មន្ទីរកសិកម្មខេត្តបន្ទាយមានជ័យ សហការជាមួយសមត្ថកិច្ចគយ នៃការិយាល័យស្រាវជ្រាវ និងបង្រ្កាបអំពើរត់ពន្ធតំបន់៥ ចាប់បានរថយន្តតាក់ស៊ី១គ្រឿង លួចដឹកសាច់ជ្រូកកាប់រួច និងសាច់ចម្រុះចំនួន ៦កេះ ស្មើនឹង៣០០គីឡូក្រាម នៅចំណុចខាងលិចក្បាលស្ពានទឹកថ្លា
ខេត្តបន្ទាយមានជ័យ៖មន្ទីរកសិកម្មខេត្តបន្ទាយមានជ័យ សហការជាមួយសមត្ថកិច្ចគយ នៃការិយាល័យស្រាវជ្រាវ និងបង្រ្កាបអំពើរត់ពន្ធតំបន់៥ ស្ទាក់ចាប់បានរថយន្តតាក់ស៊ី១គ្រឿង លួចដឹកសាច់ជ្រូកកាប់រួច និងសាច់ចម្រុះចំនួន ៦កេះ ស្មើនឹង៣០០គីឡូក្រាម នៅវេលាម៉ោង៩ និង១០នាទីព្រឹក ថ្ងៃទី២០ ខែតុលា ឆ្នាំ២០២១ នៅចំណុចខាងលិចក្បាលស្ពានទឹកថ្លា ស្ថិតក្នុងភូមិទឹកថ្លា សង្កាត់ទឹកថ្លា ក្រុងសិរីសោភ័ណ ខេត្តបន្ទាយមានជ័យ។
បើយោងតាមមន្ត្រីគយ នៃការិយាល័យស្រាវជ្រាវ និងបង្រ្កាបអំពើរត់ពន្ធតំបន់៥ បានឲ្យអ្នកយកព័ត៌មានដឹងថា មានរថយន្តតាក់ស៊ី១គ្រឿងដែលលួចដឹកសាច់ជ្រូចកាប់រួមហើយ ដឹកចេញពីស្រុកថៃ មានសាច់ចម្រុះនោះ មានម៉ាក Toyota Highlander ពាក់ស្លាកលេខ បាត់ដំបង 2A-7372 ដែលមានម្ចាស់ឈ្មោះ សេង ណារិត ភេទប្រុស អាយុ៣៤ឆ្នាំ មានទីលំនៅភូមិ ទួលស្រឡៅ ឃុំគងជ័យ ស្រុកអូររាំងឪ ខេត្តកំពង់ចាម។ក្រោយពីមន្ត្រីគយនៃការិយាល័យស្រាវជ្រាវ និងបង្រ្កាបអំពើរត់ពន្ធតំបន់៥ ត្រួតពិនិត្យឃើញថា ផលិតផលខាងលើនេះ មានការប្រែប្រួល បរិមាណ គុណភាពដើមមានសភាពធុំក្លិនស្អុយ មិនអាចរក្សាទុកបានយូរ ក៏សម្រេចធ្វើការយកសាច់ជ្រូចទាំង៦កេះនោះ ទៅដុតកម្ទេចចោល នៅដីវាល ស្ថិតក្នុងភូមិខ្លាកូន សង្កាត់កំពង់ស្វាយ ក្រុងសិរីសោភ័ណ ខេត្តបន្ទាយមានជ័យ នៅវេលាម៉ោង ២និង៣០នាទីរសៀលថ្ងៃទី២០ ខែតុលា ឆ្នាំ២០២១នេះតែម្តង៕
