១៩ ទាំងអស់ត្រូវបានលោកអាចារ្យខេត្តធ្វើការបូជារួចរាល់អស់ហើយ ដោយរៀបចំបូជាសពទៅតាមលក្ខណៈបច្ចេកទេសនៃការណែនាំរបស់ក្រសួងសុខាភិបាលនិងការកំណត់របស់រដ្ឋ យកទៅបូជាដោយធ្វើការតម្កល់ធ្វើបុណ្យសពតាមប្រពៃណីក្នុងនោះក៏បាននិមន្តលោកសង្ឃធ្វើការ សូត្រមន្ត បង្សុគោលឲ្យផងដែ នៅភ្នំបាក់ សង្កាត់ទឹកថ្លា ក្រុងសិរីសោភ័ណតែម្តង៕